മുൻനിര സ്മാർട്ഫോൺ നിർമാതാക്കളായ വിവോ തങ്ങളുടെ ഏറ്റവും പുതിയ സ്മാർട്ഫോണായ വിവോ Y9s പുറത്തിറക്കി. വിവോ കഴിഞ്ഞ ആഴ്ച റഷ്യയിൽ പുറത്തിറക്കിയ വിവോ S1 പ്രോയുടെ ലോക്കൽ പതിപ്പായ വിവോ V17ന്റെ റീബ്രാൻഡഡ് പതിപ്പാണ് പുതിയ വിവോ Y9s.
വാട്ടർ ഡ്രോപ്പ് ആകൃതിയിലുള്ള ഡിസ്പ്ലേ നോച്ച്, ഡയമണ്ട് ആകൃതിയിലുള്ള ക്വാഡ് റിയർ ക്യാമറ സജ്ജീകരണം എന്നിവയാണ് ഈ മിഡ്-റേഞ്ച് ഹാൻഡ്സെറ്റിന്റെ പ്രധാന ആകർഷണങ്ങൾ. 32 സെൽഫി ക്യാമറയുള്ള ഫോണിന് 18W ഡ്യൂവൽ എൻജിൻ ഫാസ്റ്റ് ചാർജിങ് സപ്പോർട്ടുമുണ്ട്. മികച്ച പെർഫോമൻസിനായി വിവോ മൾട്ടി ടർബോ ഫീച്ചറും ഉൾപ്പെടുത്തിയിട്ടുണ്ട്.
സൂക്ഷിച്ച് ഫോണിൽ സംസാരിക്കൂ, നാല് വര്ഷത്തെ ഇടവേളക്ക് ശേഷം ചാർജ് വർധന
CNY 1,998 ആണ് വിവോ Y9s-ന്റെ 8 ജിബി റാം 128 ജിബി സ്റ്റോറേജ് പതിപ്പിന് ചൈനയിലെ വില. ഏകദേശം 20,400 ഇന്ത്യൻ രൂപ വരുമിത്. ഡിസംബർ ആറ് മുതലാണ് ചൈനയിൽ ഹാൻഡ്സെറ്റ് വാങ്ങാൻ കഴിയുക. പ്രീ-ഓർഡറുകൾ കമ്പനി ഇപ്പോൾ സ്വീകരിക്കുന്നുണ്ട്. ഗ്ലേസ്ഡ് ബ്ലാക്ക്, നെബുല ബ്ലൂ, എന്നീ നിറങ്ങളിൽ കൂടാതെ സിംഫണി ലൈറ്റ് എന്ന ഇരട്ട നിറത്തിലും ഫോൺ വാങ്ങാം. ചൈനയിൽ ഇപ്പോൾ ലോഞ്ച് ചെയ്ത ഹാൻഡ്സെറ്റ് എപ്പോഴാണ് രാജ്യാന്തര വിപണികളിൽ അവതരിപ്പിക്കുക എന്ന കാര്യം ഇതുവരെ വിവോ വെളിപ്പെടുത്തിയിട്ടില്ല.
ഡ്യൂവൽ സിമ്മുള്ള (നാനോ) വിവോ Y9s ഫൺടച് OS 9 ഉള്ള ആൻഡ്രോയിഡ് 9 പൈയിലാണ് പ്രവർത്തിക്കുന്നത്. ഡിസ്പ്ലേയിലേക്ക് നോക്കുമ്പോൾ 6.38-ഇഞ്ചുള്ള ഫുൾ-HD+ (1080x2340 pixels) സൂപ്പർ അമോലെഡ് ഡിസ്പ്ലേയാണ് ഫോണിനുള്ളത്. 19.5:9 ആണ് ആസ്പെക്ട് അനുപാതം. 90 ശതമാനമാണ് സ്ക്രീൻ ടു ബോഡി അനുപാതം. 8 ജിബി രാമുള്ള ക്വാൽകോം സ്നാപ്ഡ്രാഗൺ 665 SoC ആണ് ഫോണിന് ശക്തി പകരുന്നത്.
ഓക്കേ ഗൂഗിൾ പറയാൻ വരട്ടെ, ഗൂഗിളിനോട് ചോദിക്കരുത് ഈ കാര്യങ്ങൾ
ഫോട്ടോകൾക്കും വീഡിയോകൾക്കുമായി ക്വാഡ് റിയർ ക്യാമറ സജ്ജീകരണമാണ് ഫോണിലുള്ളത്. 48-മെഗാപിക്സലുള്ള പ്രൈമറി സെൻസർ, 8-മെഗാപിക്സലുള്ള സെക്കന്ററി സെൻസർ, 2-മെഗാപിക്സലുള്ള ഡെപ്ത് സെൻസർ, 2-മെഗാപിക്സലുള്ള മാക്രോ സെൻസർ എന്നിവയാണ് ക്യാമറ സെറ്റപ്പിലുള്ളത്. മുൻവശത്തുള്ള 32-മെഗാപിക്സലിന്റെ സെൽഫി ക്യാമറയാണ് മറ്റൊരാകർഷണം.
128 ജിബി ഓൺബോർഡ് സ്റ്റോറേജാണ് ഫോണിനുള്ളത്. ഒരു മൈക്രോ എസ്ഡി കാർഡിന്റെ സഹായത്തോടെ ഈ സ്റ്റോറേജ് വികസിപ്പിക്കാനും സാധിക്കും.
വെറും 10,000 രൂപ മതി, ഇതാ അഞ്ച് കിടിലൻ ഫോണുകൾ
4G വോൾട്ട്, വൈഫൈ, ബ്ലൂടൂത്ത്, ജിപിഎസ്/ എ-ജിപിഎസ്, യുഎസ്ബി ടൈപ്പ്-സി, 3.5mm ഹെഡ്ഫോൺ ജാക്ക് തുടങ്ങിയ കണക്ടിവിറ്റി ഫീച്ചറുകളും ഫോണിലുണ്ട്. ഇൻ-ഡിസ്പ്ലേ ഫിംഗർപ്രിന്റ് സെൻസറും നൽകിയിട്ടുണ്ട്.
Y9s സ്മാർട്ഫോണിൽ 4,500 mAh ബാറ്ററിയാണ് വിവോ നൽകിയിരിക്കുന്നത്. ഈ ബാറ്ററി 18W ഡ്യൂവൽ എൻജിൻ ഫാസ്റ്റ് ചാർജിങ് ടെക്നോളജി സപ്പോർട് ചെയ്യുന്നുണ്ട്.