ഗാലക്സി നോട്ട് 9; ഇന്ത്യയിലെ വില വിവരങ്ങൾ പുറത്ത്

ഏതാനും മണിക്കൂറുകൾക്ക് മുൻപാണ് സാംസങ് പുതിയ ഗാലക്സി നോട്ട് 9 നെ വിപണിയിൽ അവതരിച്ചത്. ഇപ്പോഴിതാ ന്യൂയോർക്കിൽ അവതരിച്ച ഈ സ്മാർട്ട്ഫോണിന്‍റെ ഇന്ത്യയിലേക്കുള്ള വരവിനെ കുറിച്ച് കമ്പനി വെളിപ്പെടുത്തിയിരിക്കുകയാണ്. വില വിവരങ്ങൾ, വിൽപ്പന സംബന്ധിച്ചുള്ള വിവരങ്ങളാണ് ഇപ്പോൾ പുറത്തുവന്നിരിക്കുന്നത്.

6ജിബി റാം പതിപ്പിന് 67,900 രൂപയാണ് കമ്പനി വെബ്സൈറ്റിൽ വെളിപ്പെടുത്തിയിട്ടുള്ളത്. അതേസമയം 8ജിബി റാം പതിപ്പിന് 84,900 രൂപയുമാണ് വില. മിഡ് നൈറ്റ് ബ്ലാക്ക്, ഓഷ്യൻ ബ്ലൂ, മെറ്റാലിക് കോപ്പർ എന്നീ നിറങ്ങളിലായിരിക്കും ഈ സ്മാർട്ട്ഫോൺ ഇന്ത്യയിൽ ലഭ്യമാവുക. ഇതിനകം തന്നെ പ്രീ ബുക്കിങ് ആരംഭിച്ചിട്ടുണ്ട്, എന്നിരുന്നാലും ആഗസ്ത് 20 ന് മാത്രമെ നോട്ട് 9 ഇന്ത്യയിൽ വിൽപ്പനയ്ക്ക് എത്തുകയുള്ളൂ.

സവിശേഷതകൾ

6.4 സൂപ്പർ അമോലെഡ് ഡിസ്പ്ലെ

സ്നാപ്ഡ്രാഗൺ 845 പ്രോസസർ

6GB/8GB റാം

128GB/512GB സ്റ്റോറേജ്

12MP ഡ്യുവൽ റിയർ ക്യാമറ

8MP ഫ്രണ്ട് ക്യാമറ

4,000mAh ബാറ്ററി