ബജറ്റ് വിലയിൽ മികച്ച സ്മാർട്ഫോണുകളിറക്കി ഇന്ത്യയിലെ മൊബൈൽഫോൺ പ്രേമികളുടെ ഇഷ്ടബ്രാൻഡായ ഷവോമി സ്മാർട് വാച്ച് പുറത്തിറക്കി. സ്മാർട്ഫോൺ വിപണിയും ഫിറ്റ്നസ് ബാൻഡ് വിപണിയും അടക്കി വാഴുന്ന ഷവോമി ഏറ്റവും പുതിയ Mi CC9 പ്രൊ സ്മാർട്ഫോണിനൊപ്പവുമാണ് ഷവോമി Mi സ്മാർട് വാച്ച് ലോഞ്ച് ചെയ്തത്.
CNY 1299 ആണ് വാച്ചിന്റെ വില. ഏകദേശം 13,000 ഇന്ത്യൻ രൂപ വരുമിത്. നവംബർ 11 മുതലാണ് വില്പന ആരംഭിക്കുക. Mi വാച്ചിന്റെ പ്രീമിയം പതിപ്പും ഇപ്പോൾ ഷവോമി പുറത്തിറക്കിയിട്ടുണ്ട്. സ്റ്റെയിൻലെസ്സ് സ്റ്റീലിലാണ് ഈ വാച്ചിന്റെ ഫ്രെയിം നിർമിച്ചിരിക്കുന്നത്. 4D കർവുള്ള സഫയർ ഗ്ലാസ് സുരക്ഷയുമുണ്ട്. Mi പ്രീമിയം പതിപ്പിന് CNY 1999 ആണ് വില. ഇന്ത്യൻ രൂപ ഏകദേശം 20,000 രൂപ വരുമിത്. സിൽവർ, ബ്ലാക്ക് എന്നിങ്ങനെ രണ്ട് നിറങ്ങളിലാണ് വാച്ച് ഇറങ്ങുക.
Mi Smartwatch: കയ്യിൽ മാത്രമല്ല കൈത്തണ്ടയിലും ഇനി Mi
മാറ്റി ഇടാവുന്ന സ്ട്രാപ്പുകളാണ് അലുമിനിയം അലോയിൽ നിർമ്മിച്ച വാച്ചിന്റേത്. 326ppi പിക്സൽ ഡെൻസിറ്റിയുള്ള1.78-ഇഞ്ച് അമോലെഡ് പാനലാണുള്ളത്. പോറലുകൾ വീഴുന്നത് ഒഴിവാക്കാനാണ് സഫയർ 4 D കർവ് ഉപയോഗിച്ചതെന്നാണ് ഷവോമി പറയുന്നത്. ക്വാൽകോം സ്നാപ്ഡ്രാഗൺ വെയർ 3100 ആണ് വാക്കിനു ശ്കതി പകരുന്നത്. ഒരുപാട് കണക്ടിവിറ്റി സൗകര്യങ്ങളും വാച്ചിലുണ്ട്. ഇ-സിം കണക്ടിവിറ്റി, സ്പീക്കർ, മൈക്രോഫോൺ എന്നിവ ഇവയിൽ ചിലത് മാത്രം.
സെൽഫിയെടുക്കാൻ ഈ ആപ്പുകളാണോ ഉപയോഗിക്കുന്നത് ? സൂക്ഷിക്കണം
570 mAh ബാറ്ററിയാണ് വാച്ചിനുള്ളത്. ഫിറ്റ്നസ് ഫീച്ചറുകളും സ്മാർട്ഫീച്ചറുകളും ഒരുപോലെ വാഗ്ദാനം ചെയ്യുന്ന Mi വാച്ചിൽ കോൾ എടുക്കാനും കട്ട് ചെയ്യാനും, മെസ്സേജുകളും ഇ-മെയിലുകളും വായിക്കാനും അയക്കാനും ഒരുപോലെ സാധിക്കും. കൂടാതെ പാട്ടുകൾ ഇഷ്ടമുള്ളപ്പോൾ പ്ലേ ചെയ്യാം പോസ് ചെയ്യാം. നീന്തൽ, ഓട്ടം, നടത്തം എന്നിങ്ങനെയുള്ള നിങ്ങളുടെ പ്രവർത്തനങ്ങളും വാച്ച് ട്രാക്ക് ചെയ്യും. ഹൃദയമിടിപ്പിന്റെ നിരക്കും വാച്ച് അളക്കും.
വൈഫൈ, ബ്ലൂടൂത്ത് 5.0, ജിപിഎസ് എന്നിവ Mi സ്മാർട് വാച്ച് സപ്പോർട്ട് ചെയ്യും. ആറ് സെൻസറുകൾ വാച്ചിലുണ്ട്. പത്ത് തരത്തിലുള്ള ആക്ടിവിറ്റികൾ ട്രാക്ക് ചെയ്യാനും വാച്ച് സഹായിക്കും.
മറ്റാരെയും കാണിക്കാനാവാത്ത ഒരു യൂട്യൂബ് ഹിസ്റ്ററി നിങ്ങൾക്കുമില്ലേ?
ഫിറ്റ്നസ് ബാൻഡുകളുടെ വിപണി മാറ്റിമറിച്ചവരാണ് എംഐ. സ്മാർട് വാച്ചുകളിൽ എപ്പോഴും പുതുമ അവതരിപ്പിച്ചു ടെക് ഭീമനായ ആപ്പിളും മറുവശത്തുണ്ട്. സ്മാർട് വാച്ച് വിപണിയിലേക്കുള്ള ഷവോമിയുടെ കടന്നുവരവ് ആപ്പിളിന്റെ വിപണി പിടിക്കാനുള്ള തന്ത്രങ്ങളുമായാണ്. നിലവില് ചൈനയിലാണ് ഇറങ്ങിയത്. ഇന്ത്യയില് വാച്ച് എപ്പോൾ ഇറങ്ങും എന്ന കാര്യം വ്യക്തമല്ല. ബാൻഡുകൾ ഇന്ത്യയിൽ തരംഗം സൃഷ്ടിച്ച സ്ഥിതിയ്ക്ക് സ്മാര്ട് വാച്ചും ഇന്ത്യയിൽ പെട്ടന്ന് എത്താനാണ് സാധ്യത.