വൺപ്ലസ് 5T ലാവ റെഡ് എഡിഷൻ ആമസോണിൽ

ജനുവരി ആദ്യവാരത്തിലാണ് വൺപ്ലസ് 5T ലാവ റെഡ് എഡിഷൻ ഇന്ത്യയിൽ എത്തിച്ചേർന്നത്. ഇപ്പോൾ കമ്പനി ആമസോണിലുള്ള വില്പനയാരംഭിച്ചിരിക്കുകയാണ്. 8 GBറാം, 128GB സ്റ്റോറേജിൽ 37,999 രൂപ പ്രൈസ് ടാഗിലാണ് വൺപ്ലസ് 5T ലാവ റെഡ് എഡിഷൻ അവതരിച്ചത്.

നിലവിൽ ആമസോൺ വഴി വൺപ്ലസ് 5T ലാവ റെഡ് എഡിഷൻ വാങ്ങുന്നവർക്ക് 1,807 ഇഎംഐ ഓപ്ഷനും 17,545 രൂപയുടെ എക്സ്ചേഞ്ച് ഓഫറും ലഭ്യമാക്കാം. കൂടാതെ എച്ച്ഡിഎഫ്സി ബാങ്ക് ക്രെഡിറ്റ്, ഡെബിറ്റ് കാർഡ് ഉടമകൾക്ക് 1,500 രൂപയുടെ ഡിസ്കൗണ്ടും നൽകിയിട്ടുണ്ട്. ഇതിനുപുറമെ ഐഡിയ സെല്ലുലാറിൽ നിന്നും 1008GB 4G ഡാറ്റയും 12 മാസത്തേക്ക് സൗജന്യ അപകട ഇൻഷൂറൻസും ലഭിക്കുന്നതായിരിക്കും.

ഇതുകൂടാതെ വൺപ്ലസ് ഒഫീഷ്യൽ ഇ-സ്റ്റോറിൽ നിന്നും ബജാജ് ഫിൻസർവ് കാർഡ് വഴി വാങ്ങുന്ന ഉപഭോക്താക്കൾക്ക് മൂന്ന് മാസം മുതൽ 6 മാസം വരെ നോ കോസ്റ്റ് ഇഎംഐയും ലഭ്യമാക്കിയിട്ടുണ്ട്. കൂടാതെ കാഷിഫൈ വഴി വൺപ്ലസ് ബൈബാക്ക് പ്രോഗ്രാമിലൂടെ ഈ ഡിവൈസ് വാങ്ങുന്നവർക്ക് 2000 രൂപ ബൈബാക്ക് ബോണസും ലഭിക്കുന്നതായിരിക്കും.