വൊഡാഫോണിൽ 95 രൂപയുടെ പുതിയ ഓൾ റൗണ്ടർ പ്ലാൻ

തിരഞ്ഞെടുത്ത സർക്കിളുകളിലെ ഉപയോക്താക്കൾക്കായി പുതിയ ആനുകൂല്യവുമായി വൊഡാഫോൺ. കൂടുതൽ വാലിഡിറ്റിയുള്ള 95 രൂപയുടെ ഓൾ റൗണ്ടർ പ്രീപെയ്ഡ് പ്ലാൻ ആണ് വൊഡാഫോൺ അവതരിപ്പിച്ചിരിക്കുന്നത്. ഒരു അക്കൗണ്ടിന്റെ വാലിഡിറ്റി വർധിപ്പിക്കാനായി ചെയ്യുന്ന മിനിമം റീചാർജ് പ്ലാനുകളാണ് ഓൾ റൗണ്ടർ പ്രീപെയ്ഡ് പ്ലാനുകൾ. കോംബോ പ്ലാനുകൾ റീചാർജ് ചെയ്യാതെ സിം ആക്റ്റീവ് ആയി വെയ്ക്കാൻ ഈ പ്ലാനുകൾ സഹായിക്കും.

95 രൂപയുടെ പ്രീപെയ്ഡ് പ്ലാൻ കൂടാതെ 39 രൂപ, 49 രൂപ, 79 രൂപ എന്നിങ്ങനെ മൂന്ന് ഓൾ റൗണ്ടർ പാക്കുകൾ കൂടി വൊഡാഫോൺ നൽകുന്നുണ്ട്. പക്ഷെ ഇവയിൽ ഏറ്റവും കൂടുതൽ വാലിഡിറ്റി 95 രൂപ പ്ലാനിനാണ്. ഒരിക്കൽ റീചാർജ് ചെയ്താൽ 56 ദിവസത്തേക്ക് പ്ലാൻ ആക്റ്റീവ് ആയിരിക്കും.

Extra Data: ജിയോ, എയർടെൽ, വൊഡാഫോൺ അധിക ഡാറ്റ പാക്കുകളിൽ മികച്ചതേത്?

ഡാറ്റ, ടോക്ക്‌ടൈം, വോയിസ് കോളിംഗ് റേറ്റ് കട്ടർ തുടങ്ങി മൂന്ന് ആനുകൂല്യങ്ങളാണ് 95 രൂപ പ്ലാൻ റീചാർജ് ചെയുന്നവർക്ക് ലഭിക്കുക. 74 രൂപയുടെ ടോക്ക്‌ടൈം ആണ് ഈ പ്ലാനിൽ ലഭിക്കുക. കൂടാതെ റീചാർജിന് ശേഷം ലോക്കൽ/നാഷണൽ കോളുകൾക്ക് സെക്കൻഡിൽ 2.5 പൈസ ആണ് ചിലവ് വരിക. 200 എംബി ഡാറ്റയും റീചാർജ് ചെയ്യുന്നവർക്ക് ലഭിക്കും.

ഡിസംബറിലെ താരിഫ് വർധനയ്ക്ക് മുൻപ് വരെ 500 എംബി ഡാറ്റയാണ് 95 രൂപയുടെ ഈ പ്രീപെയ്ഡ് പ്ലാനിൽ ലഭിച്ചിരുന്നത്. പക്ഷെ വാലിഡിറ്റി 28 ദിവസം മാത്രമായിരുന്നു. ഇപ്പോൾ വൊഡാഫോൺ വാലിഡിറ്റി വർധിപ്പിച്ചെങ്കിലും ഡാറ്റ വെട്ടിക്കുറച്ചു.

കേരളം, ബീഹാർ, ചെന്നൈ, കർണാടക, കേരള, മധ്യ പ്രദേശ്, മുംബൈ, തമിഴ്നാട് സർക്കിളുകളിലാണ് വൊഡാഫോൺ 95 ഓൾ റൗണ്ടർ പ്ലാൻ ലഭിക്കുക. ഈ സിറ്റികളിലെ ഐഡിയ യൂസർമാർക്കും ഈ പ്ലാൻ ലഭിക്കും.

അൺലിമിറ്റഡ് കോളുകൾ, 350 ജിബി 4G ഡാറ്റ: ജിയോയിൽ പുതിയ പ്രീപെയ്ഡ് പ്ലാൻ

ഇനി നിങ്ങളുടെ സർക്കിളിലിൽ ഈ പ്ലാൻ ലഭിക്കുന്നില്ലെങ്കിൽ മറ്റ് വില കുറഞ്ഞ പ്ലാനുകളും പരിഗണിക്കാവുന്നതാണ്. 79 രൂപയുടെ ഓൾ റൗണ്ടർ പ്ലാനിൽ 64 രൂപയുടെ ടോക്ക്ടൈമും മാസം 200 എംബി ഡാറ്റയും ലഭിക്കും. വോയിസ് കോളുകൾക്ക് സെക്കന്ഡിന് ഒരു പൈസ മാത്രമേ ചിലവാകുകയുള്ളൂ. 28 ദിവസമാണ് ഈ പ്ലാനിന്റെ വാലിഡിറ്റി. അതേസമയം 49 രൂപയുടെ പ്ലാനിൽ 100 എംബി ഡാറ്റയും 38 രൂപയുടെ ടോക്ക്ടൈമും 28 ദിവസത്തെ വാലിഡിറ്റിയുമാണ് ലഭിക്കുക.