ജിയോ ഉപഭോക്താക്കളുടെ വിവരങ്ങള്‍ ചോര്‍ന്നതായി റിപ്പോര്‍ട്ട്

ന്യുഡല്‍ഹി: ലക്ഷ കണക്കിന് റിലയന്‍സ് ജിയോ ഉപഭോക്താക്കളുടെ വിവരങ്ങള്‍ ചോര്‍ന്നതായി ആരോപണം. ജിയോ സേവനങ്ങള്‍ സുരക്ഷിതമല്ലെന്ന പ്രചരണവുമായി magicapk.com എന്ന വെബ്സൈറ്റാണ് രംഗത്തെത്തിയിരിക്കുന്നത്. ജിയോ ഉപയോക്താക്കളുടെ ഇമെയില്‍ ഐഡി, ആധാര്‍ നമ്പര്‍, മൊബൈല്‍ നമ്പര്‍ , പേര് തുടങ്ങിയവയാണ് പ്രസ്തുത വെബ്‌സൈറ്റില്‍ പ്രസിദ്ധീകരിച്ചത്.

എന്നാല്‍ വെബ്‌സൈറ്റുകളില്‍ പ്രചരിക്കുന്ന വിവരങ്ങള്‍ തെറ്റാണെന്നും സുരക്ഷിതമല്ലെന്ന വാദം അടിസ്ഥാന രഹിതമാണെന്നും റിലയന്‍സ് ജിയോ പ്രതികരിച്ചു. വിവരങ്ങള്‍ പ്രസിദ്ധപ്പെടുത്തിയതിനു ശേഷം പിന്നീട് ഇൗ വെബ്സൈറ്റ് ലഭ്യമല്ലാതാവുകയും ചെയ്തു.

വെബ്‌സൈറ്റിനെതിരെ പരാതി നല്‍കുമെന്നും ജിയോ അധികൃതര്‍ വ്യക്തമാക്കിയിട്ടുണ്ട്. വിവരങ്ങള്‍ ചോര്‍ന്നതിന്‍റെ പിന്നില്‍ ആരാണെന്ന് ഇനിയും തിരിച്ചറിഞ്ഞിട്ടില്ലെന്നും ഐപി അഡ്രസിന്റെ അടിസ്ഥാനത്തില്‍ വിവരങ്ങള്‍ പുറത്തുവിട്ടത് മുംബൈയില്‍നിന്നാണെന്ന് കണ്ടെത്തിയിട്ടുണ്ടെന്നും അധികൃതര്‍ വ്യക്തമാക്കി.

This Website Has Leaked Details of Reliance Jio Users in India

Multiple users in India have reported that a website called Magicapk has access to data of existing Reliance Jio users.