3 പുതിയ ഐഫോണുകളുമായി ആപ്പിൾ; അവതരണം സെപ്തംബറിൽ

ആപ്പിൾ പ്രേമികൾ ഏറെ ആകാംക്ഷയോടെ കാത്തിരുന്ന പുതിയ ഐഫോണുകൾ എത്തുകയായി. ഈ വർഷം സെപ്തംബറിൽ പുതിയ മൂന്ന് ഐഫോണുകളുടെ അവതരണം നടക്കുമെന്ന് കമ്പനി അറിയിച്ചിരിക്കുകയാണ്. ഐഫോണ്‍ 2018, ഐഫോണ്‍ XS,ഐഫോണ്‍ XS പ്ലസ് എന്നീ ഫോണുകളാണ് വിപണി പിടിക്കാൻ ഒരുങ്ങുന്നത്.

കഴിഞ്ഞ വര്‍ഷം നോച്ച് സ്‌ക്രീനോടു കൂടി അവതരിച്ച ഐഫോണ്‍ Xനു സമാനമായ ഡിസൈനിലാണ് മൂന്ന് ഐഫോണുകളും എത്തുന്നത്. ബ്ലാക്ക്, വൈറ്റ്, ഗ്രേ, ബ്ലൂ, റെഡ്, ഓറഞ്ച് എന്നീ നിറങ്ങളിലാകും ഫോണുകള്‍ അവതരിക്കുക. ഐഫോണ്‍ XS പ്ലസിന് 6.5 ഇഞ്ച് ഡിസ്‌പ്ലേയും ഐഫോണ്‍ 2018ന് 6.1 ഇഞ്ച് ഡിസ്‌പ്ലേയും ഐഫോണ്‍ XSന് 5.8 ഇഞ്ച് ഡിസ്‌പ്ലേയുമാണ് ഉണ്ടായിരിക്കുക.

ഐഒഎസ് 12 അടിസ്ഥാനമാക്കിയാണ് ഈ മൂന്ന് ഫോണുകളും പ്രവർത്തിക്കുന്നത്. ഡ്യുവല്‍ റിയര്‍ ക്യാമറ സെറ്റപ്പോടു കൂടിയാണ് ഐഫോണ്‍ XS,ഐഫോണ്‍ XS പ്ലസ് ഫോണുകൾ എത്തുന്നത്. ഐഫോണ്‍ XS പ്ലസിന് 1,000 ഡോളറും, ഐഫോണ്‍ XSന് 800 ഡോളറും ഐഫോണ്‍ 2018ന് 700 ഡോളറും വില പ്രതീക്ഷിക്കാം.