റെഡ്മി 9
ഈ മാസം 4-ന് വില്പനക്കെത്തിയ റെഡ്മി 9 പ്രൈം ഫോണിന് കൂട്ടായി റെഡ്മി 27-ന് റെഡ്മി 9 ഷവോമി വില്പനക്കെത്തിക്കും. ജൂണിൽ ഷവോമി മലേഷ്യൻ വിപണിയിൽ അവതരിപ്പിച്ച റെഡ്മി 9A അല്ലെങ്കിൽ റെഡ്മി 9C മോഡലിന്റെ റീബ്രാൻഡഡ്‌ പതിപ്പായിരിക്കും ഇന്ത്യയിൽ ലോഞ്ച് ചെയ്യുന്ന റെഡ്മി 9. എൻട്രി ലെവൽ ബജറ്റ് സ്മാർട്ട്ഫോണുകൾ ആണ് റെഡ്മി 9A-യും റെഡ്മി 9C-യും. റെഡ്മി 9A-യുടെ 2 ജിബി + 32 ജിബി സ്റ്റോറേജ് വേരിയന്റിന് ഏകദേശം 6,300 രൂപയാണ് മലേഷ്യൻ വിപണിയിൽ വില. റെഡ്മി 9C-യുടെ 2 ജിബി + 32 ജിബി സ്റ്റോറേജ് മോഡലിന് മലേഷ്യയിൽ ഏകദേശം 7,500 രൂപ മുതലാണ് വില. ഏതു മോഡൽ ആണ് ഇന്ത്യയിലെത്തുക എന്ന് കാത്തിരുന്നു കാണാം.
2020 ഒപ്പോ A53
25-നാണ് 2020 ഒപ്പോ A53 വില്പനക്കെത്തുക. 15,000 രൂപയിൽ താഴെ വില വരുന്ന ഫോണിന് ഹോൾ-പഞ്ച് ഡിസ്പ്ലേയും, ഗ്രേഡിയന്റ് ബാക്ക്, ട്രിപ്പിൾ റിയർ ക്യാമറ സജ്ജീകരണവും ഉണ്ടാകും എന്ന് ടീസർ വെളിപ്പെടുത്തുന്നു. 4 ജിബി റാം + 64 ജിബി സ്റ്റോറേജ് എന്ന ഒരൊറ്റ കോൺഫിഗറേഷനിൽ ആവും 2020 ഒപ്പോ A53 വില്പനക്കെത്തുക. ഇലക്ട്രിക് ബ്ലാക്ക്, ഫാൻസി ബ്ലൂ എന്നിങ്ങനെ രണ്ട് കളർ ഓപ്ഷനുകളുണ്ടാകും. ക്വാൽകോം സ്‌നാപ്ഡ്രാഗൺ 460 SoC ആയിരിക്കും 2020 ഒപ്പോ A53 യുടെ പ്രോസസ്സർ. 16 മെഗാപിക്സൽ പ്രൈമറി ക്യാമറ സെൻസർ, 16 മെഗാപിക്സൽ സെൽഫി ക്യാമറ സെൻസർ, 18W ഫാസ്റ്റ് ചാർജിംഗുള്ള 5,000mAh ബാറ്ററി എന്നിവ 2020 ഒപ്പോ A53-യിലുണ്ടാകും.
ഐഫോൺ SE, XR, 11 മോഡലുകൾക്ക് ഫ്ലിപ്പ്കാർട്ടിൽ വമ്പൻ ഡിസ്‌കൗണ്ട്
ജിയോണി മാക്സ്
ഒരു വർഷത്തെ ഇടവേളയ്ക്ക് ശേഷമാണ് ജിയോണി ഇന്ത്യയിൽ ഒരു സ്മാർട്ട്ഫോൺ ലോഞ്ച് ചെയ്യുന്നത്. ഈ മാസം 25-നാണ് ജിയോണി പുത്തൻ ഫോൺ വില്പനക്കെത്തുക. മാക്സ് എന്നാവും പുത്തൻ ഫോണിന്റെ പേര്. വണ്ണം കൂടിയ ബേസലുകളുമായാണ് ജിയോണി മാക്സ് എത്തുക. വാട്ടർഡ്രോപ് നോച് രീതിയിൽ സെൽഫി കാമറ സ്ഥാപിച്ചിരിക്കുംവിധമാണ് ഡിസ്പ്ലേ. കുറഞ്ഞത് 5000mAh ബാറ്ററി കപ്പാസിറ്റി ജിയോണി മാക്‌സിൽ പ്രതീക്ഷിക്കാം. 6000 രൂപയിൽ താഴെ മാത്രമായിരിക്കും ജിയോണി മാക്സിന്റെ വില എന്നും കമ്പനി വ്യക്തമാക്കിയിട്ടുണ്ട്.
മോട്ടോറോളയുടെ പുത്തൻ ഫോൺ
തിങ്കളാഴ്ച തന്നെ മോട്ടോറോളയുടെ പുത്തൻ ഫോൺ വിപണിയിലെത്തും. G8 സിരീസിന് പിൻഗാമിയായി മോട്ടോ G9 ആകാനാണ് ഏറെ സാദ്ധ്യത കല്പിക്കപ്പെടുന്നത്. ടീസറിൽ നിന്നുള്ള വിവരങ്ങൾ അനുസരിച്ച് റിയർ മൗണ്ട് ചെയ്ത ഫിംഗർപ്രിന്റ് സെൻസറും യുഎസ്ബി ടൈപ്പ്-സി പോർട്ടും, മികച്ച ഓഡിയോയും മോട്ടോറോളയുടെ പുത്തൻ ഫോൺ ഉറപ്പുനൽകുന്നു. മോട്ടറോളയുടെ 'ബിഗ്' സർപ്രൈസ് എന്നാണ് ഫ്ലിപ്കാർട്ട് പുത്തൻ ഫോണിന് നൽകിയിരിക്കുന്ന വിശേഷണം. 5,000mAh ബാറ്ററി, വാട്ടർഡ്രോപ്-സ്റ്റൈൽ നോച് ഡിസ്പ്ലേ, ഒരല്പം തടി കൂടിയ ബോഡി പാനൽ, എന്നിവയും ടീസർ ഉറപ്പിക്കുന്നു.
Pictured Motorola One Vision Plus for representational purpose