പുതുവർഷത്തെ വരവേൽക്കാൻ തങ്ങളുടെ ഹാൻഡ്സെറ്റുകൾക്ക് അതിശയിപ്പിക്കുന്ന വിലക്കുറവാണ് ചൈനീസ് സ്മാർട്ഫോൺ നിർമ്മാതാക്കളായ റിയൽമി ഒരുക്കിയിരിക്കുന്നത്. റിയൽമിയുടെ ഒഫീഷ്യൽ ഇന്ത്യ വെബ്സൈറ്റായ റിയൽമി ഡോട്ട് കോമിലും ഫ്ലിപ്കാർട്ടിലുമാണ് കമ്പനിയുടെ 2020 സെയിൽ നടക്കുന്നത്. ഈ സെയിലിൽ ഫ്ലിപ്കാർട്ടിന്റെ ആക്സിസ് ബാങ്ക് ക്രെഡിറ്റ് കാർഡ് ഉപയോഗിച്ച് റിയൽമി ഫോണുകൾ വാങ്ങിക്കുന്നവർക്ക് അഞ്ച് ശതമാനം വരെയും ആക്സിസ് ബാങ്ക് ബസ് ക്രെഡിറ്റ് കാർഡ് ഉപയോഗിച്ച് പർച്ചേസ് നടത്തുന്നവർക്ക് പത്ത് ശതമാനം വരെയും ക്യാഷ്ബാക്ക് ലഭിക്കും. കൂടാതെ എക്സ്ചേഞ്ചുകളിൽ അധിക ഡിസ്കൗണ്ടുമുണ്ട്. ജനുവരി അഞ്ചിനാണ് സെയിൽ അവസാനിക്കുക.
ഏതൊക്കെ ഫോണുകൾക്കാണ് റിയൽമി 2020 സെയിലിൽ ഓഫറുകൾ ഉള്ളതെന്ന് അറിയേണ്ടേ?
റിയൽമി 3i
റിയൽമി 3i സ്മാർട്ഫോണിന്റെ 3 ജിബി + 32 ജിബി സ്റ്റോറേജ് പതിപ്പ് ഇപ്പോൾ 6,999 രൂപ നൽകി സ്വന്തമാക്കാം. 4 ജിബി റാം + 64 ജിബി മോഡലിന് 7,999 ആണ് വില. 6,950 രൂപ വരെ എക്സ്ചേഞ്ചിനും ഈ ഫോൺ ലഭിക്കും.
ഫോണിൽ സ്വകാര്യ ചിത്രങ്ങളുണ്ടോ? എങ്കിൽ സൂക്ഷിക്കണം
റിയൽമി C2
റിയൽമി C2 ഹാൻഡ്സെറ്റിന്റെ 2 ജിബി റാം + 32 ജിബി സ്റ്റോറേജ് പതിപ്പ് ഇപ്പോൾ 5,999 രൂപ നൽകി വാങ്ങാനാവും. 3 ജിബി റാം + 32 ജിബി സ്റ്റോറേജ് പതിപ്പിന് 6,999 രൂപയാണ് വില വരുന്നത്.
റിയൽമി 3
റിയൽമി 3 സ്മാർട്ഫോണിന്റെ എൻട്രി ലെവൽ 3 ജിബി റാം + 32 ജിബി പതിപ്പിന് 7,499 രൂപയാണ് സെയിലിൽ വില വരുന്നത്. ഹാൻഡ്സെറ്റിന്റെ യഥാർത്ഥ വില 7,999 രൂപയാണ്. അതേസമയം 4 ജിബി റാമും 64 ജിബി സ്റ്റോറേജുമുള്ള മോഡലിന് 8,999 രൂപ നൽകിയാൽ മതി. ഈ മോഡലിന്റെ യഥാർത്ഥ വില 9,999 രൂപയാണ്.
നിങ്ങളുടെ ഫോണേതാ? 2019-ൽ തരംഗമായത് ഈ സ്മാർട്ഫോണുകൾ
റിയൽമി 5
റിയൽമി 5 കമ്പനിയുടെ ഒഫീഷ്യൽ സൈറ്റിലൂടെ വാങ്ങുമ്പോൾ മൊബിക്വിക് വഴി പേയ്മെന്റ് നടത്തുന്നതെങ്കിൽ 750 രൂപ സൂപ്പർക്യാഷ് ലഭിക്കും. 8,999 രൂപയ്ക്കാണ് ഹാൻഡ്സെറ്റ് ലഭിക്കുക.
റിയൽമി X
റിയൽമി X സ്മാർട്ഫോണിന് 14,999 രൂപയാണ് റിയൽമി 2020 സെയിലിൽ വില വരുന്നത്. ഈ ഫോണിന്റെ യഥാർത്ഥ വില 16,999 രൂപയാണ്. എക്സ്ചേഞ്ച് ചെയ്യുമ്പോൾ 11,850 രൂപയാണ് ഓഫ് ലഭിക്കുക.