ഇന്ത്യയിൽ പ്രീമിയം സ്മാർട്ട്ഫോണിന്റെ ഓൺലൈൻ വിൽപ്പനയിൽ 62 ശതമാനം വിപണി വിഹിതം നേടിയെടുത്ത വൺപ്ലസ് രാജ്യത്തെ ഓഫ് ലൈൻ സ്റ്റോറുകളിലും വമ്പിച്ച നേട്ടം കൈവരിക്കാൻ ഒരുങ്ങുന്നു. ഓഫ് ലൈൻ സ്റ്റോറുകൾ വഴി കൂടുതൽ വിൽപ്പന നേടിയെടുക്കാനുള്ള സാധ്യതകൾ മനസിലാക്കി ഓഫ് ലൈൻ വിൽപ്പനയ്ക്ക് കൂടുതൽ പ്രചാരം നൽകുമെന്നാണ് വൺപ്ലസ് ജനറൽ മാനേജർ വികാസ് അഗർവാൾ അറിയിച്ചിരിക്കുന്നത്.
വൺപ്ലസ് ഇതിനകം തന്നെ രാജ്യത്ത് 5 എക്സ്ക്ലൂസീവ് സ്റ്റോറുകൾ സ്ഥാപിച്ചിട്ടുണ്ട്. ഈ വർഷം 5 പുതിയ സ്റ്റോറുകൾ കൂടി തുറക്കാനുള്ള പദ്ധതിയിലാണ് കമ്പനി. കൂടുതലായും മെട്രോ മഹാനഗരങ്ങളെയാണ് വൺപ്ലസ് ലക്ഷ്യമിടുന്നത്. ഏപ്രിൽ-ജൂൺ കാലയളവിൽ പ്രീമിയം സ്മാർട്ട്ഫോൺ മേഖലയിൽ 40 ശതമാനം വിപണി വിഹിതം നേടിയെടുത്തിടുണ്ടെന്നാണ് കണക്കുകൾ സൂചിപ്പിക്കുന്നത്. എന്നാൽ കഴിഞ്ഞ വർഷം ഇതെ കാലയളവിൽ കമ്പനിക്കുണ്ടായ വിപണിവിഹിതം കേവലം 9 ശതമാനം മാത്രമായിരുന്നു.
35 ശതമാനം വിപണി വിഹിതത്തോടെ സാംസങും 14 ശതമാനത്തോടെ ആപ്പിളുമാണ് ഒന്നും രണ്ടും സ്ഥാനത്തുള്ളത്. ഓഫ് ലൈൻ വിൽപ്പനയിൽ ശ്രദ്ധ കേന്ദ്രീകരിക്കുന്നതിനൊപ്പം രാജ്യത്ത് റിസർച്ച് ആൻഡ് ഡവലപ്പ്മെന്റ് സെന്റർ സ്ഥാപിക്കാനും പദ്ധതിയിടുന്നുണ്ട്. ഇതുവഴി ഭാവിയിൽ ഇന്ത്യയിൽ തന്നെ സ്മാർട്ട്ഫോൺ നിർമാണവും ആരംഭിക്കുന്നതായിരിക്കും.
വൺപ്ലസ് ഇതിനകം തന്നെ രാജ്യത്ത് 5 എക്സ്ക്ലൂസീവ് സ്റ്റോറുകൾ സ്ഥാപിച്ചിട്ടുണ്ട്. ഈ വർഷം 5 പുതിയ സ്റ്റോറുകൾ കൂടി തുറക്കാനുള്ള പദ്ധതിയിലാണ് കമ്പനി. കൂടുതലായും മെട്രോ മഹാനഗരങ്ങളെയാണ് വൺപ്ലസ് ലക്ഷ്യമിടുന്നത്. ഏപ്രിൽ-ജൂൺ കാലയളവിൽ പ്രീമിയം സ്മാർട്ട്ഫോൺ മേഖലയിൽ 40 ശതമാനം വിപണി വിഹിതം നേടിയെടുത്തിടുണ്ടെന്നാണ് കണക്കുകൾ സൂചിപ്പിക്കുന്നത്. എന്നാൽ കഴിഞ്ഞ വർഷം ഇതെ കാലയളവിൽ കമ്പനിക്കുണ്ടായ വിപണിവിഹിതം കേവലം 9 ശതമാനം മാത്രമായിരുന്നു.
35 ശതമാനം വിപണി വിഹിതത്തോടെ സാംസങും 14 ശതമാനത്തോടെ ആപ്പിളുമാണ് ഒന്നും രണ്ടും സ്ഥാനത്തുള്ളത്. ഓഫ് ലൈൻ വിൽപ്പനയിൽ ശ്രദ്ധ കേന്ദ്രീകരിക്കുന്നതിനൊപ്പം രാജ്യത്ത് റിസർച്ച് ആൻഡ് ഡവലപ്പ്മെന്റ് സെന്റർ സ്ഥാപിക്കാനും പദ്ധതിയിടുന്നുണ്ട്. ഇതുവഴി ഭാവിയിൽ ഇന്ത്യയിൽ തന്നെ സ്മാർട്ട്ഫോൺ നിർമാണവും ആരംഭിക്കുന്നതായിരിക്കും.