വാട്സാപ്പ് വഴി ഇനി പണം അയക്കാം; സ്വീകരിക്കാം

ഡിജിറ്റല്‍ പേമെന്റിനുള്ള സൗകര്യവും വാട്സാപ്പിലൂടെ ഒരുക്കുവാന്‍ പോകുന്നുവെന്ന് ഏറ്റവും പുതിയ റിപ്പോര്‍ട്ട് വെളിപ്പെടുത്തുന്നത്. ഇത് പ്രകാരം ഇനി വാട്സാപ്പ് വഴി നിങ്ങള്‍ക്ക് പണം അയക്കുകയും സ്വീകരിക്കുകയും ചെയ്യാന്‍ സാധിക്കും. 20 കോടി ഉപഭോക്താക്കളോടെ ലോകത്തെ ഏറ്റവും കൂടുതല്‍ വാട്സാപ്പ് ഉപയോഗിക്കുന്ന രാജ്യം എന്ന നിലയില്‍ ആദ്യം പരീക്ഷിക്കുന്നത് ഇന്ത്യയിലാണെന്നും വെളിപ്പെട്ടിട്ടുണ്ട്.

അതായത് പുതിയ സംവിധാനത്തിലൂടെ ഒരു ഫോട്ടോയോ അല്ലെങ്കില്‍ ഫയലോ വാട്സാപ്പ് ചെയ്യുന്നത് പോലെ പണവും അയക്കാന്‍ സാധിക്കും. ലോകമാകമാനം 700 മില്യണോളം യൂസര്‍മാരാണ് വാട്സാപ്പിനുള്ളത്. എന്നാല്‍ ഏറ്റവും കൂടുതല്‍ യൂസര്‍മാരുള്ള രാജ്യമെന്ന നിലയില്‍ ഇന്ത്യക്കാര്‍ക്ക് മാത്രമായിരിക്കും പുതിയ സംവിധാനത്തിന്റെ പ്രയോജനം ലഭിക്കാന്‍ പോകുന്നത്. ഈ പരീക്ഷണം വിജയമാവുകയാണെങ്കില്‍ ലോകമാകമാനമുള്ള വാട്സാപ്പ് കസ്റ്റമര്‍മാര്‍ക്ക് ഇതിന്റെ പ്രയോജനം ലഭ്യമാക്കുന്നതായിരിക്കും.