പണമടയ്ക്കാം സമയവും നോക്കാം, ടൈറ്റാൻ കോൺടാക്ട്-ലെസ്സ് പേയ്മെന്റ് വാച്ചുകൾ എത്തി
സ്റ്റേറ്റ് ബാങ്ക് ഓഫ് ഇന്ത്യയുമായി (എസ്ബിഐ) സഹകരിച്ചാണ് ടൈറ്റാന്റെ കോൺടാക്ട്ലെസ്സ് പേയ്മെന്റ് സംവിധാനം പ്രവർത്തിക്കുന്നത്.
Samayam Malayalam 16 Sept 2020, 9:39 pm
പ്രമുഖ വാച്ച് നിർമ്മാതാക്കളായ ടൈറ്റാൻ കോൺടാക്ട്ലെസ്സ് പേയ്മെന്റ് സംവിധാനമുള്ള വാച്ചുകൾ അവതരിപ്പിച്ചു. സ്റ്റേറ്റ് ബാങ്ക് ഓഫ് ഇന്ത്യയുമായി (എസ്ബിഐ) സഹകരിച്ചാണ് ടൈറ്റാന്റെ കോൺടാക്ട്ലെസ്സ് പേയ്മെന്റ് സംവിധാനം പ്രവർത്തിക്കുന്നത്. പേയ്മെന്റുകൾ നടത്താൻ ഉപയോക്താക്കൾക്ക് കോൺടാക്റ്റ്ലെസ് പേയ്മെന്റ് (POS) മെഷീനുകളിൽ ഈ ടൈറ്റൻ പേ സംവിധാനമുള്ള വാച്ചുകൾ ടാപ്പ് ചെയ്താൽ മാത്രം മതി. എസ്ബിഐ ബാങ്ക് കാർഡ് ഉടമകൾക്ക് മാത്രമേ തത്കാലം ഈ സവിധാനമുള്ളൂ. പിൻ നൽകാതെ 2,000 രൂപ വരെയുള്ള പേയ്മെന്റുകൾ ഇത്തരത്തിൽ നടത്താം. തുക അതിൽ കൂടുതൽ ആണെങ്കിൽ പിൻ നമ്പർ നൽകണം.
ടൈറ്റാൻ പേ സംവിധാനമുള്ള മൂന്ന് വാച്ച് മോഡലുകൾ പുരുഷന്മാർക്കും 2 വാച്ച് മോഡലുകൾ സ്ത്രീകൾക്കാണ് അവതരിപ്പിച്ചിട്ടുണ്ട്. ഇതിൽ പുരുഷന്മാർക്കുള്ള വാച്ചുകളുടെ വില Rs 2,995, Rs 3,995, Rs 5,995 രൂപ എന്നിങ്ങനെയാണ്. ഈ വാച്ചുകളിൽ കറുപ്പും തവിട്ടുനിറത്തിലുള്ള ലെതർ സ്ട്രാപ്പുകളും വൃത്താകൃതിയിലുള്ള ഡയലുകളും ആണ്. ഓരോ വാച്ചിന്റെയും രൂപകൽപ്പന വ്യത്യസ്തമാണ്. ഏറ്റവും പ്രീമിയം വാച്ചിൽ സ്വർണ്ണ നിറത്തിലുള്ള ടച്ചും, ഫിസിക്കൽ ബട്ടണുകളും, തീയതിയും ദിവസവും വെളിപ്പെടുത്തുന്ന അധിക ഡയലുമുണ്ട്. സ്ത്രീകൾക്കായുള്ള വാച്ചുകൾക്ക് 3,895 രൂപയും, 4,395 രൂപയുമാണ് വില. തവിട്ട്, കറുത്ത ലെതർ സ്ട്രാപ്പുകളാണ് ഈ വാച്ചുകൾക്ക്. ഈ വാച്ചുകളെല്ലാം ടൈറ്റൻ ഇന്ത്യ വെബ്സൈറ്റിലൂടെ വാങ്ങാം.
ഐപാഡ് എയർ 2020 മുതൽ വാച്ച് സീരീസ് 6 വരെ; ആപ്പിളിന്റെ പുതിയ 4 ഡിവൈസുകൾ
എയർപോഡിന്റെ വ്യാജശേഖരം പിടിച്ചെന്ന് യുഎസ് കസ്റ്റംസ്, പക്ഷെ യഥാർത്ഥത്തിൽ സംഭവിച്ചത്
വാച്ച് സ്ട്രാപ്പിൽ സുരക്ഷിതമായ നിയർ-ഫീൽഡ് കമ്മ്യൂണിക്കേഷൻ (എൻഎഫ്സി) ചിപ്പ് ഉൾച്ചേർത്താണ് എസ്ബിഐ ബാങ്ക് കാർഡ് ഉടമകൾക്കായി പുതിയ പേയ്മെന്റ് പ്രവർത്തനം അവതരിപ്പിച്ചിരിക്കുന്നത്. ടൈറ്റാൻ പേ സംവിധാനം യോനോ എസ്ബിഐ ആപ്പുമായി ചേർന്നാണ് പ്രവർത്തിക്കുന്നത്.