പോക്കോ X2 സ്മാർട്ഫോണിന്റെ വില വീണ്ടും വർദ്ധിപ്പിച്ചു

സ്മാർട്ട് ഫോണുകളുടെ ജിഎസ്ടി തീരുവ 12 ശതമാനത്തിൽ നിന്നും 18 ശതമാനമായി വർദ്ധിപ്പിച്ചതിനെ തുടർന്ന് കഴിഞ്ഞ മാസം ഏറെക്കുറെ എല്ലാ സ്മാർട്ടഫോണുകളുടെയും വില വർദ്ധിപ്പിക്കാൻ കമ്പനികൾ നിർബന്ധിതരായിരുന്നു. 4,000 രൂപ മുതൽ 5,000 രൂപയുടെ വരെയാണ് ഏപ്രിൽ ഒന്നിന് ശേഷം പല സമയങ്ങളിലായി സ്മാർട്ട് ഫോണുകളുടെ വില വർദ്ധിച്ചത്. ഇതിന്റെ ഭാഗമായി പോക്കോ X2 ഫോണിന്റെ വില കഴിഞ്ഞ മാസം ഷവോമി വർദ്ധിപ്പിച്ചിരുന്നു. മെയ് മാസത്തെ വിലക്കയറ്റത്തിന് പുറമെ പോക്കോ X2 ഫോണിന്റെ 2 വേരിയന്റുകളുടെ വില ഷവോമി വർദ്ധിപ്പിച്ചു (ഷവോമിയുടെ സബ് ബ്രാൻഡാണ് പോക്കോ).

15,999 രൂപ മുതലായിരുന്നു പോക്കോ X2 സ്മാർട്ഫോണിന്റെ ലോഞ്ച് വില. കഴിഞ്ഞ മാസത്തെ വിലക്കയറ്റത്തിന്റെ ഭാഗമായി അടിസ്ഥാന 6 ജിബി റാം + 64 ജിബി സ്റ്റോറേജ് മോഡലിന്റെ വില 16,൯൯൯ രൂപയായി വർദ്ധിപ്പിച്ചിരുന്നു. ഇപ്പോൾ 500 രൂപ കൂടി വർദ്ധിച്ച് 17,499 രൂപയാണ് ഈ വേരിയന്റിനായി മുടക്കേണ്ടത്. ലോഞ്ച് വില 16,999 ആയിരുന്ന 6 ജിബി റാം + 128 ജിബി സ്റ്റോറേജ് പതിപ്പിന് കഴിഞ്ഞ മാസം 1000 രൂപ വർദ്ധിച്ചിരുന്നു. ഇപ്പോൾ 500 രൂപ കൂടി വർദ്ധിച്ച് 18,499 ആണ് പുതിയ വില. അതെ സമയം, 19,999 രൂപയിൽ നിന്നും 20,999 രൂപയായി കഴിഞ്ഞ മാസം വർദ്ധിപ്പിച്ച 8 ജിബി റാം + 256 ജിബി സ്റ്റോറേജ് മോഡലിന്റെ വില ഇത്തവണ കൂടിയിട്ടില്ല. അറ്റ്ലാന്റിസ് ബ്ലൂ, മാട്രിക്സ് പർപ്പിൾ, ഫീനിക്സ് റെഡ് എന്നീ 3 കളർ ഓപ്ഷനുകളിൽ പോക്കോ X2 തുടരും.

പോക്കോ X2

ആൻഡ്രോയിഡ് 10 അടിസ്ഥാനമാക്കി പ്രവർത്തിക്കുന്ന MIUI 11 ഇന്റർഫെയ്‌സുള്ള പോക്കോയ്ക്ക് 6.67-ഇഞ്ച് ഫുൾ-HD+ (1080x2400 പിക്സൽ) റിയാലിറ്റിഫ്ലോ 120Hz ഡിസ്‌പ്ലേയാണ്. 20:9 ആണ് ആസ്പെക്ട് റേഷ്യോ. ഒക്ട-കോർ ക്വാൽകോം സ്നാപ്ഡ്രാഗൺ 730G SoC ആണ് പോക്കോ X2-ന് കരുത്തേകുന്നത്. ഈ പ്രൊസസർ അഡ്രെനോ 618 GPU മായും 8 ജിബി LPDDR4X റാമുമായും പെയർ ചെയ്തിട്ടുണ്ട്.

256 ജിബി UFS 2.1 സ്റ്റോറേജ് ആണ പോക്കോ X2 സ്മാർട്ഫോണിന്. 4G വോൾട്ടെ, വൈഫൈ 802.11ac, ബ്ലൂടൂത്ത്, GPS/ A-GPS, USB ടൈപ്പ്-സി, ഒരു 3.5mm ഹെഡ്‍ഫോൺ ജാക്ക് എന്നിവയാണ് ഹാൻഡ്‌സെറ്റിലെ പ്രധാന കണക്ടിവിറ്റി സൗകര്യങ്ങൾ. സൈഡ് മൗണ്ടഡ് ഫിംഗർപ്രിന്റ് സെൻസറും പോക്കോ X2 സ്മാർട്ഫോണിൽ നൽകിയിട്ടുണ്ട്. IR ബ്ലാസ്റ്റർ ഉള്ള സെൻസറാണിത്. 27W ഫാസ്റ്റ് ചാർജിങ് സപ്പോർട്ട് ചെയ്യുന്ന 4,500mAh ബാറ്ററിയാണ്.

ക്വാഡ് റിയർ ക്യാമറ സംവിധാനമാണ് പോക്കോ X2 സ്മാർട്ട്ഫോണിന്റെ മറ്റൊരാകർഷണം. 64-മെഗാപിക്സൽ സോണി IMX686 പ്രൈമറി സെൻസർ, 8-മെഗാപിക്സൽ സെക്കന്ററി സെൻസർ എന്നിവയാണ് പ്രധാന സെൻസറുകൾ. ഇത് കൂടാതെ 2-മെഗാപിക്സലുള്ള മാക്രോ ലെൻസുള്ള സെൻസറും, 2-മെഗാപിക്സലുള്ള ഡെപ്ത് സെൻസറും ക്യാമറ സംവിധാനത്തിലുണ്ട്. സെൽഫികൾക്കും വീഡിയോ കോളുകൾക്കുമായുള്ള മുൻഭാഗത്തെ ഡ്യൂവൽ സെൽഫി ക്യാമറയ്ക്ക് 20-മെഗാപിക്സൽ ആണ് പ്രൈമറി സെൻസർ, 2-മെഗാപിക്സലാണ് സെക്കന്ററി സെൻസർ.