ഇന്ത്യയിലെ സ്മാർട്ഫോൺ ആരാധകർ ഏറെ പ്രതീക്ഷയോടെ കാത്തിരുന്ന റിയൽമി X2 എത്തി. റിയൽമി XT 730G എന്ന് ഒറിജിനൽ പേരുള്ള ഹാൻഡ്സെറ്റിൽ ഗെയിമിങ്ങിനായി രൂപകൽപന ചെയ്ത ക്വൽകോം സ്നാപ്ഡ്രാഗൺ 730G SoC പ്രൊസസർ ആണുള്ളത്. സെപ്റ്റംബറിൽ ചൈനയിൽ പുറത്തിറങ്ങിയ ഹാൻഡ്സെറ്റിന്റെ പ്രധാന ആകർഷണങ്ങൾ വാട്ടർഡ്രോപ്-സ്റ്റൈൽ ഡിസ്പ്ലേ നോച്ച്, VOOC ഫ്ലാഷ് ചാർജ് 4.0 ഫാസ്റ്റ് ചാർജിങ് ടെക്നോളജി, ഹൈ-റെസ്, ഡോൾബി അറ്റ്മോസ് സൗണ്ട് സെർറ്റിഫിക്കേഷൻ, NFC സപ്പോർട്ട്, 3D ഗ്ലാസ് ബോഡി എന്നിവയൊക്കെയാണ്.
റിയൽമി X2 വിന്റെ 4 ജിബി റാം + 64 ജിബി സ്റ്റോറേജ് പതിപ്പിന് 16,999 രൂപയാണ് വില, അതേസമയം 6 ജിബി റാം + 128 ജിബി സ്റ്റോറേജ് പതിപ്പിന് 18,999 രൂപ നൽകണം. ഏറ്റവും ഉയർന്ന പതിപ്പായ 8 ജിബി റാം + 128 ജിബി സ്റ്റോറേജ് ഓപ്ഷന് 19,999 രൂപയാണ് വില. പേൾ ബ്ലൂ, പേൾ ഗ്രീൻ, പേൾ വൈറ്റ് കളർ ഓപ്ഷനുകളിലാണ് ഹാൻഡ്സെറ്റ് വാങ്ങാൻ കഴിയുക.
64 മെഗാപിക്സൽ ക്യാമറയുമായി വിവോ X30, X30 പ്രൊ
ഡിസംബർ 20 വെള്ളിയാഴ്ച മുതൽ ഫ്ലിപ്കാർട്ടിലൂടെയും റിയൽമി ഇന്ത്യയുടെ ഓൺലൈൻ സ്റ്റോറുകളിലൂടെയും ഹാൻഡ്സെറ്റ് വാങ്ങാൻ കഴിയും. വൈകാതെ തന്നെ ഓഫ്ലൈൻ സ്റ്റോറുകളിലൂടെയും ഹാൻഡ്സെറ്റ് ലഭ്യമാക്കും.
ഐസിഐസിഐ ബാങ്ക് ക്രെഡിറ്റ് കാർഡ് ഉപയോഗിച്ച് റിയൽമി X2 വാങ്ങുമ്പോൾ 1,500 രൂപ ഡിസ്കൗണ്ട് ലഭിക്കും. മൊബൈൽ പേയ്മെന്റ് ആപ്ലിക്കേഷനായ മൊബിക്വിക്ക് ഉപയോഗിച്ച് പർച്ചേസ് നടത്തുമ്പോൾ 1500 രൂപ വരെ വിലയുള്ള ആനുകൂല്യങ്ങളുണ്ട്. ആറുമാസം വരെ നോ കോസ്റ്റ് ഇഎംഐ, 11,500 രൂപ വരെ വിലയുള്ള ജിയോ ആനുകൂല്യങ്ങൾ എന്നിവയും ലഭിക്കും.
റിയൽമി X2 ചൈനയിൽ CNY 1,599 (ഏകദേശം 16,200 ഇന്ത്യൻ രൂപ) എന്ന വിലയിലാണ് മുൻപ് ലോഞ്ച് ചെയ്തത്. 6 ജിബി റാം + 64 ജിബി സ്റ്റോറേജ് പതിപ്പിനായിരുന്നു ഈ വില.
ക്യാമറ അടിപൊളി, ബാറ്ററി അതിലേറെ പൊളി, വാങ്ങൂ ഈ ഫോണുകൾ
ഡ്യൂവൽ-സിമ്മുള്ള (നാനോ) റിയൽമി X2 കളർ ഒഎസ് 6.1 ഉള്ള ആൻഡ്രോയിഡ് 9 പൈയിലാണ് പ്രവർത്തിക്കുന്നത്. 6.4-ഇഞ്ചുള്ള ഫുൾ-HD+ (1080x2340 പിക്സൽ) സൂപ്പർ അമോലെഡ് ഡിസ്പ്ലേയാണ് ഹാൻഡ്സെറ്റിന്റേത്. 19.5:9 ആണ് ആസ്പെക്ട് അനുപാതം.91.5 ശതമാനമാണ് സ്ക്രീൻ-ടു-ബോഡി അനുപാതം. കോർണിങ് ഗൊറില്ല ഗ്ലാസ് 5 സുരക്ഷയും ഹാൻഡ്സെറ്റിനുണ്ട്. കണ്ണുകളുടെ സുരക്ഷയ്ക്കായി നൈറ്റ് ഡിം മോഡ് പോലെയുള്ള ഫീച്ചറുകളും റിയൽമി പുതിയ ഫോണിൽ നൽകിയിട്ടുണ്ട്. ഇപ്പോഴിറങ്ങുന്ന എല്ലാ ഫോണുകളിലുമുള്ള ഇൻ-ഡിസ്പ്ലേ ഫിംഗർപ്രിന്റ് സെൻസർ റിയൽമി X2 വിലുണ്ട്. ക്വാൽകോം സ്നാപ്ഡ്രാഗൺ 730 SoC ആണ് ഹാൻഡ്സെറ്റിലെ പ്രൊസസർ.
റിയൽമി X2 സ്മാർട്ഫോണിലെ ക്യാമറകളും ഒട്ടും മോശമല്ല. ക്വാഡ് ക്യാമറ സെറ്റപ്പാണ് ഫോണിലുള്ളത്. 64-മെഗാപിക്സൽ പ്രൈമറി സെൻസർ, 8-മെഗാപിക്സൽ സെക്കന്ററി സെൻസർ + 2-മെഗാപിക്സൽ മാക്രോ ഷൂട്ടർ + 2-മെഗാപിക്സൽ ഡെപ്ത് സെൻസർ എന്നിവയാണ് ഈ ക്യാമറ സെറ്റപ്പിലുള്ളത്. മുൻഭാഗത്ത് സെൽഫികൾക്കും വീഡിയോ ചാറ്റിനുമായി 32-മെഗാപിക്സലുള്ള സെൽഫി ക്യാമറയും നൽകിയിട്ടുണ്ട്.
ആൻഡ്രോയിഡ് 10 ലഭിക്കും ഈ ബജറ്റ് സ്മാർട്ഫോണുകളിൽ
64 എംപി മോഡ്, സൂപ്പർ നൈറ്റ്സ്കേപ്, പനോരമ, HDR സൂപ്പർ വൈഡ്-ആംഗിൾ, സൂപ്പർ മാക്രോ മോഡ് തുടങ്ങി ഒട്ടേറെ ഫീച്ചറുകൾ ക്യാമറയ്ക്കുണ്ട്. 4K വരെ റസല്യൂഷനുള്ള വീഡിയോകൾat 30fps ഫ്രെയിം റേറ്റിൽ റിയൽമി X2 റെക്കോർഡ് ചെയ്യും.
4G വോൾട്ടെ, ഡ്യൂവൽ-ബാൻഡ് വൈഫൈ, ബ്ലൂടൂത്ത് v5.0, GPS/ A-GPS, NFC, USB ടൈപ്പ്-സി, 3.5mm ഹെഡ്ഫോൺ ജാക്ക് തുടങ്ങിയ കണക്ടിവിറ്റി സൗകര്യങ്ങളും ഹാൻഡ്സെറ്റിലുണ്ട്. ആക്സിലെറോമീറ്റർ, ആമ്പിയന്റ് ലൈറ്റ്, ഗൈറോസ്കോപ്പ്, മാഗ്നെറ്റോമീറ്റർ, പ്രോക്സിമിറ്റി സെൻസർ എന്നിവയാണ് കണക്ടിവിറ്റി സൗകര്യങ്ങൾ. 30W VOOC 4.0 ഫ്ലാഷ് ചാർജ് ടെക്നോളജി സപ്പോർട്ട് ചെയ്യുന്ന 4,000mAh ബാറ്ററിയാണ് ഹാൻഡ്സെറ്റിലുള്ളത്.