നോക്കിയയുടെ പുത്തൻ സ്മാർട്ട്ഫോൺ C3യുടെ വില കുറച്ചു

ഒരിടവേളയ്ക്ക് ശേഷം ആഗസ്റ്റിലാണ് എച്എംഡി ഗ്ലോബലിന്റെ ഉടമസ്ഥതയിലുള്ള ഫിന്നിഷ് സ്മാർട്ട്ഫോൺ ബ്രാൻഡ് നോക്കിയ ഇന്ത്യയിൽ സ്മാർട്ട്ഫോണുകൾ ലോഞ്ച് ചെയ്യാൻ ആരംഭിച്ചത്. 5.3, C3 എന്നീ പേരുകളിൽ ബജറ്റ്, മിഡ്റേഞ്ച് സ്മാർട്ട്ഫോണുകളും, നോക്കിയ 125, നോക്കിയ 150 (2020) എന്നീ ഫീച്ചർ ഫോണുകളുമാണ് കമ്പനി ആഗസ്റ്റിൽ വില്പനക്കെത്തിച്ചത്. ഇതിൽ ബജറ്റ് സ്മാർട്ട്ഫോൺ ആയ C3യുടെ വില നോക്കിയ കുറച്ചു.

2 ജിബി റാം + 16 ജിബി ഓൺബോർഡ് സ്റ്റോറേജ് പതിപ്പിന് 7,499 രൂപയും 3 ജിബി റാം + 32 ജിബി ഓൺബോർഡ് സ്റ്റോറേജ് പതിപ്പിന് 8,999 രൂപയും ആയിരുന്നു നോക്കിയ C3-യുടെ ലോഞ്ച് വില. 500 രൂപ കുറച്ച് 6,999 ആണ് 2 ജിബി റാം പതിപ്പിന്റെ പുതിയ വില. 3 ജിബി റാം പതിപ്പിന്റെ വില അതേ സമയം 1,000 രൂപ കുറച്ച് ഇപ്പോൾ 7,999 രൂപയാണ്.

നോക്കിയ C3

നോർഡിക് ബ്ലൂ, സാൻഡ് എന്നിങ്ങനെ രണ്ട് നിറങ്ങളിൽ വില്പനക്കെത്തിയിരിക്കുന്ന നോക്കിയ C3, ആൻഡ്രോയിഡ് 10 ഓപ്പറേറ്റിംഗ് സിസ്റ്റത്തിൽ ആണ് പ്രവർത്തിക്കുന്നത്. 5.99-ഇഞ്ച് എച്ഡി+ (720x1,440 പിക്സൽ) ഐപിഎസ് ഡിസ്പ്ലേ ആണ് നോക്കിയ C3-യ്ക്ക്. ഒക്ട-കോർ യൂനിസെക് SC9863A SoC പ്രോസസ്സർ ആണ് കരുത്ത്. 32 ജിബി വരെയുള്ള ഓൺബോർഡ് സ്റ്റോറേജ് മൈക്രോ എസ്ഡി കാർഡ് വഴി 128 ജിബി വരെയായി ഉയർത്താം.

ഈ മാസം വില്പനക്കെത്തുന്ന 4 പുത്തൻ സ്മാർട്ട്ഫോണുകൾ

8 മെഗാപിക്സൽ സിംഗിൾ പിൻ ക്യാമറയും, 5 മെഗാപിക്സൽ ഫ്രന്റ് കാമറയുമാണ് നോക്കിയ C3-യ്ക്ക്. 3,040 mAh ആണ് ബാറ്ററി. വൈഫൈ 802.11 ബി/ജി/എൻ, 4ജി, ബ്ലൂടൂത്ത് വി 4.2, ജിപിഎസ് / എ-ജിപിഎസ്, 3.5 എംഎം ഹെഡ്‌ഫോൺ ജാക്ക്, മൈക്രോ-യുഎസ്ബി പോർട്ട് എന്നിവയാണ് കണക്റ്റിവിറ്റി ഓപ്ഷനുകൾ. ഫോണിന്റെ പിൻഭാഗത്ത് ഫിംഗർപ്രിന്റ് സ്കാനർ ഉൾപെടുത്തിയിട്ടുണ്ട്. ആക്സിലെറോമീറ്റർ, ആമ്പിയന്റ് ലൈറ്റ്, പ്രോക്സിമിറ്റി സെൻസർ എന്നിവയും നോക്കിയ C3-യിൽ ഉൾപെടുത്തിയിട്ടുണ്ട്.