ശബ്ദം മതി ഇനി റീചാർജ് ചെയ്യാൻ, വോഡഫോണിന്റെ പുതിയ 'ഐഡിയ'

കൊറോണ വ്യാപനത്തിന്റെ പശ്ചാത്തലത്തിൽ മൊബൈൽ റീചാർജ് ചെയ്യുമ്പോൾ റീറ്റെയ്ൽ സ്റ്റോറുകളിലുള്ളവരും ഉപഭോക്താവുമായുള്ള സമ്പർക്കം ഒഴിവാക്കുന്നതിന് നടപടിയുമായി വോഡഫോണ്‍ ഐഡിയ. റീടൈലർമാരുടെ സ്മാർട്ട് കണക്ട് ആപ്പിൾ വോയ്‌സ് സൗകര്യം നൽകിയാണ് ശാരീരിക അകലം പാലിച്ചുകൊണ്ട് റീചാർജ് ചെയ്യാൻ വോഡഫോണ്‍ ഐഡിയ സൗകര്യം ഒരുക്കുന്നത്.

നിലവിൽ റീചാര്‍ജ് ചെയ്യേണ്ട ഫോണ്‍ നമ്പര്‍ എഴുതി നല്‍കുകയോ നേരിട്ട് ഫോണിലേക്ക് കീ ഇന്‍ ചെയ്തു നല്‍കുകയോ ആണ് മിക്ക സ്റ്റോറുകളിലും ചെയ്യുന്നത്. ഇത് കൊറോണ വൈറസ് ബാധയ്ക്ക് വഴിയൊരുക്കും. ഇതിനുപകരമായി ഇപ്പോൾ നമ്പർ സ്മാർട്ട് കണക്ടിനോട് പറഞ്ഞാൽ മാത്രം മതി. പത്തക്ക മൊബൈല്‍ നമ്പര്‍ ഡിവൈസിലേക്ക് പറഞ്ഞ് ഉപഭോക്താവിനോ റീടൈലറിനോ റീചാര്‍ജ് നടത്താം. ഗൂഗിള്‍ വോയ്സ് സംവിധാനം വഴി പത്ത് അടി ദൂരം വരെ നിന്ന് ഈ കമാന്‍ഡ് റെക്കോർഡ് ആവുകയും ചെയ്യും.

വീട്ടിലിരുന്ന് കാശുണ്ടാക്കണോ? ജിയോ സഹായിക്കും

മൂന്നാം ഘട്ട ലോക്ക് ഡൗണിൽ രാജ്യത്തെ ഓറഞ്ച്, ഗ്രീന്‍ സോണുകളില്‍ ചെറുകിട കച്ചവട സ്ഥാപനങ്ങള്‍ തുറന്നതോടെയാണ് സാമൂഹിക അകലം സംബന്ധിച്ച മാര്‍ഗനിര്‍ദ്ദേശങ്ങള്‍ പൂര്‍ണമായി പാലിക്കാനായി വോഡഫോൺ ഐഡിയ പുതിയ സേവനം ആരംഭിച്ചിരിക്കുന്നത്. നിലവില്‍ ഇംഗ്ലീഷ്, ഹിന്ദി ഭാഷകളാണ് ശബ്ദാധിഷ്ഠിത സംവിധാനം പിന്തുണക്കുന്നത്. കൂടുതല്‍ ഭാഷകളില്‍ ഈ സേവനം ഘട്ടം ഘട്ടമായി ലഭ്യമാക്കും.

ബഡ്ജറ്റ് 15,000ൽ താഴെ ആണോ? ഇതാ നിങ്ങൾക്കുള്ള 5 സൂപ്പർ ഫോണുകൾ

യൂസർമാർ കേന്ദ്രീകരിച്ച് പ്രവർത്തിക്കുന്ന ടെലികോം സേവന ദാതാവ് എന്ന നിലയിൽ എപ്പോഴും വരിക്കാരെ കണക്ടഡ് ആയി തുടരാൻ അനുവദിക്കുന്ന സേവനങ്ങൾ നൽകാൻ തങ്ങള്‍ പ്രതിജ്ഞാബദ്ധരാണെന്ന് ഇതേക്കുറിച്ചു പ്രതികരിച്ച വോഡഫോണ്‍ ഐഡിയ ചീഫ് ഓപ്പറേറ്റിങ് ഓഫിസര്‍ അംബരീഷ് ജെയിന്‍ പറഞ്ഞു. തങ്ങളുടെ 300 ദശലക്ഷത്തോളം വരുന്ന ഉപഭോക്താക്കള്‍ക്ക് സൗകര്യപ്രദമായ സേവനങ്ങള്‍ ലഭ്യമാക്കാന്‍ ഡിജിറ്റല്‍ സേവനങ്ങള്‍ ഏറ്റവും ആദ്യം നല്‍കുന്ന രീതിയാണ് വോഡാഫോൺ ഐഡിയ പിന്തുടരുന്നത്. സ്പര്‍ശന രഹിത റീചാര്‍ജ് വഴി ഇപ്പോഴത്തെ സാഹചര്യത്തില്‍ സുരക്ഷിതരായി തുടരാന്‍ ഏറ്റവും ആവശ്യമായ സാമൂഹിക അകലം സാധ്യമാക്കുകയാണെന്നും അദ്ദേഹം കൂട്ടിച്ചേര്‍ത്തു.