ബാങ്ക് ഓഫറുകൾ
നിങ്ങൾക്ക് വിവോയുടെ ഏറ്റവും മികച്ച സ്മാർട്ട്ഫോണുകളിലൊന്നായ വിവോ എക്സ്90 പ്രോ വാങ്ങാൻ ആഗ്രഹമുണ്ടെങ്കിൽ ഇത് മികച്ച അവസരമാണ്. ഈ ഫോൺ വാങ്ങുമ്പോൾ ഐസിഐസിഐ ബാങ്ക് ക്രെഡിറ്റ്, ഡെബിറ്റ് കാർഡ്, കൊട്ടക് മഹീന്ദ്ര ക്രെഡിറ്റ് കാർഡ്, വൺകാർഡ് ക്രെഡിറ്റ് കാർഡ് ഇഎംഐ എന്നിവയിലൂടെ പണം നൽകുന്ന ആളുകൾക്ക് 10,000 രൂപ ഇൻസ്റ്റന്റ് ക്യാഷ്ബാക്ക് ലഭിക്കും. എസ്ബിഐ ക്രെഡിറ്റ് കാർഡ് ഇഎംഐയിലൂടെ ഫോൺ വാങ്ങുന്ന ആളുകൾക്ക് 8,500 രൂപ ക്യാഷ്ബാക്ക് നേടാനുള്ള അവസരവും ലഭിക്കും.
Read More: ഇനി കൂടുതൽ കരുത്തൻ; റെഡ്മി നോട്ട് 12 പ്രോ 5ജി 12 ജിബി റാമുള്ള വേരിയന്റ് ഇന്ത്യയിലെത്തി
മറ്റ് ഓഫറുകൾ
എല്ലാ ബാങ്ക് ഓഫറുകൾക്കും പുറമെ ക്യാഷിഫൈ ആപ്പുമായി സഹകരിച്ച് 8,000 രൂപ വരെ എക്സ്ക്ലൂസീവ് എക്സ്ചേഞ്ച് ബോണസും വിവോ നൽകുന്നുണ്ട്. വിവോ എക്സ്90 പ്രോ വാങ്ങാനായി നിങ്ങളുടെ പഴയ സ്മാർട്ട്ഫോൺ എക്സ്ചേഞ്ച് ചെയ്യുന്ന ആളുകൾക്ക് മികച്ച ബോണസ് ആനുകൂല്യങ്ങളും ലഭിക്കും. നിങ്ങളുടെ പഴയ ഡിവൈസിന്റെ എക്സ്ചേഞ്ച് വാല്യൂ 8,000 രൂപയിൽ കൂടുതലായിരിക്കണം. കുറഞ്ഞ വിലയിൽ വിവോ സ്മാർട്ട്ഫോണുകൾ വാങ്ങാനുള്ള മികച്ച അവസരമാണ് ഇത്.
ക്യാഷ്ബാക്ക്
ഐസിഐസിഐ, എസ്ബിഐ, കൊട്ടക്, വൺകാർഡ് എന്നിവ ഉപയോഗിച്ച് ഫോണുകൾ വാങ്ങുന്ന ആളുകൾക്ക് ഇൻസ്റ്റന്റ് ഡിസ്കൌണ്ടാണ് ലഭിക്കുന്നത്. ഈ കാർഡുകളിലേതെങ്കിലും ഉപയോഗിച്ച് പണമടയ്ക്കുന്ന ആളുകൾക്ക് ഒരു പ്രത്യേക ഓഫറായി വിവോ എക്സ്90 സ്മാർട്ട്ഫോണിൽ 4,000 രൂപയുടെ ഡെഫേഡ് ക്യാഷ്ബാക്കും ലഭിക്കും. ഇത് ഫോൺ വാങ്ങാൻ ആഗ്രഹിക്കുന്ന ആളുകൾക്ക് വീണ്ടും പണം ലാഭിക്കാനുള്ള ഓപ്ഷനാണിത്.
Read More: തിക്കും തിരക്കും; സാംസങ്ങിന്റെ മടക്കാവുന്ന ഫോണുകൾക്ക് വെറും 28 മണിക്കൂറിൽ 1 ലക്ഷം പ്രീ-ബുക്കിങ്
വിലയും വേരിയന്റുകളും
വിവോ എക്സ്90 പ്രോ സ്മാർട്ട്ഫോണിന്റെ 12 ജിബി റാമും 256 ജിബി സ്റ്റോറേജുമുള്ള വേരിയന്റിന് 84,999 രൂപയാണ് വില. വിവോ എക്സ്90 സ്മാർട്ട്ഫോണിന്റെ 8 ജിബി റാമും 256 ജിബി സ്റ്റോറേജുമുള്ള വേരിയന്റിന് 59,999 രൂപയാണ് വില. ഫോണിന്റെ 12 ജിബി റാമും 256 ജിബി സ്റ്റോറേജുമുള്ള വേരിയന്റിന് 63,999 രൂപ വിലയുണ്ട്. ഈ സ്മാർട്ട്ഫോണുകൾ ബ്രീസ് ബ്ലൂ, ആസ്റ്ററോയിഡ് ബ്ലാക്ക് എന്നീ രണ്ട് ആകർഷകമായ നിറങ്ങളിൽ ലഭ്യമാണ്.
സവിശേഷതകൾ
വിവോ എക്സ്90, എക്സ്90 പ്രോ എന്നീ സ്മാർട്ട്ഫോണുകൾ മികച്ച സവിശേഷതകളുമായിട്ടാണ് വരുന്നത്. 6.78 ഇഞ്ച് കർവ്ഡ് ഡിസ്പ്ലേയാണ് രണ്ട് ഫോണുകളിലുമുള്ളത്. 120Hz റിഫ്രഷ് റേറ്റ്, സെസ്സ് നാച്ചുറൽ കളർ 2.0 എന്നിവയുള്ള ഡിസ്പ്ലെയാണ് ഇത്. ഡ്യുവൽ സ്റ്റീരിയോ സ്പീക്കറുകളും മികച്ച ഓഡിയോയ്ക്കും വൈബ്രേഷനുമായി പ്രത്യേകം മോട്ടോറും ഫോണുകളിലുണ്ട്. വിവോ എക്സ്90 സീരിസിൽ വലിയ 50 എംപി സെൻസറുണ്ട്. 12എംപി പോർട്രെയ്റ്റ് ക്യാമറ, 12എംപി അൾട്രാ വൈഡ് ക്യാമറ എന്നിവയും ഫോണുകളിലുണ്ട്.
Read More: പച്ച വരയ്ക്ക് പരിഹാരം, ഇത്തരം ഫോണുകൾക്ക് വൺപ്ലസ് ആജീവനാന്ത വാറന്റി നൽകുന്നു
ചിപ്പ്സെറ്റ്
വിവോ എക്സ്90 സീരീസിലെ ഫോണുകളിൽ മീജിയടെക് ഡൈമൻസിറ്റി 9200 ചിപ്പുമായിട്ടാണ് വരുന്നത്. വിവോ എക്സ്90യിൽ 4810 mAh ബാറ്ററിയും എക്സ്90 പ്രോയിൽ 4870 mAh ബാറ്ററിയുമുണ്ട്. 120W ചാർജിങ് സപ്പോർട്ടുമായിട്ടാണ് ഈ ഫോണുകൾ വരുന്നത്. എക്സ്90 പ്രോയ്ക്ക് 50W വയർലെസ് ചാർജിങ് സപ്പോർട്ടും കമ്പനി നൽകിയിട്ടുണ്ട്. മികച്ച ഡിസ്പ്ലേകളും ആകർഷകമായ ക്യാമറകളും ശക്തമായ പെർഫോമൻസും സൂപ്പർ ഫാസ്റ്റ് ചാർജിങ്ങുമുള്ള ഫോണുകളാണിവ.