വിവോ വി7 എനർജറ്റിക് ബ്ലൂ കളർ വേരിയന്‍റ് അവതരിച്ചു

ചൈനീസ് സ്മാർട്ട്ഫോൺ നിർമാതാക്കളായ വിവോ അടുത്തിടെ വിപണിയിലെത്തിച്ച വി7 സ്മാർട്ട്ഫോണിന്‍റെ പുതിയ 'എനർജറ്റിക് ബ്ലൂ കളർ വേരിയന്‍റി'നെ വിപണിയിലെത്തിച്ചു. ആമസോൺ, ഫ്ലിപ്പകാർട്ട് വഴിയാണ് ഈ സ്മാർട്ട്ഫോണിന്‍റെ വില്പന. 18,990 രൂപ പ്രൈസ് ടാഗിലാണ് വിവോ വി7 എനർജറ്റിക് ബ്ലൂ കളർ വേരിയന്‍റ് ലഭ്യമാവുക. ലോഞ്ചിനോടനുബന്ധിച്ച് സ്ക്രീൻ റീപ്ലെയ്സ്മെന്‍റ് വാറണ്ടിയും വോഡഫോണിൽ നിന്നുള്ള 100GB അധിക ഡാറ്റയും ഉപഭോക്താക്കൾക്കായി വിവോ ലഭ്യമാക്കിയിട്ടുണ്ട്. ക്രിസ്മസിനോട് അനുബന്ധിച്ചാണ് വിവോ ഈ പ്രത്യേക പതിപ്പ് സ്മാർട്ട്ഫോണിനെ വിപണിയിൽ എത്തിച്ചിരിക്കുന്നത്.

24 MP സെൽഫി ക്യാമറയാണ് വിവോ വി 7 ന്‍റെ പ്രധാന ഹൈലേറ്റ്. സെൽഫി പ്രേമികൾക്ക് വേണ്ടി മാത്രമായി അവതരിച്ച ഈ സെൽഫി സ്മാർട്ട്ഫോണിൽ മൂൺ ലൈറ്റ് ഗ്ലോ ഫീച്ചറും പ്രധാന സവിശേഷതയായി ഉൾപ്പെടുത്തിയിട്ടുണ്ട്. സെൽഫി എടുക്കുന്നതിലുപരി ഫോൺ അൺലോക്ക് ചെയ്യുന്നതിനും ഈ ഫ്രണ്ട് ക്യാമറ ഉപയോഗപ്പെടുത്താം എന്നതാണ് ശ്രദ്ധേയമായ മറ്റൊരു സവിശേഷത. പുതിയ വേരിയന്‍റിൽ അവതരിച്ചുവെന്നല്ലാതെ സ്മാർട്ട്ഫോണിൽ മറ്റു മാറ്റങ്ങളൊന്നും വരുത്തിയിട്ടില്ല. കൂടുതൽ സവിശേഷതകളറിയാം.

5.7 ഇഞ്ച് എച്ച്ഡി ഡിസ്പ്ലെ

ഓക്ട-കോർ ക്വാൽകം സ്നാപ്ഡ്രാഗൺ 450 പ്രോസസർ

ആൻഡ്രോയിഡ് 7.1 നുഗട്ട്

4GB റാം

32GB സ്റ്റോറേജ്

24MP സെൽഫി ക്യാമറ

16MP റിയർ ക്യാമറ

3,000 mAh ബാറ്ററി