ദിവസം 2 ജിബി ഡാറ്റ, ജിയോയിൽ പുതിയ വർക്ക് ഫ്രം ഹോം പ്ലാൻ

കൊറോണ വൈറസ് പടർന്നു പിടിക്കുന്നതിന്റെ പശ്ചാത്തലത്തിൽ പല നഗരങ്ങളും ഷട്ട് ഡൗണിന്റെ വക്കിലാണ്. മിക്ക കമ്പനികളും ഐടി പാർക്കുകളും അടച്ചു. ജോലിക്കാരെല്ലാം വീട്ടിലിരുന്നു ജോലി ചെയ്യാനും ആരംഭിച്ചു. ഒറാക്കിൾ, ടിസിഎസ്, ഇൻഫോസിസ്, കെപിഎംജി ഉൾപ്പടെയുള്ള സ്ഥാപനങ്ങൾ വലിയ ശതമാനം ജീവനക്കാരെയും വർക് ഫ്രം ഹോമിലേക്ക് മാറ്റിത്തുടങ്ങി. ഈ സമയത്ത് കൂടുതൽ ആളുകളും വിവരങ്ങൾ അറിയാനും ജോലി ആവശ്യത്തിനും ഇന്റർനെറ്റിനെയാണ് ആശ്രയിക്കുന്നത്. ഡാറ്റയുടെ ഇത്തരത്തിലുള്ള വർധിച്ചു വരുന്ന ആവശ്യം കണക്കിലെടുത്ത് പുതിയ പ്ലാൻ അവതരിപ്പിച്ചിരിക്കുകയാണ് മുകേഷ് അംബാനിയുടെ നേതൃത്വത്തിലുള്ള റിലയൻസ് ജിയോ.

വീട്ടിലിരിക്കൂ, സൗജന്യ ഇന്റർനെറ്റ് കണക്ഷനുമായി ബിഎസ്എൻഎൽ

251 രൂപയുടെ പ്ലാൻ ആണ് കമ്പനി അവതരിപ്പിച്ചിരിക്കുന്നത്. 'വർക്ക് ഫ്രം ഹോം പാക്ക്' എന്ന് പേരിട്ടിട്ടുള്ള ഈ പ്ലാനിൽ ദിവസം 2 ജിബി ഡാറ്റയാണ് 51 ദിവസത്തേക്ക് ലഭിക്കുക. എസ്എംഎസ് ആനുകൂല്യങ്ങളോ കോളിംഗ് ആനുകൂല്യങ്ങളോ ഈ ഡാറ്റ-ഓൺലി പ്ലാനിലുണ്ടാവില്ല.

കഴിഞ്ഞ ദിവസം റിലയൻസ് ജിയോ ഇരട്ടി ഡാറ്റ ഉൾപ്പെടുത്തി തങ്ങളുടെ ഡാറ്റാ വൗച്ചറുകള്‍ പരിഷ്കരിച്ചിരുന്നു. 11 രൂപയുടെ 4ജി ഡാറ്റാ വൗച്ചറില്‍ 800 എംബി അതിവേഗ ഡാറ്റ ഇപ്പോള്‍ ലഭിക്കും. നേരത്തെ 400 എംബി ആണ് ഉണ്ടായിരുന്നത്. 75 മിനിറ്റ് നോണ്‍ ജിയോ വോയ്‌സ്‌കോളിങ് സൗകര്യവും ഇതിലുണ്ട്. അത് പോലെ 21 രൂപയുടെ വൗച്ചറില്‍ രണ്ട് ജിബി അതിവേഗ ഡാറ്റയും 200 നോണ്‍ ജിയോ വോയ്‌സ് കോള്‍ മിനിറ്റുകളും ലഭിക്കും. ഇതില്‍ നേരത്തെ ഒരു ജിബി ഡാറ്റയാണ് ലഭിച്ചിരുന്നത്.

കൊറോണ പ്രതിസന്ധി: ഇരട്ടി ഡാറ്റയും ടോക്ക്ടൈമുമായി ജിയോ

മൂന്ന് ജിബി ഡാറ്റ ലഭിച്ചിരുന്ന 51 രൂപയുടെ വൗച്ചറില്‍ ഇപ്പോള്‍ ആറ് ജിബി ഡാറ്റ ലഭിക്കും. 500 നോണ്‍ ജിയോ വോയ്‌സ് മിനിട്ടുകളും ഇതിലുണ്ടാവും. 101 രൂപയുടെ പ്ലാനിൽ 12 ജിബി ഡാറ്റ 1000 മിനിറ്റ് കോൾ എന്നിവയും ലഭിക്കും. ഒരു ദിവസത്തെ ഡാറ്റ FUP ലിമിറ്റ് കഴിഞ്ഞാൽ ഇന്റർനെറ്റിന്റെ സ്‌പീഡ്‌ കുറഞ്ഞ് 64kbps ആയി മാറും.