ഒരുപാട് ടീസറുകൾക്കും ലീക്കുകൾക്കും ശേഷം പോക്കോ F2 പ്രൊ എന്ന സ്മാർട്ഫോൺ ലോഞ്ച് ചെയ്തിരിക്കുകയാണ് ഷവോമിയുടെ സബ് ബ്രാൻഡായി പ്രവർത്തനം ആരംഭിച്ച പോക്കോ. ചൈനീസ് വിപണിയിൽ ഷവോമി മാർച്ചിൽ ലോഞ്ച് ചെയ്ത റെഡ്മി K30 പ്രൊ ഫോണിന്റെ റീബ്രാൻഡഡ് പതിപ്പാണ് പോക്കോ F2 പ്രൊ. പോപ്പ് അപ്പ് സെൽഫി ക്യാമറയും ക്വാഡ് റിയർ ക്യാമറ സംവിധാനവുമുള്ള പോക്കോ F2 പ്രൊ പോക്കോയുടെ F1 സീരിസിലെ രണ്ടാമത്തെ സ്മാർട്ഫോണാണ്. പോക്കോ F2 പ്രൊയിലും കമ്പനി സ്നാപ്ഡ്രാഗൺ 865 ചിപ്സെറ്റ് തന്നെയാണ് നൽകിയിരിക്കുന്നത്.
പോക്കോ F2 പ്രൊ വില
പോക്കോ F2 പ്രൊ ഫോണിന് EUR 499 ആണ് വില വരുന്നത്. അതായത് ഏകദേശം 41,500 ഇന്ത്യൻ രൂപ. 8 ജിബി/ 256 ജിബി വേരിയന്റിന് ആണ് ഈ വില. 8 ജിബി/ 256 ജിബി വേരിയന്റിന് EUR 599 ആണ് വില വരുന്നത്. ഏകദേശം 50,000 ഇന്ത്യൻ രൂപ. സൈബർ ഗ്രേ, ഇലക്ട്രിക് പർപ്പിൾ, നിയോൺ ബ്ലൂ, ഫാൻഡം വൈറ്റ് എന്നിങ്ങനെ നാല് നിറങ്ങളിലാണ് ഫോൺ വാങ്ങാനാവുക. ഗിയർബെസ്റ്റ്, അലിഎക്സ്പ്രസ് എന്നിവയിലൂടെയാണ് ഹാൻഡ്സെറ്റ് വാങ്ങാനാവുക. USD 499.99 (ഇന്ത്യൻ രൂപ 37,900) ആണ് വില. പോക്കോ F2 പ്രൊ ഇന്ത്യൻ വിപണിയിൽ എപ്പോഴാണ് എത്തുക എന്ന കാര്യം കമ്പനി അറിയിച്ചിട്ടില്ല.
ഷവോമിയല്ല, ലോകത്ത് ഏറ്റവും കൂടുതൽ ഫോൺ വിറ്റത് ഈ കമ്പനികൾ
പോക്കോ F2 പ്രൊ പ്രധാന സ്പെസിഫിക്കേഷൻസ്
ഡിസ്പ്ലേ: 6.67-ഇഞ്ച് ഫുൾ-HD HDR10 അമോലെഡ് ഡിസ്പ്ലേ
ചിപ്സെറ്റ്: ക്വാൽകോം സ്നാപ്ഡ്രാഗൺ 865 ചിപ്സെറ്റ്
റാം: 6 ജിബി LPDDR4X റാം അല്ലെങ്കിൽ 8 ജിബി LPDDR5 റാം
സ്റ്റോറേജ്: 256 ജിബി UFS 3.1 ഇന്റേണൽ സ്റ്റോറേജ്
റിയർ ക്യാമറകൾ: 64-മെഗാപിക്സൽ സോണി IMX686 പ്രൈമറി സെൻസർ, 5-മെഗാപിക്സൽ ടെലി-മാക്രോ ഷൂട്ടർ 13-മെഗാപിക്സൽ വൈഡ്-ആംഗിൾ സെൻസർ, 2-മെഗാപിക്സൽ ഡെപ്ത് സെൻസർ
സെൽഫി ക്യാമറ: 20-മെഗാപിക്സൽ പോപ്പ്-അപ്പ് സെൽഫി ക്യാമറ
ഓപ്പറേറ്റിംഗ് സിസ്റ്റം: ആൻഡ്രോയിഡ് 10 അടിസ്ഥാനമായുള്ള MIUI OS
ബാറ്ററി: 4700mAh ബാറ്ററി, 33W ഫാസ്റ്റ് ചാർജിങ് സപ്പോർട്ട്
കളർ ഓപ്ഷനുകൾ: സൈബർ ഗ്രേ, ഇലക്ട്രിക്ക് പർപ്പിൾ, നിയോൺ ബ്ലൂ, ഫാന്റം വൈറ്റ്