ലോഞ്ചിന് മുന്നോടിയായി ചൈനീസ് സമൂഹമാധ്യമ പേജുകളിൽ പോസ്റ്റ് ചെയ്തിരിക്കുന്ന ടീസർ ചിത്രങ്ങൾ ഫോണിന്റെ ചില സ്പെസിഫിക്കേഷൻ വിവരങ്ങളും പുറത്ത് വിടുന്നുണ്ട്. റെഡ്മി നോട്ട് 11 ശ്രേണിയിലെ എല്ലാ സ്മാർട്ട്ഫോണുകൾക്കും 120Hz ഡിസ്പ്ലേയും 5,000mAh ബാറ്ററിയുമുണ്ടായിരിക്കും. 5ജി കണക്റ്റിവിറ്റിയുള്ള മീഡിയടെക് ഡിമെൻസിറ്റി SoC പ്രോസസറാണ് മൂന്ന് ഫോണുകളിലും ഇടം പിടിക്കുക. മൂന്ന് ഫോണുകൾക്കും 256 ജിബി വരെ ഓൺബോർഡ് സ്റ്റോറേജും ഉണ്ടായിരിക്കും.
റെഡ്മി നോട്ട് 11
റിപോർട്ടുകൾ അനുസരിച്ച് റെഡ്മി നോട്ട് 11-ന്റെ 4 ജിബി റാം + 128 ജിബി സ്റ്റോറേജ് വേരിയന്റിന് 1,199 യുവാൻ (ഏകദേശം 14,050 രൂപ) 6 ജിബി റാം + 128 ജിബി സ്റ്റോറേജ് വേരിയന് 1,399 യുവാൻ (ഏകദേശം 16,300 രൂപ), 8 ജിബി റാം + 128 ജിബി സ്റ്റോറേജ് വേരിയൻ്റിന് 1,599 യുവാൻ (ഏകദേശം 18,700 രൂപ) എന്നിങ്ങനെയാവും വില. 8 ജിബി റാം + 256 ജിബി സ്റ്റോറേജ് പ്രീമിയം വേരിയന്റിന് അതെ സമയം 1,799 യുവാൻ (ഏകദേശം 21,041 രൂപ) വിലവരും.
20 ഹെർട്‌സ് റിഫ്രഷ് റേറ്റുള്ള 6.5 ഇഞ്ച് ഫുൾ-എച്ച്‌ഡി+ എൽസിഡി ഡിസ്പ്ലേ, ഒക്ടാ-കോർ മീഡിയടെക് ഡൈമൻസിറ്റി 810 SoC പ്രോസസ്സർ, 8 ജിബി വരെ LPDDR4x റാം എന്നിവയാണ് റെഡ്മി നോട്ട് 11 മോഡലിൽ ഇടം പിടിക്കുക. 50 മെഗാപിക്സൽ സാംസങ് JN1 പ്രൈമറി സെൻസർ, 2 മെഗാപിക്സൽ ഡെപ്ത് സെൻസർ എന്നിവ ചേർന്ന ഡ്യുവൽ റിയർ ക്യാമറയും, 16 മെഗാപിക്സൽ ഫ്രണ്ട് ക്യാമറയും ഫോണിൽ ക്രമീകരിക്കും. 33W ഫാസ്റ്റ് ചാർജിംഗ് പിന്തുണയുള്ള 5,000mAh ബാറ്ററിയാണ് സ്മാർട്ട്‌ഫോണിന് കരുത്ത് പകരുക.
ഹൂട്ട്, ശബ്ദാധിഷ്ഠിത സോഷ്യൽ മീഡിയ പ്ലാറ്റ്‌ഫോം അവതരിപ്പിച്ച് രജനികാന്ത്
റെഡ്മി നോട്ട് 11 പ്രോ
റെഡ്മി നോട്ട് 11 പ്രോയുടെ 6 ജിബി റാം + 128 ജിബി സ്റ്റോറേജ് വേരിയന്റിന് 1,599 യുവാൻ (ഏകദേശം 18,700 രൂപ), 8 ജിബി റാം + 256 ജിബി സ്റ്റോറേജ് വേരിയന്റിന് 1,999 യുവാൻ (ഏകദേശം 18,700 രൂപ) എന്നിങ്ങനെയായിരിക്കും വില. ഫുൾ-എച്ച്‌ഡി+ അമോലെഡ് ഡിസ്പ്ലേ, ഒക്ടാ-കോർ മീഡിയടെക് ഡൈമെൻസിറ്റി 920 SoC പ്രോസസ്സർ എന്നിവ റെഡ്മി നോട്ട് 11 പ്രോയിൽ പ്രതീക്ഷിക്കാം.
108-മെഗാപിക്സൽ സാംസങ് HM2 പ്രൈമറി സെൻസർ ഉൾപ്പെടുന്ന ട്രിപ്പിൾ റിയർ ക്യാമറയിൽ സോണി IMX355 അൾട്രാ വൈഡ് ഷൂട്ടറും 2 മെഗാപിക്സൽ ഡെപ്ത് സെൻസറും ഉൾപ്പെടും. 16 മെഗാപിക്സൽ ഫ്രണ്ട് ക്യാമറയും 5,000 എംഎഎച്ച് ബാറ്ററിയുമായാണ് മറ്റുള്ള സ്പെസിഫിക്കേഷനുകൾ.
പ്രഗതി ഓപ്പറേറ്റിങ് സിസ്റ്റവുമായി ജിയോഫോൺ നെക്സ്റ്റ്, ലോഞ്ച് ദീപാവലിയ്ക്ക്
റെഡ്മി നോട്ട് 11 പ്രോ പ്ലസ്
8 ജിബി റാം + 128 ജിബി സ്റ്റോറേജ് വേരിയന്റിന് 2,199 യുവാൻ (ഏകദേശം 25,713 രൂപ), 8 ജിബി റാം + 256 ജിബി സ്റ്റോറേജ് വേരിയന്റിന് 2,499 യുവാൻ (ഏകദേശം 29,221 രൂപ) എന്നിങ്ങനെയായിക്കും പ്രോ പ്ലസ് പതിപ്പിന്റെ വില. റെഡ്മി നോട്ട് 11 പ്രോ പ്ലസ് സവിശേഷതകളിൽ ഭൂരിഭാഗവും റെഡ്മി നോട്ട് 11 പ്രോയ്ക്ക് സമാനമായിരിക്കും. അതെ സമയം മീഡിയടെക് ഡിമെൻസിറ്റി 1200 പ്രോസസറാണ് റെഡ്മി നോട്ട് 11 പ്രോ പ്ലസിന്റെ ആകർഷണം.
ദിവസവും ഒരു പുതിയ ഇംഗ്ലീഷ് വാക്ക് പഠിച്ചാലോ? ഗൂഗിൾ സഹായിക്കും