399 രൂപയ്ക്ക് റീചാർജ് ചെയ്യൂ ജിയോയുടെ ട്രിപ്പിൾ ക്യാഷ്ബാക്ക് നേടൂ

ടെലികോം രംഗത്ത് മത്സരം ഒന്നുകൂടി കൊഴുപ്പിക്കാൻ ജിയോ എത്തി കഴിഞ്ഞു. 399 രൂപയ്ക്കോ അതിന് മുകളിലോ റീചാർജ് ചെയ്യുന്നവർക്ക് 2,599 രൂപയുടെ ക്യാഷ് ബാക്കാണ് ജിയോ ഓഫർ ചെയ്തിരിക്കുന്നത്. നവംബർ 10 മുതൽ 25 വരെയാണ് ഈ ഓഫറിന്‍റെ കാലാവധി.

399 രൂപയ്ക്കോ അതിന് മുകളിലോ റീചാർജ് ചെയ്യുന്നവർക്ക് 400 രൂപ ക്യാഷ്ബാക്കായും 300 രൂപ ക്യാഷ് ബാക്ക് വൗച്ചറായും 1899 രൂപയ്ക്ക് ഓൺലൈൻ വഴി ഷോപ്പിങ് നടത്തുകയും ചെയ്യാം. ആമസോൺ, പേടിഎം, ഫോൺപെ, മൊബിക്വിക്ക്, ആക്സിസ് പേ, ഫ്രീ റീചാർജ് എന്നീ വെബ്സൈറ്റുകൾ വഴി ഷോപ്പിങ് നടത്താവുന്നതാണ്. ജിയോ പ്രൈം അംഗങ്ങൾക്ക് മാത്രമാണ് ഈ ഓഫർ ലഭ്യമാക്കിയിട്ടുള്ളത്.

ഡിജിറ്റൽ വോലെറ്റിലാണ് ക്യാഷ് ബാക്ക് ലഭ്യമാവുക. നവംബർ 15 നായിരിക്കും ക്യാഷ് ബാക്ക് വൗച്ചർ വോലെറ്റിലെത്തുക. ദീപാവലിയോടനുബന്ധിച്ച് 100 ശതമാനം ക്യാഷ് ബാക്ക് ഓഫർ ചെയ്തിരുന്നു. 399 രൂപയ്ക്ക് റീചാർജ് ചെയ്തവർക്ക് 400 രൂപ തിരികെ ലഭിച്ചിരുന്നു. എന്നാൽ ജിയോ വലിയൊരു തുക ക്യാഷ് ബാക്കായി ഓഫർ ചെയ്യുന്നത് ഇതാദ്യമായാണ്.