ഓപ്പോയുടെ ഏറ്റവും പുതിയ ഹാൻഡ്സെറ്റായ F15 ഇന്നുമുതൽ വാങ്ങാം. ക്വാഡ് റിയർ ക്യാമറ സംവിധാനവും അമോലെഡ് ഡിസ്പ്ലേയും, വാട്ടർഡ്രോപ് സ്റ്റൈലിലുള്ള നോച്ചുമുള്ള ഓപ്പോ F15 ജനുവരി 24 മുതൽ ആമസോൺ, ഫ്ലിപ്കാർട് എന്നീ ഓൺലൈൻ സൈറ്റുകളിലും ഓഫ്ലൈൻ സ്റ്റോറുകളിലും ലഭിക്കും.
യുവാക്കളെ ആകർഷിക്കാനായി പുറത്തിറക്കിയ ഹാൻഡ്സെറ്റിൽ ആർട്ടിഫിഷ്യൽ ഇന്റലിജൻസ് (AI) സപ്പോർട്ടുള്ള വീഡിയോ ബ്യൂട്ടിഫിക്കേഷൻ, ഗെയിം ബൂസ്റ്റ് 2.0, ഗെയിമിംഗ് വോയിസ് ചേഞ്ചർ, ഇൻ-ഗെയിം നോയ്സ് ക്യാൻസലിങ് എഫക്ട് തുടങ്ങിയ ഫീച്ചറുകളും ഇൻ-ഡിസ്പ്ലേ ഫിംഗർപ്രിന്റ് സെൻസറുമുണ്ട്.
8 ജിബി റാമും 128 ജിബി സ്റ്റോറേജുമുള്ള ഹാൻഡ്സെറ്റിന് 19,990 രൂപയാണ് വില വരുന്നത്. ലൈറ്റനിംഗ് ബ്ലാക്ക്, യൂണികോൺ വൈറ്റ് എന്നീ നിറങ്ങളിലാണ് ഫോൺ വാങ്ങാൻ കഴിയുക.
നിങ്ങളുടെ ഫോണേതാ? 2019-ൽ തരംഗമായത് ഈ സ്മാർട്ഫോണുകൾ
ലോഞ്ചിന്റെ ഭാഗമായി ഓപ്പോ F15 സ്മാർട്ഫോൺ വാങ്ങുന്നവർക്ക് ഒരുപാട് ഓഫറുകളും ഓപ്പോ നൽകുന്നുണ്ട്. ജനുവരി 26 വൺ-ടൈം സ്ക്രീൻ റീപ്ലേസ്മെന്റ് സൗകര്യം ലഭിക്കും. എച്ച്ഡിഎഫ്സി ബാങ്ക്, ഐസിഐസിഐ ബാങ്ക്, യെസ് ബാങ്ക് എന്നിവയുടെ ഉപയോക്താക്കൾക്ക് ഓഫ്ലൈൻ റീടെയിലർമാരിൽ നിന്നും ഓപ്പോ F15 വാങ്ങുമ്പോൾ അഞ്ച് ശതമാനം ക്യാഷ്ബാക്കും ലഭിക്കും. ബജാജ് ഫിൻസെർവിൽ സീറോ ഡൌൺ-പേയ്മെന്റ് ഓപ്ഷനുമുണ്ട്. ജിയോ വരിക്കാരാണെങ്കിൽ നൂറ് ശതമാനം അഡിഷണൽ ഡാറ്റ ആനുകൂല്യങ്ങളും ലഭിക്കും.
ഡ്യൂവൽ-സിം (നാനോ) ഫോണായ ഓപ്പോ F15 പ്രവർത്തിക്കുന്നത് കളർഒഎസ് 6.1.2 ഉള്ള ആൻഡ്രോയിഡ് 9 പൈയിലാണ്. 6.4-ഇഞ്ചുള്ള ഫുൾ-HD+ (1080x2400 പിക്സൽ) അമോലെഡ് ഡിസ്പ്ലേയാണ് ഹാൻഡ്സെറ്റിന് ഓപ്പോ നൽകിയിരിക്കുന്നത്. 20:9 ആണ് ആസ്പെക്ട് അനുപാതം. കോർണിങ് ഗൊറില്ല ഗ്ലാസ് 5 സുരക്ഷയും ഇൻ-ഡിസ്പ്ലേ ഫിംഗർപ്രിന്റ് 3.0 സെൻസറും ഫോണിലുണ്ട്. 0.32 സെക്കൻഡിൽ ഫോൺ അൺലോക്ക് ചെയ്യും ഈ സെൻസർ. Mali G72 MP3 GPU, LPDDR4x 8 ജിബി റാമുമുള്ള ഒക്ട-കോർ മീഡിയടേക് ഹീലിയോ P70 (MT6771V) SoC ആണ് ഹാൻഡ്സെറ്റിന് ശക്തി പകരുന്നത്.
വാട്സാപ്പും ഫേസ്ബുക്കും ഉപയോഗിക്കാൻ വരെ ഇനി തിരിച്ചറിയൽ രേഖ വേണം
ക്വാഡ് റിയർ ക്യാമറയാണ് ഫോണിന്റെ പ്രധാന ആകർഷണം. f/1.79 ലെൻസുള്ള 48-മെഗാപിക്സൽ പ്രൈമറി സെൻസർ + f/2.25 അൾട്രാ-വൈഡ്-ആംഗിൾ ലെൻസുള്ള 8-മെഗാപിക്സൽ സെക്കന്ററി സെൻസർ + 2-മെഗാപിക്സൽ പോർട്രൈറ്റ് സെൻസർ, 2-മെഗാപിക്സൽ മോണോക്രോം സെൻസർ എന്നിവയാണ് ഈ ക്യാമറ സംവിധാനത്തിലുള്ളത്. സെൽഫികൾക്കായി 16-മെഗാപിക്സലുള്ള സെൽഫി ക്യാമറ സെൻസറുണ്ട്.
ഈ കാര്യങ്ങൾ മതി വാട്സാപ്പ് ചിലപ്പോൾ ജയിലിലെത്തിക്കും
128 ജിബി UFS 2.1 ഓൺബോർഡ് സ്റ്റോറേജ് ആണ് ഓപ്പോ F15 സ്മാർട്ഫോണിലുള്ളത്. ഒരു മൈക്രോഎസ്ഡി കാർഡിന്റെ സഹായത്തോടെ ഈ സ്റ്റോറേജ് 256 ജിബി വരെ വർധിപ്പിക്കാൻ സാധിക്കും. 4G വോൾട്ടെ, വൈഫൈ 802.11ac, ബ്ലൂടൂത്ത് v4.2, GPS/ A-GPS, USB ടൈപ്പ്-സി, 3.5mm ഹെഡ്ഫോൺ ജാക്ക് എന്നിവയാണ് ഹാൻഡ്സെറ്റിലെ പ്രധാന കണക്ടിവിറ്റി സൗകര്യങ്ങൾ. ആക്സിലെറോമീറ്റർ, ആമ്പിയന്റ് ലൈറ്റ്, ഗൈറോസ്കോപ്പ്, മാഗ്നെറ്റോമീറ്റർ, പെഡോമീറ്റർ, പ്രോക്സിമിറ്റി സെൻസർ എന്നീ സെൻസറുകളാണ് ഓപ്പോ F15 സ്മാർട്ഫോണിലുള്ളത്. VOOC 3.0 ഫാസ്റ്റ് ചാർജിങ് ടെക്നോളജി സപ്പോർട്ട് ചെയ്യുന്ന 4,000mAh ബാറ്ററിയാണ് ഫോണിലുള്ളത്.