കൊറോണ വൈറസ് വ്യാപനം മൂലം ഒരുപാട് തവണ നീണ്ടുപോയ റിയൽമി നാർസോ സീരിസിന്റെ ലോഞ്ച് കഴിഞ്ഞ ദിവസമാണ് നടന്നത്. റിയൽമി നാർസോ 10, നാർസോ 10A എന്നീ ഫോണുകളാണ് ഈ സീരിസിലുള്ളത്. പതിനായിരം രൂപയ്ക്ക് താഴെ വില വരുന്ന ഒരു ലോ-ബഡ്ജറ്റ് സ്മാർട്ഫോണാണ് നാർസോ 10A. അതേസമയം നാർസോ 10 ഹാൻഡ്‌സെറ്റിന്റെ വില പതിനൊന്നായിരം രൂപയ്ക്ക് മുകളിലാണ്.

നാർസോ 10 ഫോണിന്റെ 4 ജിബി റാം + 128 ജിബി സ്റ്റോറേജ് വേരിയന്റിന് 11,999 രൂപയാണ് വില. ഗ്രീൻ, വൈറ്റ് എന്നീ കളർ ഓപ്‌ഷനുകളിലാണ് ഹാൻഡ്‌സെറ്റ് വാങ്ങാനാവുക. അതേസമയം നാർസോ 10A ഫോണിന് 8,499 രൂപയാണ് വില. 3 ജിബി റാം + 32 ജിബി സ്റ്റോറേജ് ഓപ്‌ഷനിൽ മാത്രമേ ഈ ഹാൻഡ്‌സെറ്റ് വാങ്ങാനാവൂ. ബ്ലൂ, വൈറ്റ് എന്നീ നിറങ്ങളിലാണ് ഫോൺ ഇറങ്ങുന്നത്.

ഷവോമിയല്ല, ലോകത്ത് ഏറ്റവും കൂടുതൽ ഫോൺ വിറ്റത് ഈ കമ്പനികൾ

ഇനി ഇതിലേതാണ് മികച്ച ഹാൻഡ്‌സെറ്റ് എന്നാണോ ആലോചിക്കുന്നത്? ഇതാ രണ്ട് ഫോണുകളുടെയും ഫീച്ചറുകളും സ്പെസിഫിക്കേഷനുകളും.