ജിയോ ഓഫര്‍ അടുത്ത വര്‍ഷം മാര്‍ച്ച് 31 വരെ നീട്ടി

മുംബൈ: റിലയന്‍സ് ജിയോ സൗജന്യ വെല്‍കം ഓഫര്‍ അടുത്ത വർഷത്തേക്ക് നീട്ടി. 2017 മാര്‍ച്ച് 31 വരെയാണ് ജിയോ ഓഫർ നീട്ടിയിരിക്കുന്നത്. നേരത്തേ ഡിസംബര്‍ 31 വരെയായിരുന്നു ഈ ഓഫര്‍ പ്രഖ്യാപിച്ചിരുന്നത്.

റിലയന്‍സ് ചെയര്‍മാന്‍ മുകേഷ് അംബാനിയാണ് ഇക്കാര്യം അറിയിച്ചത്. ജിയോ ഹാപ്പി ന്യൂ ഇയര്‍ ഓഫര്‍ എന്നാണ് പുതിയ ഓഫറിന്റെ പേര്. ഫേസ്ബുക്ക്, സ്കൈപ്, വാട്ട്സാപ്പ് എന്നിവയെക്കാളും വേഗത്തിൽ ജിയോ വളർച്ച കൈവരിച്ചു. നിലവിൽ ജിയോയ്ക്ക് 50 ദശലക്ഷം ഉപഭോക്താക്കളുണ്ടെന്നും അദ്ദേഹം പറഞ്ഞു.

തങ്ങളുടെ എതിരാളികളായ മൂന്ന് ടെലികോം കമ്പനികള്‍ റിലയന്‍സ് ജിയോയെ തകര്‍ക്കാന്‍ ശ്രമിക്കുന്നെന്നും മുകേഷ് അംബാനി ആരോപിച്ചു.

Reliance Jio Will Be Free Till March 31.