റിയൽമി നാർസോ 30 പ്രോ 5ജി
ഇന്ത്യയിലെ ഏറ്റവും വിലക്കുറവുള്ള 5ജി സ്മാർട്ട്ഫോൺ ആണ് അടുത്തിടെ വിപണിയിലെത്തിയ നാർസോ 30 പ്രോ 5ജി. 6 ജിബി റാം + 64 ജിബി സ്റ്റോറേജ് വേരിയന്റിന് 16,999 രൂപയും 8 ജിബി റാം + 128 ജിബി സ്റ്റോറേജ് മോഡലിന് 19,999 രൂപയുമാണ് റിയൽമി നാർസോ 30 പ്രോ 5ജിയുടെ വിലകൾ. സ്വേഡ് ബ്ലാക്ക്, ബ്ലെയ്ഡ് സിൽവർ നിറങ്ങളിൽ നാർസോ 30 പ്രോ 5ജി വാങ്ങാം.
20:9 ആസ്പെക്ട് റേഷ്യോ, 120Hz റിഫ്രഷ് റേറ്റ്, 600 നിറ്റ് പീക്ക് ബ്രൈറ്റ്നെസ്സുമുള്ള 6.5 ഇഞ്ച് ഫുൾ എച്ച്ഡി + (1,080x2,400 പിക്സൽ) ഡിസ്പ്ലേയാണ് നാർസോ 30 പ്രോ 5ജിയ്ക്ക്. ഒക്ടാകോർ മീഡിയടെക് ഡൈമെൻസിറ്റി 800U SoC പ്രോസസ്സർ 8 ജിബി വരെ എൽപിഡിഡിആർ4എക്സ് റാമുമായി ചേർന്ന് പ്രവർത്തിക്കുന്നു. 48 മെഗാപിക്സൽ പ്രൈമറി സെൻസർ, അൾട്രാ വൈഡ് ആംഗിൾ ലെൻസുള്ള 8 മെഗാപിക്സൽ സെക്കൻഡറി സെൻസർ, 2 മെഗാപിക്സൽ മാക്രോ ഷൂട്ടർ എന്നിവ ഉൾപ്പെടുന്ന ട്രിപ്പിൾ റിയർ ക്യാമറയാണ് ഹാൻഡ്സെറ്റിന്. 65 മിനുട്ടിൽ പൂർണമായും ചാർജ് ചെയ്യാവുന്ന 30W ചാർജിങ് സപ്പോർട്ടുള്ള 5,000 എംഎഎച്ച് ബാറ്ററിയാണ് ഫോണിന്.
റിയൽമി X7 5ജി
ഈ മാസം നാലാം തിയതി വില്പനക്കെത്തിയ റിയൽമി X7 5ജിയുടെ 6 ജിബി റാം + 128 ജിബി സ്റ്റോറേജ് പതിപ്പിന് 19,999 രൂപയും 8 ജിബി റാം+ 128 ജിബി സ്റ്റോറേജ് പതിപ്പിന് 21,999 രൂപയുമാണ് വില. നെബുല, സ്പേസ് സിൽവർ എന്നീ നിറങ്ങളിൽ വാങ്ങാവുന്ന റിയൽമി X7 5ജിയ്ക്ക് 6.4 ഇഞ്ച് ഫുൾ എച്ച്ഡി + (1,080x2,400 പിക്സൽ) സൂപ്പർ അമോലെഡ് ഡിസ്പ്ലേയാണ്. മീഡിയടെക് ഡൈമെൻസിറ്റി 800 U 5ജി SoC പ്രോസസ്സർ ആണ് ഹാൻഡ് സെറ്റിന്.
64 മെഗാപിക്സൽ പ്രൈമറി സെൻസർ, 8 മെഗാപിക്സൽ അൾട്രാ വൈഡ് ആംഗിൾ ലെൻസ്, 2 മെഗാപിക്സൽ മാക്രോ ലെൻസ് എന്നിവ ഉൾപ്പെടുന്ന ട്രിപ്പിൾ റിയർ ക്യാമറയാണ് റിയൽമി X7 5ജിയ്ക്ക്. 30W സൂപ്പർഡാർട്ട് ഫാസ്റ്റ് ചാർജിംഗ് പിന്തുണയുള്ള 4,310mAh ബാറ്ററിയാണ് റിയൽമി X7 5ജിയ്ക്ക്.
മോട്ടോ ജി 5ജി
ലെനോവോയുടെ ഉടമസ്ഥതയിലുള്ള അമേരിക്കൻ സ്മാർട്ട്ഫോൺ ബ്രാൻഡായ മോട്ടോറോളയുടെ ഏറ്റവും വിലക്കുറവുള്ള 5ജി സ്മാർട്ട്ഫോൺ ആണ് മോട്ടോ ജി 5ജി. 6 ജിബി റാമും 128 ജിബി ഓൺബോർഡ് സ്റ്റോറേജുമുള്ള മോട്ടോ ജി 5ജിയ്ക്ക് 20,999 രൂപയാണ് വില. വോൾക്കാനിക് ഗ്രേ, ഫ്രോസ്റ്റഡ് സിൽവർ എന്നിങ്ങനെ രണ്ട് നിറങ്ങളിൽ അവതരിപ്പിച്ചിരിക്കുന്ന മോട്ടോ ജി 5ജിയ്ക്ക് ഫുൾ എച്ച്ഡി+ റെസല്യൂഷനും 394 പിപിഐ പിക്സൽ ഡെൻസിറ്റിയുമുള്ള 6.7 ഇഞ്ച് (1,080x2,400 പിക്സൽ) എൽടിപിഎസ് ഡിസ്പ്ലേയാണ്. സ്നാപ്ഡ്രാഗൺ 750 ജി പ്രോസസറാണ് സ്മാർട്ട്ഫോണിന്റെ കരുത്ത്.
48 മെഗാപിക്സൽ പ്രൈമറി സെൻസർ, 118 ഡിഗ്രി ഫീൽഡ് ഓഫ് വ്യൂ ഉള്ള 8 മെഗാപിക്സൽ സെക്കൻഡറി വൈഡ് ആംഗിൾ സെൻസർ, 2 മെഗാപിക്സൽ മാക്രോ സെൻസർ എന്നിവയടങ്ങുന്ന ട്രിപ്പിൾ റിയർ ക്യാമറ സജ്ജീകരണമാണ് ഫോണിന്. 20W ടർബോപവർ ഫാസ്റ്റ് ചാർജിംഗ് പിന്തുണയുള്ള 5,000mAh ബാറ്ററിയാണ് ഫോണിന്.
എംഐ 10i
6 ജിബി റാം + 64 ജിബി സ്റ്റോറേജ് ഓപ്ഷന് 20,999 രൂപ, 6 ജിബി റാം + 128 ജിബി സ്റ്റോറേജ് ഓപ്ഷന് 21,999 രൂപ, 8 ജിബി റാം + 128 ജിബി സ്റ്റോറേജ് മോഡലിന് 23,999 രൂപ എന്നിങ്ങനെയാണ് എംഐ 10iയുടെ വില. പസിഫിക് സൺറൈസ്, അറ്റ്ലാന്റിക് ബ്ലൂ, മിഡ്നെറ്റ് ബ്ലാക്ക് എന്നിങ്ങനെ 3 നിറങ്ങളിൽ വില്പനക്കെത്തിയിരിക്കുന്ന എംഐ 10i-യ്ക്ക് 20Hz റിഫ്രഷ് റേറ്റും 250Hz ടച്ച് സാമ്പിൾ റേറ്റുമുള്ള 6.67 ഇഞ്ച് ഫുൾ എച്ച്ഡി+ (2,400x1,080 പിക്സൽ) ഡിസ്പ്ലേ ആണ്. അഡ്രിനോ 619 ഗ്രാഫിക്സ് പ്രോസസറുമായി ചേർന്ന് പ്രവർത്തിക്കുന്ന സ്നാപ്ഡ്രാഗൺ 750 ജി SoC പ്രോസസ്സർ ആണ് ഫോണിന് കരുത്ത് പകരുന്നത്.
108 മെഗാപിക്സൽ സാംസങ് HM2 പ്രൈമറി സെൻസർ ആണ് എംഐ 10i-യുടെ പ്രധാന ആകർഷണം. ഒപ്പം 8 മെഗാപിക്സൽ അൾട്രാ വൈഡ് ആംഗിൾ ലെൻസ്, 2 മെഗാപിക്സൽ മാക്രോ ലെൻസ്, 2 മെഗാപിക്സൽ ഡെപ്ത് സെൻസർ എന്നിവ ചേർന്ന ക്വാഡ് കാമറയാണ് എംഐ 10iയ്ക്ക്. 33W ഫാസ്റ്റ് ചാർജിംഗിനുള്ള പിന്തുണയോടെ 4,820mAh ബാറ്ററിയാണ് എംഐ 10i-യ്ക്ക്.
വൺപ്ലസ് നോർഡ്
വൺപ്ലസ്സിന്റെ ഏറ്റവും വിലക്കുറവുള്ള പ്രീമിയം സ്മാർട്ട്ഫോൺ ആണ് നോർഡ് കഴിഞ്ഞ വർഷം ജൂലായിൽ വിപണിയിലെത്തിയ നോർഡിൽ ഇന്ത്യയ്ക്കുവേണ്ടി പ്രത്യേകം തയ്യാറാക്കിയ 6 ജിബി റാം + 64 ജിബി സ്റ്റോറേജ് പതിപ്പിന് 24,999 ആണ് വില. 90Hz റിഫ്രഷ് റേറ്റുള്ള 6.44-ഇഞ്ച് ഫുൾ എച്ഡി+ (1,080x2,400 പിക്സൽ) ഫ്ലൂയിഡ് അമോലെഡ് ഡിസ്പ്ലേയാണ് വൺപ്ലസ് നോർഡിന്. അഡ്രെനോ 620 GPU-വുമായി ചേർന്ന് പ്രവർത്തിക്കുന്ന ഒക്ട-കോർ ക്വാൽകോം സ്നാപ്പ്ഡ്രാഗൺ 765G SoC പ്രൊസസ്സർ ആണ് കരുത്ത്.
48 മെഗാപിക്സൽ സോണി IMX586 പ്രൈമറി സെൻസർ (f/1.75 ലെൻസ്), 8 മെഗാപിക്സൽ സെക്കന്ററി സെൻസർ (അൾട്രാ-വൈഡ്-ആംഗിൾ ലെൻസ്), 5 മെഗാപിക്സൽ ഡെപ്ത് സെൻസർ, 2 മെഗാപിക്സൽ f/2.4 മാക്രോ ലെൻസ് എന്നിവ ചേർന്ന ക്വാഡ് പിൻ കാമറ സെറ്റപ്പ് ആണ് നോർഡിന്. ബ്ലൂ മാർബിൾ, ഗ്രേയ് ഓനിക്സ് എന്നിങ്ങനെ രണ്ട് നിറങ്ങളിലാണ് വൺപ്ലസ് നോർഡിൽ 30W വാർപ് ഫാസ്റ്റ് ചാർജിങ് സപ്പോർട്ടുള്ള 4,115mAh ബാറ്ററിയാണ്.