കൂ (Koo)
കേന്ദ്ര സർക്കാർ കഴിഞ്ഞ വർഷം നടത്തിയ ആത്മനിർഭർ ഭാരത് ആപ്പ് ചാലഞ്ചിൽ ഒന്നാം സ്ഥാനം ആപ്പ് ആണ് കൂ ആപ്പ്. അപ്രമേയ രാധാകൃഷ്ണ, മായങ്ക് ബിദവാട്ക എന്നിവർ ചേർന്ന് കഴിഞ്ഞ മാർച്ചിൽ തയ്യാറാക്കിയതാണ് കൂ ആപ്പ്. ഉപയോക്താക്കൾക്ക് തങ്ങളുടെ അഭിപ്രായങ്ങൾ, ചിത്രങ്ങൾ, ചെറിയ വിഡിയോകൾ എന്നിവ രേഖപെടുത്താവുന്ന ട്വിറ്ററിന് സമാനമായ മൈക്രോബ്ലോഗിംഗ് സേവനമാണ് കൂ ആപ്പ് ഒരുക്കുന്നത്.
ട്വിറ്ററിന് പോസ്റ്റ് ചെയ്യാവുന്ന അക്ഷരങ്ങളുടെ പരിധി 280 ആണെങ്കിൽ കൂ ആപ്പിൽ ഇത് 400 ആണ്. ഇത് കൂടാതെ 1 മിനിറ്റ് വരെ ദൈർഖ്യമുള്ള ഓഡിയോ, വിഡിയോകൾ കൂ ആപ്പിൽ പോസ്റ്റ് ചെയ്യാം. ട്വിറ്ററിൽ പോസ്റ്റ് ചെയ്യുന്നവയെ ട്വീറ്റ് എന്ന് വിളിക്കുന്നതുപോലെ കൂ ആപ്പിൽ പോസ്റ്റ് ചെയ്യുന്നവയെ കൂവ്സ് എന്ന് വിളിക്കുന്നത്. കൂ ആപ്പ് ഇംഗ്ലീഷ് കൂടാതെ പ്രാദേശിക ഭാഷകളെയും പ്രോത്സാഹിപ്പിക്കുന്നുണ്ട്. ഇപ്പോൾ കന്നഡ, തമിഴ്, തെലുങ്ക്, ഹിന്ദി ഭാഷകളിലാണ് കൂ ലഭിക്കുന്നത്. മറ്റു ഇന്ത്യൻ ഭാഷകളിലും കൂ ഉടൻ ലഭ്യമാവും.
വാട്സ്ആപ്പ് നിരോധിച്ച രാജ്യങ്ങൾ ഏതൊക്കെ? കാരണമറിയാം, അടുത്തത് ഇന്ത്യയോ?
ടൂറ്റർ (Tooter)
ഇന്റർഫെയ്‌സും, പ്രവർത്തന രീതിയും, നിറങ്ങൾ പോലും ട്വിറ്ററിനോട് ഏറെക്കുറെ സമാനമാണ് ടൂറ്ററിൽ. ചുരുക്കത്തിൽ ട്വിറ്ററിന്റെ പാരഡി പതിപ്പാണ് ടൂറ്റർ എന്നെ ഒറ്റ നോട്ടത്തിൽ തോന്നൂ. നീല നിറത്തിലുള്ള ശംഖ് ആണ് ടൂറ്ററിൻ്റെ ലോഗോ. സ്വദേശി ആന്ദോളൻ 2.0 എന്ന പ്രാദേശിക പ്രവർത്തനങ്ങളുടെ ഭാഗമായാണ് ടൂറ്റർ തയ്യാറാക്കിയിരിക്കുന്നത് എന്നാണ് നിർമാതാക്കൾ പറയുന്നത്. തെലങ്കാനയിലെ ശ്രീസിറ്റിയിൽ പ്രവർത്തിക്കുന്ന ടൂറ്റർ പ്രൈവറ്റ് ലിമിറ്റഡ് ആണ് ആപ്പിന് പിന്നിൽ.
പ്രധാനമന്ത്രി നരേന്ദ്ര മോദി, കേന്ദ്ര ആഭ്യന്തര മന്ത്രി അമിത് ഷാ, പ്രതിരോധ മന്ത്രി രാജ്‌നാഥ് സിങ്, സദ്ഗുരു, രാഹുൽ ഗാന്ധി എന്നിവർക്കെല്ലാം ടൂറ്ററിൽ വെരിഫൈഡ് അക്കൗണ്ടുണ്ട്. ബിജെപിയുടെ ടൂറ്റർ അക്കൗണ്ടും വെരിഫൈഡ് ആണ്. സിനിമ താരങ്ങളായ ദീപിക പദുകോൺ, അക്ഷയ് കുമാർ, അമിതാഭ് ബച്ചൻ, ഷാറുഖ് ഖാൻ, സൽമാൻ ഖാൻ, അഭിഷേക് ബച്ചൻ, സംവിധായകൻ കരൺ ജോഹർ, ക്രിക്കറ്റ് താരം വിരാട് കോലി എന്നിവരാണ് ടൂറ്റർ അക്കൗണ്ടുള്ള മറ്റുള്ള പ്രമുഖർ.
ക്ലബ്ഹൗസ് ഇഷ്ടപ്പെട്ടില്ലേ? പകരം 'മെയ്ഡ് ഇൻ ഇന്ത്യ' ആപ്പുകൾ തയ്യാർ
മിത്രസേതു (Mitrasetu)
കൂ, ടൂറ്റർ എന്നിവയെക്കാൾ താരതമ്യേന ചെറിയ ആപ്ലിക്കേഷനാണ് മിത്രസേതു. ഫേസ്ബുക്കിന് സമാനമായ ഇന്റർഫെയ്‌സും മൈക്രോ ബ്ലോഗിംഗ് വെബ്‌സൈറ്റിന്റെ പ്രവർത്തന രീതിയും ഇടകലർന്നാണ് മിത്രസേതു ഒരുക്കിയിരിക്കുന്നത്. ലൈക് ചെയ്യുക, കമന്റ് ചെയ്യുക, നിങ്ങൾക്ക് തോന്നുന്ന കാര്യങ്ങൾ ടൈം ലൈനിൽ പോസ്റ്റ് ചെയ്യുക എന്നിങ്ങനെ അടിസ്ഥാന സമൂഹമാധ്യമ പ്രവർത്തികളെല്ലാം മിത്രസേതു ആപ്പിലൂടെ ചെയ്യാം. ഫേസ്ബുക്കിന് സമാനമായി ഗ്രൂപ്പുകളും, പേജുകളും മിത്രസേതു ആപ്പിൽ നിർമ്മിക്കാം. ലൊക്കേഷൻ ഓൺ ചെയ്താൽ നിങ്ങളുടെ അടുത്തുള്ള മിത്രസേതു ഉപഭോക്താക്കളെ കണ്ടെത്താനും സുഹൃത്തുക്കളാക്കാനും എളുപ്പമാണ്. ഉത്തർപ്രദേശിലുള്ള പ്രയാഗ്രാജ് ആസ്ഥാനമായാണ് കമ്പനി പ്രവർത്തിക്കുന്നത്.