Kerala Budget 2017: എംടിയുടെ കഥകളിലൂടെ ഐസക്കിന്‍റെ ബജറ്റ് സഞ്ചാരം

തിരുവനന്തപുരം: കഴിഞ്ഞ വര്‍ഷത്തെ കേരള ബജറ്റ് അവതരണത്തിന് പൊലിപ്പേകാന്‍ ധനമന്ത്രി തോമസ് ഐസക് ഒഎന്‍വിയുടെ വരികളെ കൂട്ടുപിടിച്ചപ്പോള്‍ ഇത്തവണ നിറഞ്ഞുനിന്നത് മലയാളത്തിന്‍റെ പ്രിയ കഥാകാരന്‍ എംടി വാസുദേവന്‍ നായരുടെ കൃതികളും കഥാപാത്രങ്ങളും.

നോട്ട് നിരോധനത്തെ തുഗ്ലക്കിന്‍റെ പരിഷ്‍കാരത്തോട് ഉപമിച്ച എംടിയുടെ വാക്കുകള്‍ പരാമര്‍ശിച്ചുകൊണ്ടായിരുന്നു ബജറ്റിന്‍റെ തുടക്കം. നോട്ട് നിരോധനത്തിനെതിരായ പ്രതിരോധം തീര്‍ക്കാന്‍ കിഫ്ബി വഴി വന്‍തുക കണ്ടെത്തുമെന്ന പ്രഖ്യാപനത്തിന് നാലുകെട്ടിലെ അപ്പുണ്ണിയുടെ പ്രഖ്യാപനം കൂട്ടായി. കേരളത്തിലെ തടാകങ്ങളുടെ സംരക്ഷണത്തിന് പദ്ധതി പ്രഖ്യാപിച്ചപ്പോള്‍ ഉദ്ധരിച്ചത് എംടിയുടെ മഞ്ഞിലെ വരികള്‍.

ഭീരു, നാലുകെട്ട്, ഇരുട്ടിന്‍റെ ആത്മാവ്, രണ്ടാമൂഴം എന്നീ എംടി കൃതികള്‍ പലയിടത്തും പരാമര്‍ശിക്കപ്പെട്ടപ്പോള്‍ തകഴിയുടെ തോട്ടിയുടെ മകനും ഐസക്കിന്‍റെ ബജറ്റ് പ്രസംഗത്തില്‍ ഇടംകണ്ടു.

Thomas Isaac quotes MT Vasudevan Nair in Kerala Budget 2017

In a move to attack Sangh Parivar, finance minister T M Thomas Isaac lavishly quoted writer M T Vasudevan Nair in his budget speech.