വണ്‍ പ്ലസ് ഫോണില്‍ എടുത്ത അദിതിയുടെ കവര്‍ ഫോട്ടോയുമായി വോഗ്!

അങ്ങനെ ഇന്ത്യയിലാദ്യമായി മൊബൈല്‍ ഫോണില്‍ എടുത്ത കവര്‍ ഫോട്ടോയുമായി മാഗസിനും ഇറങ്ങി. അതും ഒന്നാം നിര ഫാഷന്‍ മാഗസിനുകളിലൊന്നായ വോഗ്! മെയ് ലക്കം വോഗ് ആണ് അദിതി റാവു ഹൈദാരിയുടെ മൊബൈലില്‍ ക്ലിക്ക് ചെയ്ത മനോഹര ചിത്രവുമായി ഇറങ്ങിയത്. ഐഫോണില്‍ അല്ല, വണ്‍ പ്ലസ് 6 ലാണ് ഈ ഫോട്ടോ എടുത്തിരിക്കുന്നത്.

എറിക്കോസ് ആന്‍ഡ്ര്യൂ എന്ന ഫോട്ടോഗ്രാഫര്‍ ആണ് ഈ ചിത്രം പകര്‍ത്തിയത്. അദിതിയെ മനോഹരിയായി അണിയിച്ച് ഒരുക്കിയതാവട്ടെ, ഫാഷന്‍ ഡയറക്ടര്‍ അനൈറ്റ ഷ്രോഫ് അദജാനിയയും.

ഈ ഫോണില്‍ ഫോട്ടോ എടുക്കുന്നത് സൗകര്യപ്രദമാണെന്നാണ് ഫോട്ടോഗ്രാഫര്‍ പറയുന്നത്. പ്രൊഫഷനല്‍ ക്യാമറ പോലെ ഭാരം താങ്ങി നടക്കേണ്ട. ക്യാമറയിലാവട്ടെ, വേണ്ട എല്ലാ ഒപ്ഷനുകളും ലഭ്യമാണ് താനും. പിന്നെ എന്തിനാണ് വലിയ ക്യാമറ എന്നാണ് ഫോട്ടോഗ്രാഫര്‍ ചോദിക്കുന്നത്.