Vivo V9 Pro:16 എംപി സെൽഫി ക്യാമറയുമായി വിവോ വി9 പ്രോ ഇന്ത്യയിൽ

ഇന്ത്യയിലെ തങ്ങളുടെ മൊബൈൽ ശൃംഖല വിപുലീകരിക്കാൻ പുതിയ സ്മാർട്ട്ഫോണുമായി വിവോ. വിവോ വി9 പ്രോ എന്ന പേരിൽ അവതരിച്ചിരിക്കുന്ന സ്മാർട്ട്ഫോണിന് 17,990 രൂപയാണ് വില. ബ്ലാക്ക് നിറത്തിൽ എത്തിയിരിക്കുന്ന സ്മാർട്ട്ഫോണിന്‍റെ വിൽപ്പന ആമസോൺ വഴി മാത്രമായിരിക്കും നടക്കുക. ഇന്ത്യയിൽ ഷവോമി മിഎ2, നോക്കിയ 7 പ്ലസ് എന്നീ സ്മാർട്ട്ഫോണുകളായിരിക്കും മുഖ്യ എതിരാളികൾ.

ഫിംഗർ പ്രിന്‍റ് സ്കാനർ, നോച്ച് ഡിസ്പ്ലെ, ഡ്യുവൽ റിയർ ക്യാമറ എന്നിവയാണ് വിവോ വി9 പ്രോയുടെ പ്രധാന സവിശേഷതകൾ. 16 എംപി ഫ്രണ്ട് ക്യാമറയാണ് ഈ സ്മാർട്ട്ഫോണിൽ ഉള്ളത്. എഐ സെൽഫി ലൈറ്റിങ്, എഐ ഫേസ് ബ്യൂട്ടി എന്നിവയാണ് ഈ സെൽഫി ക്യാമറയുടെ പ്രത്യേകത.

സവിശേഷതകൾ

6.3 ഇഞ്ച് ഡിസ്പ്ലെ

ആൻഡ്രോയിഡ് 8.1 ഓറിയോ

സ്നാപ്ഡ്രാഗൺ 660 AIE പ്രോസസർ

6GB റാം

64GB സ്റ്റോറേജ്

13MP/2MP റിയർ ക്യാമറ

16MP ഫ്രണ്ട് ക്യാമറ

3,260mAh ബാറ്ററി