കാത്തിരിപ്പിനൊടുവിൽ ഓപ്പോ F7 അവതരിച്ചു

കാത്തിരിപ്പിനൊടുവിൽ ഓപ്പോ F7 അവതരിച്ചു. ഓപ്പോ F5 സ്മാർട്ട്ഫോണിന് പിൻഗാമിയായിട്ടാണ് F7 എത്തിയിരിക്കുന്നത്. 25 MP സെൽഫി ക്യാമറയാണ് ഈ സ്മാർട്ട്ഫോണിന്‍റെ പ്രധാന ഹൈലേറ്റ്. 24 MP സെൽഫി ക്യാമറയുള്ള വിവോ വി9 സ്മാർട്ട്ഫോണിന് പ്രധാന എതിരാളിയായിരിക്കും ഓപ്പോയുടെ F7 സ്മാർട്ട്ഫോൺ. 4ജിബി റാം, 6 ജിബി റാം വകഭേദങ്ങളിൽ എത്തിയ F7 ന് 21,990, 26,990 രൂപ നിരക്കിലാണ് വില.

ഏപ്രിൽ 9 നാണ് വില്പനയാരംഭിക്കുന്നത്. ഫ്ലിപ്പ്കാർട്ടിലും ഓഫ് ലൈൻ സ്റ്റോറുകളിലുമാണ് വില്പനയൊരുക്കിയിരിക്കുന്നത്. അവതരണത്തിന്‍റെ ഭാഗമായി ജിയോ ഉപഭോക്താക്കൾക്ക് 120 ജിബി ഡാറ്റയും 1,200 രൂപയുടെ ക്യാഷ്ബാക്കും ഓഫർ ചെയ്തിട്ടുണ്ട്. സോളാർ റെഡ്, മൂൺലൈറ്റ് സിൽവർ നിറങ്ങളിലായിരിക്കും ഓപ്പോ F7ലഭ്യമാവുക.

എടുത്തു പറയേണ്ടതായിട്ടുള്ളത് ഇതിലെ 24 MP സെൽഫി ക്യാമറയാണ്. ആര്‍ട്ടിഫിഷ്യല്‍ ഇന്‍റലിജന്‍സിന്‍റെ സഹായത്തോടെ 296 മുഖം തിരിച്ചറിയല്‍ പോയിന്‍റുകള്‍ ഉപയോഗിച്ച് സെൽഫി എടുക്കാൻ ഈ ക്യാമറയ്ക്ക് സാധിക്കും. കൂടാതെ ആണുങ്ങളുടെയാണോ പെണ്ണുങ്ങളുടെയാണോ ഫോട്ടോ എടുക്കുന്നത്, അവരുടെ പ്രായം, തൊലിയുടെ നിറം, ഏതു തരം തൊലിയാണ് എന്നോക്കെ തിരിച്ചറിയാൻ ഈ ക്യാമറയ്ക്ക് കഴിയുമെന്നും ഓപ്പോ അവകാശപ്പെടുന്നു. കൂടുതൽ സവിശേഷതകൾ അറിയാം.

6.23 ഇഞ്ച് ഡിസ്പ്ലെ

ഓക്ട-കോർ മീഡിയടെക് ഹെലിയോ P60 പ്രോസസർ

ആൻഡ്രോയിഡ് 8.1

4GB/6GBറാം

64GB/128GB സ്റ്റോറേജ്

16MP ഫ്രണ്ട് ക്യാമറ

25MP സെൽഫി ക്യാമറ

3400mAh ബാറ്ററി