ഡ്യൂവൽ സെൽഫി ക്യാമറയുള്ള ഓപ്പോ റെനോ 3 പ്രൊ ഇന്ന് എത്തും

ഓപ്പോയുടെ റെനോ 3 പ്രൊ സ്മാർട്ഫോൺ മാർച്ച് മൂന്നിന് എത്തും. 44-മെഗാപിക്സൽ ഡ്യൂവൽ സെൽഫി ക്യാമറയുള്ള ആദ്യത്തെ സ്മാർട്ഫോൺ ആയിരിക്കും റെനോ 3 പ്രൊ എന്നാണ് കരുതുന്നത്. ക്വാഡ് ക്യാമറ സംവിധാനത്തോടെ വരുന്ന ഫോൺ കഴിഞ്ഞ വർഷം ചൈനയിൽ കമ്പനി അവതരിപ്പിച്ച ഓപ്പോ 3 പ്രൊ പതിപ്പിൽ നിന്നും വ്യത്യസ്തമായിരിക്കും എന്നാണ് പ്രതീക്ഷിക്കുന്നത്. 64-മെഗാപിക്സൽ ആയിരിക്കും ഫോണിന്റെ പ്രധാന ക്യാമറ, ചൈനീസ് മോഡലിൽ പ്രധാന ക്യാമറ 48-മെഗാപിക്സൽ ആയിരുന്നു.

ലോഞ്ചിന് മുൻപേ ഓപ്പോ ഫോണിന്റെ ഫീച്ചറുകൾ കമ്പനി പുറത്തുവിട്ടിട്ടുണ്ട്. തിങ്കളാഴ്‌ച ഉച്ചയ്ക്ക് 12.30-ന് ഡൽഹിയിൽ നടക്കുന്ന പ്രസ് പരിപാടിയിലാണ് ഓപ്പോ റെനോ 3 പ്രൊയുടെ ലോഞ്ച് നടക്കുക. യൂട്യൂബിലൂടെയും മറ്റ് സോഷ്യൽ ചാനലുകളിലൂടെയും ഈ പരിപാടിയുടെ ലൈവ് സ്ട്രീമിങ് കാണാനാവും.

ക്വാഡ് ക്യാമറയും, ഡ്യൂവൽ മോഡ് 5ജി സപ്പോർട്ടുമായി ഓപ്പോ റെനോ 3, റെനോ 3 പ്രൊ ഫോണുകൾ

ഓപ്പോ റെനോ 3 പ്രൊയുടെ ഇന്ത്യയിലെ വില കമ്പനി ഇതുവരെ പുറത്തുവിട്ടിട്ടില്ല. എങ്കിലും കമ്പനി ചൈനയിൽ നൽകിയ അതെ വില ആയിരിക്കും ഇന്ത്യയിലും ഫോണിനിടുക എന്നാണ് പ്രതീക്ഷിക്കുന്നത്. ഓപ്പോ റെനോ 3 പ്രൊ ഹാൻഡ്‌സെറ്റിന്റെ 8 ജിബി റാം 128 ജിബി സ്റ്റോറേജ് പതിപ്പിന് ചൈനയിൽ CNY 3,999 ആണ് വില. ഏകദേശം 40,000 ഇന്ത്യൻ രൂപ വരുമിത്. 128 ജിബി റാമും 256 ജിബി സ്റ്റോറേജുമുള്ള പതിപ്പിന് CNY 4,499 ആണ് വില (ഏകദേശം 45,000 ഇന്ത്യൻ രൂപ). ആമസോൺ, ഫ്ലിപ്കാർട്ട്, ഓഫ്‌ലൈൻ സ്റ്റോറുകൾ എന്നിവിടങ്ങളിൽ നിന്നും ഹാൻഡ്‌സെറ്റ് വാങ്ങാനാവും. അറോറ ബ്ലൂ, മിഡ്നൈറ്റ് ബ്ലാക്ക്, സ്‌കൈ വൈറ്റ് കളർ ഓപ്‌ഷനുകളിലാണ് ഫോൺ വാങ്ങിക്കാൻ കഴിയുക.

ഇന്ത്യക്കാർക്ക് ഏറ്റവും ഇഷ്ടം ഈ വിദേശി സ്മാർട്ഫോൺ ബ്രാൻഡിനോട്

ഡ്യൂവൽ ഹോൾ പഞ്ചുള്ള സെൽഫി ക്യാമറ സംവിധാനമാണ് ഹാൻഡ്‌സെറ്റിലുണ്ടാവുക. പിറകിലെ പാനലിൽ ഇടത് വശത്തായി ക്വഡ് ക്യാമറകൾ സജ്ജീകരിച്ചിരിക്കും. ഇൻ-ഡിസ്പ്ലേ ഫിംഗർപ്രിന്റ് സെൻസറും ഫോണിലുണ്ടാവും. ചൈനയിൽ 5ജി പതിപ്പാണ് ലോഞ്ച് ചെയ്തത് എങ്കിലും ഇന്ത്യയിൽ ഓപ്പോ റെനോ 3 പ്രോയുടെ 4ജി പതിപ്പ് മാത്രമേ അവതരിപ്പിക്കുകയുള്ളൂ. 64-മെഗാപിക്സൽ പ്രധാന ക്യാമറ, 13-മെഗാപിക്സൽ ടെലിഫോട്ടോ ഷൂട്ടർ, 8-മെഗാപിക്സൽ അൾട്രാ-വൈഡ്-ആംഗിൾ ക്യാമറ, 2-മെഗാപിക്സൽ മോണോക്രോം ഷൂട്ടർ എന്നിവ അടങ്ങുന്നതായിരിക്കും പിൻക്യാമറ സംവിധാനം.