വണ്‍ പ്ലസ് 6 ന് മറ്റൊരു കിടുക്കന്‍ ഫീച്ചര്‍ കൂടിയുണ്ട്!

മെയ് പതിനാറിന് ഔദ്യോഗിക അവതരണം നടത്തുന്നതിന് മുന്‍പേ തന്നെ വണ്‍ പ്ലസ് 6ന്‍റെ ഫീച്ചറുകള്‍ ഓരോന്നായി ലീക്കാകുകയാണ്. ഇപ്പോള്‍ ഏറ്റവും അവസാനം പുറത്തു വന്നിരിക്കുന്നത് ഒരു കിടുക്കന്‍ ഫീച്ചറാണ്. സൂപ്പര്‍ സ്ലോ മോഷന്‍ വീഡിയോ!

ഫ്ലാഗ്ഷിപ്പ് ഫോണിനു വേണ്ട മികച്ച ദൃശ്യാനുഭവം നല്‍കാന്‍ ഈ ഫോണിനു സാധിക്കും എന്നതില്‍ തര്‍ക്കമില്ല. സൂപ്പര്‍ സ്ലോ മോ എന്നാണ് ഈ ഫീച്ചറിന്‍റെ പേര്.

സാംസംഗ് ഗാലക്സി എസ് 9, ഹ്യുവേ പി 20 പ്രോ, സോണി എക്സ്പീരിയ എക്സ് ഇസഡ് പ്രീമിയം എന്നീ ഫോണുകളില്‍ ആണ് ഇതേ ഫീച്ചര്‍ ഉള്ളത്.

വണ്‍ പ്ലസ് ഫോണുകളില്‍ ഇതുവരെ ഇറങ്ങിയതില്‍ വച്ച് ഏറ്റവും വില കൂടിയ ഫോണ്‍ ആയിരിക്കും ഇത്.