6,999 രൂപയിൽ റിയൽമി C3 വാങ്ങാം: 7,550 രൂപ വിലയുള്ള ഓഫർ നേടാം
വാട്ടർഡ്രോപ്-സ്റ്റൈൽ നോച്ച്, മീഡിയടെക് ഹീലിയോ G70 ഒക്ട-കോർ പ്രോസസ്സർ, 89.8 ശതമാനം സ്ക്രീൻ-ടു-ബോഡി അനുപാതമുള്ള 6.5-ഇഞ്ച് HD+ ഡിസ്പ്ലേ എന്നീ പ്രധാന ഫീച്ചറുകളുള്ള റിയൽമി C3 രണ്ട് പതിപ്പുകളിലാണ് ലഭിക്കുക.
Samayam Malayalam 14 Feb 2020, 11:00 am
ചൈനീസ് സ്മാർട്ഫോൺ നിർമ്മാതാക്കളായ റിയൽമിയുടെ ഏറ്റവും പുതിയ ബജറ്റ് സ്മാർട്ഫോണായ റിയൽമി C3 ഇന്ന് മുതൽ വാങ്ങാം. വാട്ടർഡ്രോപ്-സ്റ്റൈൽ നോച്ച്, മീഡിയടെക് ഹീലിയോ G70 ഒക്ട-കോർ പ്രോസസ്സർ, 89.8 ശതമാനം സ്ക്രീൻ-ടു-ബോഡി അനുപാതമുള്ള 6.5-ഇഞ്ച് HD+ ഡിസ്പ്ലേ എന്നീ പ്രധാന ഫീച്ചറുകളുള്ള റിയൽമി C3 രണ്ട് പതിപ്പുകളിലാണ് ലഭിക്കുക. C3-യുടെ 3 ജിബി റാം + 32 ജിബി ഇൻബിൽഡ് സ്റ്റോറേജ് മോഡലിന് ഇന്ത്യയിൽ 6,999 രൂപയാണ് വില. അതിലും ഉയർന്ന 4 ജിബി റാം + 64 ജിബി ഇൻബിൽഡ് സ്റ്റോറേജ് മോഡലിന് 7,999 രൂപയാണ് വിലയിട്ടിരിക്കുന്നത്.
കഴിഞ്ഞ ദിവസം ഷവോമി ലോഞ്ച് ചെയ്ത റെഡ്മി 8A ഡ്യൂവൽ സ്മാർട്ഫോണുമായാണ് റിയൽമി C3 ബജറ്റ് സ്മാർട്ഫോൺ സെഗ്മെന്റിൽ മത്സരിക്കുക. ഇന്ത്യൻ വിപണിയിൽ റിയൽമിയുടെ പ്രധാന എതിരാളിയാണ് ഷവോമി.
റിയൽമി C3: 727.7 മണിക്കൂർ ബാറ്ററി 6,999 രൂപയിൽ
ബ്ലെസിംഗ് റെഡ്, ഫ്രോസൺ ബ്ലൂ എന്നിങ്ങനെ രണ്ട് കളർ ഓപ്ഷനുകളിലാണ് ഹാൻഡ്സെറ്റ് ലഭിക്കുക. ഫെബ്രുവരി 14-ന് ഉച്ചയ്ക്ക് 12 മണി മുതൽ ഫ്ലിപ്കാർട്ടിലൂടെയും റിയൽമിയുടെ ഒഫീഷ്യൽ വെബ്സൈറ്റായ Realme.com-ലൂടെയും റിയൽമി C3 വാങ്ങാനാവും. അധികം വൈകാതെ തന്നെ റിയൽമി പാർട്ണർ ഓഫ്ലൈൻ സ്റ്റോറുകളിലും ഹാൻഡ്സെറ്റ് ലഭിക്കും.
ലോഞ്ചിന്റെ ഭാഗമായി ഏതാനും ഓഫറുകളും കമ്പനി ഉപഭോക്താക്കൾക്കായി മുന്നോട്ട് വെയ്ക്കുന്നുണ്ട്. 7,550 രൂപ വിലയുള്ള ജിയോ ആനുകൂല്യങ്ങൾ ഹാൻഡ്സെറ്റ് വാങ്ങുന്നവർക്ക് ലഭിക്കും. കൂടാതെ പഴയ ഫോൺ എക്സ്ചേഞ്ച് ചെയ്ത് റിയൽമി C3 ആദ്യവില്പനയിൽ വാങ്ങുന്നവർക്ക് കുറഞ്ഞത് ആയിരം രൂപ ഓഫും ലഭിക്കും.
ഫോൺ ചാർജ് ചെയ്ത് മടുത്തോ? ഇതാ കിടിലൻ ബാറ്ററിയുള്ള ഫോണുകൾ
ഡ്യൂവൽ ക്യാമറ സംവിധാനമാണ് റിയൽമി C2 സ്മാർട്ഫോണിന്റെ പിൻഗാമിയായ റിയൽമി C3 സ്മാർട്ഫോണിന് നൽകിയിരിക്കുന്നത്. 12-മെഗാപിക്സലുള്ള പ്രധാന സെൻസർ, 2-മെഗാപിക്സലുള്ള സെക്കണ്ടറി ക്യാമറ എന്നിവയാണ് ക്യാമറ സജ്ജീകരണത്തിലുള്ളത്.
43.9 മണിക്കൂർ ടോക്ക് ടൈം ലഭിക്കുന്ന 5,000mAh ആണ് റിയൽമി ഈ ഹാൻഡ്സെറ്റിൽ നൽകിയിരിക്കുന്നത്. 10.6 മണിക്കൂർ പബ്ജി കളിക്കാനും, 20.8 മണിക്കൂർ ഓൺലൈനായി സിനിമ പ്ലേ ചെയ്യാനും ഈ ഫോണിൽ സാധിക്കും. 727.7 മണിക്കൂർ ആണ് സ്റ്റാൻഡ്ബൈ ടൈം