കുറഞ്ഞ നിരക്കിൽ മികച്ച സ്മാർട്ട്ഫോണുകൾ പുറത്തിറക്കി ജനപ്രിതി നേടിയ ടെക്നോ പുതിയ ഡിവൈസ് ഇന്ത്യൻ വിപണിയിൽ ലോഞ്ച് ചെയ്തു. ടെക്നോ പോവ 4 (Tecno Pova 4) എന്ന ഫോണാണ് ബ്രാന്റ് അവതരിപ്പിച്ചിരിക്കുന്നത്. ടെക്നോ പോവ 4, ടെക്നോ പോവ 4 പ്രോ എന്നിവ കുറച്ച് മാസങ്ങൾക്ക് മുമ്പ് ആഗോള വിപണിയിൽ ലോഞ്ച് ചെയ്തിരുന്നു. ഏറ്റവും പുതിയ പോവ സീരീസ് സ്മാർട്ട്ഫോണിന് കരുത്ത് നൽകുന്നത് മീഡിയടെക് ഹീലിയോ ജി 99 പ്രോസസറാണ്. 8 ജിബി റാമും ഫോണിലുണ്ട്. ടെക്നോ പോവ 4 സ്മാർട്ട്ഫോണിൽ 90Hz റിഫ്രഷ് റേറ്റ് ഡിസ്പ്ലേ, 50MP ക്യാമറ, 6000mAh ബാറ്ററി, ഫാസ്റ്റ് ചാർജിങ് സപ്പോർട്ട്, ഫിംഗർപ്രിന്റ് സ്കാനർ, സ്റ്റീരിയോ സ്പീക്കർ സെറ്റപ്പ് തുടങ്ങിയ മികച്ച സവിശേഷതകളുണ്ട്. റാം എക്സ്പാൻഡ് ചെയ്യാനുള്ള വെർച്വൽ റാം ഫീച്ചറോടെയാണ് ഈ ഡിവൈസ് വരുന്നത്. ടെക്നോ പോവ 4 സ്മാർട്ട്ഫോണിന്റെ വിലയും സവിശേഷതകളും വിശദമായി നോക്കാം.
ടെക്നോ പോവ 4: വിലയും ലഭ്യതയും
ടെക്നോ പോവ 4 സ്മാർട്ട്ഫോണിന്റെ ഒരു വേരിയന്റ് മാത്രമാണ് ഇപ്പോൾ അവതരിപ്പിച്ചിരിക്കുന്നത്. 8 ജിബി റാമും 128 ജിബി സ്റ്റോറേജുമുള്ള ഈ വേരിയന്റിന് 11,999 രൂപയാണ് വില. ഡിസംബർ 13 മുതൽ ഈ സ്മാർട്ട്ഫോണിന്റെ വിൽപ്പന ആരംഭിക്കും. ആമസോൺ ഇന്ത്യ വഴി മാത്രമാണ് ഈ ഡിവൈസിന്റെ വിൽപ്പന നടക്കുന്നത്. യുറനോലിത്ത് ഗ്രേ, ക്രയോലൈറ്റ് ബ്ലൂ എന്നീ രണ്ട് കളർ ഓപ്ഷനുകളിലാണ് സ്മാർട്ട്ഫോൺ ലഭ്യമാകുന്നത്.
ടെക്നോ പോവ 4: സവിശേഷതകൾ
ടെക്നോ പോവ 4 സ്മാർട്ട്ഫോണിൽ 1640 × 720 പിക്സൽ റെസല്യൂഷനുള്ള 6.82-ഇഞ്ച് എച്ച്ഡി+ എൽസിഡി ഡിസ്പ്ലേയാണുള്ളത്. 90Hz റിഫ്രഷ് റേറ്റുള്ള ഡിസ്പ്ലേയാണിത്. 180Hz ടച്ച് സാംപ്ലിങ് റേറ്റും ഈ ഫോണിൽ ടെക്നോ നൽകിയിട്ടുണ്ട്. ഡിസ്പ്ലെയുടെ മുകളിൽ നടുഭാഗത്തായി പഞ്ച്-ഹോൾ നോച്ച് നൽകിയിട്ടുണ്ട്. വൈഡ് വൈൻ എൽ1 സർട്ടിഫിക്കേഷനുമായിട്ടാണ് ഇത് വരുന്നത്.
ഒക്ടാ കോർ മീഡിയടെക് ഹീലിയോ G99 പ്രോസസറിന്റെ കരുത്തിലാണ് ടെക്നോ പോവ 4 സ്മാർട്ട്ഫോൺ പ്രവർത്തിക്കുന്നത്. മാലി G57 ജിപിയുവും ഫോണിൽ ടെക്നോ നൽകിയിട്ടുണ്ട്. പോക്കോ എം5, റെഡ്മി 11 പ്രൈം, റിയൽമി 10 തുടങ്ങിയ നിരവധി മിഡ്-റേഞ്ച് സ്മാർട്ട്ഫോണുകൾക്ക് കരുത്ത് നൽകുന്ന പ്രോസസറാണ് ഇത്. ഡിവൈസിൽ 8 ജിബി LPDDR4X റാമും 128 ജിബി ഓൺബോർഡ് സ്റ്റോറേജുമാണുള്ളത്. റാം 5 ജിബി വരെ വർധിപ്പിക്കാൻ വെർച്വൽ റാം ഫീച്ചറും ഡിവൈസിൽ നൽകിയിട്ടുണ്ട്.
ടെക്നോ പോവ 4 ആൻഡ്രോയിഡ് 12 ബേസ്ഡ് HiOS 12ൽ പ്രവർത്തിക്കുന്നു. രണ്ട് പിൻ ക്യാമറകളാണ് ഈ ഡിവൈസിലുള്ളത്. എഫ്/1.6 അപ്പേർച്ചറുള്ള ഉള്ള 50 എംപി പ്രൈമറി ക്യാമറയാണ് ഫോണിന്റെ ഏറ്റവും വലിയ സവിശേഷത. ഇതിനൊപ്പം എഐ ലെൻസും നൽകിയിട്ടുണ്ട് എഫ്/2.0 അപ്പേർച്ചറുള്ള 8 എംപി ക്യാമറയാണ് സെൽഫികൾക്കും വീഡിയോ കോളുകൾക്കുമായി ഈ ഫോണിലുള്ളത്.
6000mAh ബാറ്ററി യൂണിറ്റാണ് ടെക്നോ പോവ 4ന്റെ മറ്റൊരു സവിശേഷത. ടൈപ്പ്-സി ചാർജിംഗ് പോർട്ട് വഴി 18W ഫാസ്റ്റ് ചാർജിങ് സപ്പോർട്ടും ഇതിലുണ്ട്. സുരക്ഷയ്ക്കായി പവർ ബട്ടണിൽ തന്നെ ഫിംഗർപ്രിന്റ് സ്കാനറും നൽകിയിട്ടുണ്ട്. സ്റ്റോറേജ് തികയാത്ത ആളുകൾക്ക് 2 ടിബി വരെ സ്റ്റോറേജ് എക്സ്പാൻഡ് ചെയ്യാൻ മൈക്രോ എസ്ഡി കാർഡ് സ്ലോട്ടം ഈ ഡിവൈസിൽ നൽകിയിരിക്കുന്നു. ഡിടിഎസ് ഓഡിയോ സപ്പോർട്ടുള്ള ഫോണിൽ സ്റ്റീരിയോ സ്പീക്കർ സെറ്റപ്പുമുണ്ട്.
ടെക്നോ പോവ 4: വിലയും ലഭ്യതയും
ടെക്നോ പോവ 4 സ്മാർട്ട്ഫോണിന്റെ ഒരു വേരിയന്റ് മാത്രമാണ് ഇപ്പോൾ അവതരിപ്പിച്ചിരിക്കുന്നത്. 8 ജിബി റാമും 128 ജിബി സ്റ്റോറേജുമുള്ള ഈ വേരിയന്റിന് 11,999 രൂപയാണ് വില. ഡിസംബർ 13 മുതൽ ഈ സ്മാർട്ട്ഫോണിന്റെ വിൽപ്പന ആരംഭിക്കും. ആമസോൺ ഇന്ത്യ വഴി മാത്രമാണ് ഈ ഡിവൈസിന്റെ വിൽപ്പന നടക്കുന്നത്. യുറനോലിത്ത് ഗ്രേ, ക്രയോലൈറ്റ് ബ്ലൂ എന്നീ രണ്ട് കളർ ഓപ്ഷനുകളിലാണ് സ്മാർട്ട്ഫോൺ ലഭ്യമാകുന്നത്.
ടെക്നോ പോവ 4: സവിശേഷതകൾ
ടെക്നോ പോവ 4 സ്മാർട്ട്ഫോണിൽ 1640 × 720 പിക്സൽ റെസല്യൂഷനുള്ള 6.82-ഇഞ്ച് എച്ച്ഡി+ എൽസിഡി ഡിസ്പ്ലേയാണുള്ളത്. 90Hz റിഫ്രഷ് റേറ്റുള്ള ഡിസ്പ്ലേയാണിത്. 180Hz ടച്ച് സാംപ്ലിങ് റേറ്റും ഈ ഫോണിൽ ടെക്നോ നൽകിയിട്ടുണ്ട്. ഡിസ്പ്ലെയുടെ മുകളിൽ നടുഭാഗത്തായി പഞ്ച്-ഹോൾ നോച്ച് നൽകിയിട്ടുണ്ട്. വൈഡ് വൈൻ എൽ1 സർട്ടിഫിക്കേഷനുമായിട്ടാണ് ഇത് വരുന്നത്.
ഒക്ടാ കോർ മീഡിയടെക് ഹീലിയോ G99 പ്രോസസറിന്റെ കരുത്തിലാണ് ടെക്നോ പോവ 4 സ്മാർട്ട്ഫോൺ പ്രവർത്തിക്കുന്നത്. മാലി G57 ജിപിയുവും ഫോണിൽ ടെക്നോ നൽകിയിട്ടുണ്ട്. പോക്കോ എം5, റെഡ്മി 11 പ്രൈം, റിയൽമി 10 തുടങ്ങിയ നിരവധി മിഡ്-റേഞ്ച് സ്മാർട്ട്ഫോണുകൾക്ക് കരുത്ത് നൽകുന്ന പ്രോസസറാണ് ഇത്. ഡിവൈസിൽ 8 ജിബി LPDDR4X റാമും 128 ജിബി ഓൺബോർഡ് സ്റ്റോറേജുമാണുള്ളത്. റാം 5 ജിബി വരെ വർധിപ്പിക്കാൻ വെർച്വൽ റാം ഫീച്ചറും ഡിവൈസിൽ നൽകിയിട്ടുണ്ട്.
ടെക്നോ പോവ 4 ആൻഡ്രോയിഡ് 12 ബേസ്ഡ് HiOS 12ൽ പ്രവർത്തിക്കുന്നു. രണ്ട് പിൻ ക്യാമറകളാണ് ഈ ഡിവൈസിലുള്ളത്. എഫ്/1.6 അപ്പേർച്ചറുള്ള ഉള്ള 50 എംപി പ്രൈമറി ക്യാമറയാണ് ഫോണിന്റെ ഏറ്റവും വലിയ സവിശേഷത. ഇതിനൊപ്പം എഐ ലെൻസും നൽകിയിട്ടുണ്ട് എഫ്/2.0 അപ്പേർച്ചറുള്ള 8 എംപി ക്യാമറയാണ് സെൽഫികൾക്കും വീഡിയോ കോളുകൾക്കുമായി ഈ ഫോണിലുള്ളത്.
6000mAh ബാറ്ററി യൂണിറ്റാണ് ടെക്നോ പോവ 4ന്റെ മറ്റൊരു സവിശേഷത. ടൈപ്പ്-സി ചാർജിംഗ് പോർട്ട് വഴി 18W ഫാസ്റ്റ് ചാർജിങ് സപ്പോർട്ടും ഇതിലുണ്ട്. സുരക്ഷയ്ക്കായി പവർ ബട്ടണിൽ തന്നെ ഫിംഗർപ്രിന്റ് സ്കാനറും നൽകിയിട്ടുണ്ട്. സ്റ്റോറേജ് തികയാത്ത ആളുകൾക്ക് 2 ടിബി വരെ സ്റ്റോറേജ് എക്സ്പാൻഡ് ചെയ്യാൻ മൈക്രോ എസ്ഡി കാർഡ് സ്ലോട്ടം ഈ ഡിവൈസിൽ നൽകിയിരിക്കുന്നു. ഡിടിഎസ് ഓഡിയോ സപ്പോർട്ടുള്ള ഫോണിൽ സ്റ്റീരിയോ സ്പീക്കർ സെറ്റപ്പുമുണ്ട്.