ചൈനീസ് സ്മാർട്ട്ഫോൺ, ഇലക്ട്രോണിക്സ് നിർമ്മാതാക്കളായ ഒപ്പോ തിങ്കളാഴ്ച അവതരിപ്പിച്ച ഉത്സവകാല സ്പെഷ്യൽ എഡിഷൻ പതിപ്പ് F17 പ്രോ ദീവാലി എഡിഷന്റെ വില്പന ആരംഭിച്ചു. 23,990 രൂപയാണ് F17 പ്രോ ദീവാലി എഡിഷന്റെ വില. ഒപ്പോ F17 പ്രോ പതിപ്പിനേക്കാൾ 1000 രൂപ കൂടുതലാണ് സ്പെഷ്യൽ എഡിഷൻ ആയെത്തിയ ദീവാലി എഡിഷൻ പതിപ്പിന്. മാറ്റ് ഗോൾഡ് ഫിനിഷ് ആണ് F17 പ്രോ ദീവാലി എഡിഷന്റെ ഹൈലൈറ്റ്. അതെ സമയം താഴ്ഭാഗത്ത് ആകാശ നീല നിറമാണ്. ഒപ്പോ F17 പ്രോയുടെ വില്പന ഫ്ലിപ്പ്കാർട്ടിൽ ആണെങ്കിൽ ദീവാലി എഡിഷന്റെ വില്പന ആമസോൺ വഴിയാണ്.
F17 പ്രോ ദീവാലി എഡിഷൻ പ്രത്യേകം തയ്യാറാക്കിയ ഗിഫ്റ്റ് ബോക്‌സിലാണ് ഒപ്പോ നൽകുക. ബോക്‌സിൽ ഫോണിനൊപ്പം ഒപ്പോയുടെ 10,000mAh പവർ ബാങ്ക് സൗജന്യമായി ലഭിക്കും (1000 രൂപ കൂടാൻ കാരണം വ്യക്തമായില്ലേ). 2990 വിലമതിക്കുന്ന സമ്മാനങ്ങളും ഒരുതവണ സ്ക്രീൻ റീപ്ലേസ്മെന്റും ഭാഗ്യശാലികളായ F17 പ്രോ ദീവാലി എഡിഷൻ ഉടമകൾക്ക് ലഭിക്കും.
ഒപ്പോ F17 പ്രോ
ഒപ്പോ F17 പ്രോയുടെ 6.43 ഇഞ്ച് ഫുൾ എച്ഡി+ സൂപ്പർ അമോലെഡ് ഡിസ്പ്ലെയ്ക്ക് 20:9 ആണ് ആസ്പെക്ട് റേഷ്യോ. 8 ജിബി എൽ‌പി‌ഡി‌ഡി‌ആർ 4 എക്സ് റാമും 128 ജിബി യു‌എഫ്‌എസ് 2.1 സ്റ്റോറേജുമായി ബന്ധിപ്പിച്ച മീഡിയടെക് ഹീലിയോ P95 ഒക്ടാകോർ ചിപ്‌സെറ്റാണ് ഹൃദയം. ആൻഡ്രോയിഡ് 10 അടിസ്ഥാനമാക്കിയ കളർ‌ഒ‌എസ് 7.2 ഓപ്പറേറ്റിംഗ് സിസ്റ്റം ആണ് ഹൃദയം. 30W VOOC ഫ്ലാഷ് ചാർജ് 4.0 പിന്തുണയുള്ള 4,000mAh ബാറ്ററി ആണ് ഒപ്പോ F17 പ്രോയ്ക്ക്.
ഐഫോൺ 12; പുത്തൻ ആപ്പിൾ ഫോണിനെപ്പറ്റി അറിയേണ്ട 10 കാര്യങ്ങൾ
48 മെഗാപിക്സൽ മെയിൻ ലെൻസ്, 8 മെഗാപിക്സൽ വൈഡ് ആംഗിൾ ലെൻസ്, ഒരു ജോഡി 2 മെഗാപിക്സൽ ലെൻസ് എന്നിവ ഉൾപ്പെടുന്ന ക്വാഡ് റിയർ ക്യാമറ സജ്ജീകരണമാണ് ഒപ്പോ F17 പ്രോയിൽ. 30fps-ൽ 4K വീഡിയോ ഷൂട്ടിംഗ്, 120fps-ൽ 1080P സ്ലോ-മോ വീഡിയോ റെക്കോർഡിംഗ്, ബോക്കെ വീഡിയോ, അൾട്രാ സ്റ്റെഡി വീഡിയോ, നൈറ്റ് മോഡ് എന്നിവയെല്ലാം ഈ കാമറ സംവിധാനം പിന്തുണയ്ക്കുന്നു. 16 മെഗാപിക്സലിന്റെ പ്രധാന ക്യാമറയും 2 മെഗാപിക്സൽ ഡെപ്ത് സെൻസറും ഉൾക്കൊള്ളുന്നതാണ് സെൽഫി കാമറ.
നോർഡിനേക്കാൾ വിലക്കുറവിൽ വൺപ്ലസ് നോർഡ് N10, N100 വിപണിയിലേക്ക്
4ജി എൽടിഇ, വൈഫൈ 802.11 എസി, ബ്ലൂടൂത്ത് വി 5.1, ജിപിഎസ്/എ-ജിപിഎസ്, യുഎസ്ബി ടൈപ്പ്-സി ചാർജിംഗ് പോർട്ട്, 3.5 എംഎം ഇയർഫോൺ ജാക്ക് എന്നിവയാണ് ഫോണിലെ കണക്ടിവിറ്റി ഓപ്ഷനുകൾ.