വാട്സ്ആപ്പ് പെയ്മെന്‍റ് സേവനത്തിന് ഇന്ത്യയിൽ പ്രചാരമേറുന്നു

വിപണി വിഹിതം നേടിയെടുക്കുന്നതിന്‍റെ ഭാഗമായി ഫേസ്ബുക്ക് തങ്ങളുടെ വാട്സ്ആപ്പ് പെയ്മെന്‍റ് സേവനം 200 ദശലക്ഷം ഇന്ത്യക്കാർക്ക് ലഭ്യമാക്കുമെന്ന് ഉറപ്പ് നൽകി. ഇന്ത്യയിലെ മുൻനിര ബാങ്കുകളായ എച്ചഡിഎഫ്സി, ഐസിഐസി, ആക്സിസ് എന്നീ ബാങ്കുകളുമായി കൈകോർത്താണ് ഈ സേവനം ലഭ്യമാക്കുന്നത്.

അടുത്താഴ്ച തന്നെ സേവനം ലഭ്യമായി തുടങ്ങുന്നതായിരിക്കും. മെസേജിങ് പ്ലാറ്റ്ഫോമിൽ കൂടുതൽ പ്രചാരം നേടിയ വാട്സ്ആപ്പ് ബാങ്കിങ് സേവനം കൂടി ജനങ്ങളിലേക്ക് എത്തിക്കുകയാണ്. ആദ്യഘട്ടം എന്ന നിലയിൽ ഫെബ്രുവരിയിൽ 10 ലക്ഷം ഉപഭോക്താക്കൾക്ക് വാട്സ്ആപ്പ് പെയ്മെന്‍റ് സേവനം ലഭ്യമാക്കിയിരുന്നു. ഗൂഗിൾ ജെറ്റ്, ആലിബാബ പെയ്മെന്‍റ് സേവനങ്ങൾക്ക് ഇത് വൻ തിരിച്ചടിയായിരിക്കും.