പുതിയ പ്രോസസറിൽ പുതിയൊരു സ്മാർട്ട്ഫോണുമായി ഷവോമി

പുതിയൊരു സ്മാർട്ട്ഫോണുമായി അവതരിക്കാൻ ഒരുങ്ങുകയാണ് ഷവോമി. മീഡിയാ ടെക്കിന്‍റെ ഹീലിയോ പി60 പ്രൊസസറില്‍ പ്രവര്‍ത്തിക്കുന്നതാണ് ഷവോമിയുടെ പുതിയ സ്മാർട്ട്ഫോൺ. എന്നാൽ വിലയോ ഫീച്ചറുകളോ സംബന്ധിച്ചുള്ള വിവരങ്ങളൊന്നും ഷവോമി വ്യക്തമാക്കിയിട്ടില്ല.

ഫെബ്രുവരിയില്‍ ബാഴ്‌സലോണയില്‍ നടന്ന മൊബൈല്‍ വേള്‍ഡ് കോണ്‍ഗ്രസിലാണ് ഷവോമി ആദ്യമായി ഈ സ്മാർട്ട്ഫോണിന്‍റെ അവതരണം നടത്തിയത്. ആര്‍ട്ടിഫിഷ്യല്‍ ഇന്‍റലിജന്‍സ് പിന്തുണയോടെയുള്ള സ്മാർട്ട്ഫോണായിരിക്കും ഇത്. ഹീലിയോ പി 23 പ്രൊസസറിനേക്കാള്‍ 12 ശതമാനം മികച്ചതും 25 ശതമാനം ഊര്‍ജ ലാഭവുമുള്ളതാണ് ഈ പുതിയ പ്രോസസർ.