ഓപ്പോ ഫോൺ വാങ്ങാൻ ബെസ്റ്റ് ടൈം, റെനോ 2, F11 പ്രൊ, F9 പ്രൊ ഫോണുകൾക്ക് വിലക്കിഴിവ്
ഫെബ്രുവരി 27 വരെ നീണ്ടു നിൽക്കുന്ന സെയിലിൽ സ്മാർട്ഫോണുകൾക്ക് വിലക്കുറവ്, നോ-കോസ്റ്റ് ഇഎംഐ ഓപ്ഷൻ, എക്സ്ചേഞ്ച് ഓഫർ, ക്യാഷ്ബാക്ക് എന്നിങ്ങനെ പല ആനുകൂല്യങ്ങളുമുണ്ട്.
ഏതൊക്കെ ഫോണുകൾക്കാണ് വിലക്കിഴിവുള്ളത് എന്നറിയേണ്ടേ?
ഓപ്പോ F11 പ്രൊ
28, 990 രൂപയ്ക്ക് ലോഞ്ച് ചെയ്ത ഈ ഹാൻഡ്സെറ്റ് ഇപ്പോൾ 15, 990 രൂപയ്ക്കാണ് ഫ്ലിപ്പ്കാർട്ടിൽ ലിസ്റ്റ് ചെയ്തിരിക്കുന്നത്. ഓപ്പോയുടെ ജനപ്രീതിയാർജിച്ച ഓപ്പോ F11 പ്രൊ സ്മാർട്ഫോണിൽ 6.5-ഇഞ്ചുള്ള ഫുൾ HD+ ഡിസ്പ്ലേ ആണ് നൽകിയിരിക്കുന്നത്. മീഡിയടെക് ഹീലിയോ P70 SoC ഒക്ട കോർ 2.1 GHz പ്രൊസസർ ആണ് ഫോണിനുശക്തി പകരുന്നത്. 6 ജിബി റാമും 64 ജിബി സ്റ്റോറേജ് കപ്പാസിറ്റിയുമാണ് ഹാൻഡ്സെറ്റിലുള്ളത്. VOOC 3.0 ഫാസ്റ്റ് ചാർജിങ്, 48-മെഗാപിക്സൽ, 5-മെഗാപിക്സൽ ഡ്യൂവൽ ക്യാമറ സംവിധാനം എന്നിവയുള്ള ഫോണിൽ 16-മെഗാപിക്സലിന്റെ പോപ്പ്-അപ് ക്യാമറയും നൽകിയിട്ടുണ്ട്.
ഷവോമിയുണ്ട്, വിവോയുണ്ട്, ഓപ്പോയുണ്ട്: ഈ വർഷം ഈ സ്മാർട്ഫോണുകൾക്കെല്ലാം വൻവിലക്കിഴിവ്
ഓപ്പോ റെനോ 2F
ക്വാഡ് റിയർ ക്യാമറ സംവിധാനവും, VOOC 3.0 ഫ്ലാഷ് ചാർജ് സപ്പോർട്ടും, ഫുൾ-HD+ അമോലെഡ് ഡിസ്പ്ലേയും പോപ്പ്-അപ്പ് സെൽഫി ക്യാമറ മോഡ്യൂളുമുള്ള ഹാൻഡ്സെറ്റിന് ഏഴായിരം രൂപയുടെ വിലക്കിഴിവ് ആണ് ഓപ്പോ ഫന്റാസ്റ്റിക് ഡേ സെയിലിൽ ലഭിക്കുന്നത്. 28,990 രൂപയ്ക്ക് ലോഞ്ച് ചെയ്ത ഫോൺ ഇപ്പോൾ 21, 990 രൂപയ്ക്ക് വാങ്ങാനാവും. പഴയ ഫോൺ എക്സ്ചേഞ്ച് ചെയ്യുന്നവർക്ക് 14, 050 രൂപ വരെ ഡിസ്കൗണ്ടുമുണ്ട്. 6.53-ഇഞ്ചുള്ള ഫുൾ-HD+ (1080x2340 പിക്സൽ) അമോലെഡ് ഡിസ്പ്ലേയാണ് ഓപ്പോ 2F-നുള്ളത്.19.5:9 ആണ് ആസ്പെക്ട് അനുപാതം. 8 ജിബി റാമുള്ള ഒക്ട-കോർ മീഡിയടെക് ഹീലിയോ P70 (MT6771V) പ്രോസസറാണ് ഈ ഹാൻഡ്സെറ്റിനുള്ളത്. കോർണിങ് ഗൊറില്ല ഗ്ലാസ് 4 സുരക്ഷയും നൽകിയിട്ടുണ്ട്. 48-മെഗാപിക്സൽ പ്രൈമറി ക്യാമറ, 8-മെഗാപിക്സൽ സെക്കണ്ടറി സെൻസർ, 2-മെഗാപിക്സലുള്ള രണ്ട് സെൻസറുകൾ എന്നിവയാണ് ഫോണിന്റെ ക്വാഡ് ക്യാമറ സെറ്റപ്പിലുള്ളത്. 128 ജിബി ഇന്റേണൽ സ്റ്റോറേജും ഹാൻഡ്സെറ്റിൽ നൽകിയിട്ടുണ്ട്. മുൻവശത്തുള്ള പോപ്പ് അപ്പ് സെൽഫി ക്യാമറ 16-മെഗാപിക്സലാണ്. 4,000 mAh ആണ് ബാറ്ററി. ബാറ്ററി VOOC 3.0 സപ്പോർട്ട് ചെയ്യും. ഫ്ലാഷ് ചാർജ് ടെക്നോളജിയുമുണ്ട്.
Best Smartphones: സ്റ്റോറേജ് 128 ജിബി, വില ഇരുപതിനായിരത്തിൽ താഴെ
ഓപ്പോ F9 പ്രൊ
ഓപ്പോ ഫന്റാസ്റ്റിക് ഡേ സെയിലിൽ വെറും 17, 990 രൂപ നൽകി ഓപ്പോ F9 പ്രൊ സ്മാർട്ഫോൺ സ്വന്തമാക്കാൻ കഴിയും. ഈ ഹാൻഡ്സെറ്റിന്റെ യഥാർത്ഥ വില 25,990 രൂപയാണ്. 6.3 ഇഞ്ചുള്ള ഫുൾ HD ഡിസ്പ്ലേ ആണ് ഓപ്പോ F9 പ്രൊയ്ക്കുള്ളത്. 16-മെഗാപിക്സൽ, 2-മെഗാപിക്സൽ എന്നിങ്ങനെ സെൻസറുകളുള്ള ഡ്യൂവൽ ക്യാമറ സംവിധാനമാണ് ഫോണിന്റെ പിൻഭാഗത്തുള്ളത്. സെൽഫികൾക്കും വീഡിയോ കോളുകൾക്കുമായി മുൻഭാഗത്ത് 25-മെഗാപിക്സലിന്റെ ഫ്രന്റ് ക്യാമറയുമുണ്ട്. മീഡിയടേക് ഹീലിയോ P60 ഒക്ടകോർ 2.0 GHz പ്രൊസസർ ആണ് ഹാൻഡ്സെറ്റിന് ശക്തി പകരുന്നത്. 6 ജിബി റാമും 64 ജിബി സ്റ്റോറേജുമാണ് ഫോണിലുള്ളത്.
ഫോൺ ചാർജ് ചെയ്ത് മടുത്തോ? ഇതാ കിടിലൻ ബാറ്ററിയുള്ള ഫോണുകൾ
ഓപ്പോ A1K, ഓപ്പോ K1
ഓപ്പോ F9 പ്രൊ, ഓപ്പോ റെനോ 2F, ഓപ്പോ F11 പ്രൊ എന്നീ ഹാൻഡ്സെറ്റുകൾക്ക് പുറമെ ഓപ്പോയുടെ ബജറ്റ് ഫോണുകളായ ഓപ്പോ A1K, ഓപ്പോ K1, ഓപ്പോ A5S, ഓപ്പോ F9 എന്നീ ഫോണുകൾക്കും സെയിലിൽ വിലക്കിഴിവുണ്ട്. കഴിഞ്ഞ വർഷം ഏപ്രിലിൽ 7490 രൂപയ്ക്കാണ് ഓപ്പോ A1K സ്മാർട്ഫോൺ വിപണിയിൽ ലോഞ്ച് ചെയ്തത്. 2.3 GHz ഒക്ട കോർ പ്രോസസറിൽ പ്രവർത്തിക്കുന്ന ഓപ്പോ A5S സ്മാർട്ഫോണിന്റെ യഥാർത്ഥ വില 8,490 രൂപയാണ്.