Realme 2: 10000 രൂപയില്‍ താഴെ വിലയില്‍ ഏറ്റവും മികച്ച ഫോണുമായി ഒപ്പോ

ചൊവ്വാഴ്ചയാണ് ഇന്ത്യന്‍ വിപണിയില്‍ ഒപ്പോ തങ്ങളുടെ പുതിയ ഫോണായ റിയല്‍മി 2 അവതരിപ്പിച്ചത്. ഈ വര്‍ഷം ആദ്യമാണ് ഒപ്പോ തങ്ങളുടെ സബ്ബ്രാന്‍ഡായി റിയല്‍മി വിപണിയില്‍ പരിചയപ്പെടുത്തിയത്. മുന്‍പേ അവതരിപ്പിച്ച റിയല്‍മി 1ന്‍റെ പിന്‍ഗാമിയായാണ്‌ റിയല്‍മി 2 ന്‍റെ വരവ്. ഒപ്പോ ഫൈൻഡ് X, ഒപ്പോ F9 പ്രൊ തുടങ്ങിയ മികച്ച ഫോണുകൾ അവതരിപ്പിച്ചുകൊണ്ട് ഏറെ ആരാധകരെ കുറഞ്ഞ കാലത്തിനുള്ളിൽ നേടിയെടുത്ത ഒപ്പോയുടെ ജനപ്രീതി ഈ ഫോണിലൂടെ വര്‍ദ്ധിക്കും എന്നാണ് കരുതുന്നത്.

വിപണിയില്‍ 10000 രൂപക്കുള്ളിൽ വാങ്ങാവുന്ന ഫോണുകളിൽ വച്ച് ഏറ്റവും മികച്ച സവിശേഷതകള്‍ ഉള്ള ഫോണാണ് ഒപ്പോ റിയല്‍മി 2 എന്ന് നിസ്സംശയം പറയാം. ഫേസ് അണ്‍ലോക്ക്, 4,230 mAh ബാറ്ററി, സ്നാപ്ഡ്രാഗൺ 450 SoC പ്രൊസസർ, 6.2 ഇഞ്ച് ഡിസ്പ്ല, ഡ്യുവല്‍ ഫോര്‍ ജി വോള്‍ട്ടി സപ്പോര്‍ട്ട്, 4 ജിബി റാം, ഫിംഗര്‍പ്രിന്‍റ് സെന്‍സര്‍ തുടങ്ങി പ്രത്യേകതകൾ നിരവധിയാണ്.

വിലയും ലഭ്യതയും

പതിനായിരം രൂപയ്ക്കുള്ളിൽ വാങ്ങാവുന്ന ഫോണുകളായ ഷവോമി റെഡ്മി നോട്ട് 5, അസൂസ് സെൻഫോൺ മാക്സ് പ്രൊ M1 എന്നീ മോഡലുകൾക്ക് കനത്ത വെല്ലുവിളിയായിരിക്കും റിയൽ മി 2 ഉണ്ടാക്കുക എന്നാണ് പ്രതീക്ഷിക്കുന്നത്. ഇതിന്‍റെ 3GB RAM/ 32GB വാരിയന്റിന്‍റെ വില 8,990 രൂപയും 4GB RAM/ 64GB വാരിയന്റിന്‍റെ വില 10,990 രൂപയുമാണ്. സെപ്തംബര്‍ നാലു മുതല്‍ ഫ്ലിപ്പ്കാര്‍ട്ടിലൂടെ ഇത് ലഭ്യമാകും. ഡയമണ്ട് ബ്ലാക്ക്, ഡയമണ്ട് റെഡ് നിറങ്ങളില്‍ ആണ് ഇത് ലഭ്യമാവുക. ഒക്ടോബറില്‍ ഡയമണ്ട് ബ്ലൂ നിറത്തിലും ലഭ്യമായി തുടങ്ങും.

അവതരണ ഓഫറുകള്‍

അവതരണ ഓഫറായി എച്ച് ഡി എഫ് സി ക്രെഡിറ്റ്/ഡെബിറ്റ് കാര്‍ഡുകളിന്മേല്‍ 750 രൂപ ഇളവു ലഭിക്കും. കൂടാതെ റിലയന്‍സ് ജിയോയുടെ 120GB വരെയുള്ള 4,200 രൂപ മതിക്കുന്ന അധിക ഡാറ്റ ഓഫറും നോ കോസ്റ്റ് ഇ എം ഐ ഓഫറും ഉണ്ട്.

മറ്റു സവിശേഷതകള്‍

ഓപ്പറേറ്റിങ് സിസ്റ്റം: കളര്‍ഓഎസ് 5.1+ ആന്‍ഡ്രോയ്ഡ് 8.1 ഓറിയോ
ഡിസ്പ്ലേ: 6.2 ഇഞ്ച്‌ എച്ച് ഡി, 720x1520 പിക്സല്‍ , 19:9 ആസ്പെക്റ്റ് റേഷ്യോ, 88.8 സ്ക്രീന്‍-ബോഡി റേഷ്യോ
പ്രോസസര്‍: ഒക്ടാകോര്‍ സ്നാപ്ഡ്രാഗണ്‍ 450 SoC, coupled with an Adreno 506 GPU
സംഭരണശേഷി: 3GB/ 4GB RAM, 32GB/ 64GB
എക്സ്ട്ടേണല്‍ മെമ്മറി: 32GB/ 64GB (Expandable via microSD card up to 256GB)
പിന്‍ക്യാമറ: ഡ്യുവല്‍ 13 MP primary sensor (f/2.2 aperture) +2 MP secondary sensor (f/2.4 aperture)
കണക്റ്റിവിറ്റി ഓപ്ഷനുകള്‍: 4G VoLTE, Wi-Fi, Bluetooth v4.2, GPS/ A-GPS, GLONASS, Micro-USB with OTG support
ഭാരം: 168 ഗ്രാം