കണ്ണാടിക്കാരിയ്ക്കായി സൗന്ദര്യ ടിപ്സ്!!

കണ്ണട വെയ്ക്കുന്നത് പ്രായം തോന്നിക്കും, സൗന്ദര്യം പോകും എന്നുള്ള തോന്നലുകളെല്ലാം സുന്ദരിമാര്‍ പണ്ടേ കാറ്റില്‍ പറത്തിയതാണ്. കണ്ണടയെ സ്റ്റൈല്‍ സ്റ്റേറ്റ്മെന്‍റാക്കി മാറ്റിയവരാണ് നമ്മുടെ പെൺകുട്ടികള്‍. സ്വന്തം സിഗ്നേച്ചര്‍ വരുന്ന രീതിയില്‍ മറ്റാര്‍ക്കുമില്ലാത്ത വ്യത്യസ്തമായ ഫ്രെയിമുകള്‍ തെരഞ്ഞെടുക്കാന്‍ പ്രത്യേക കഴിവ് തന്നെ വേണം. കണ്ണട ഉപയോഗിക്കുമ്പോള്‍ മറ്റു ചില കാര്യങ്ങള്‍ കൂടി ശ്രദ്ധിച്ചാല്‍ ലുക്ക് വ്യത്യസ്തമാക്കാം.

*കണ്ണിനടിയിലെ ഡാര്‍ക്ക് സര്‍ക്കിള്‍സ് കുറയ്ക്കാന്‍ അല്‍പ്പം നിറമുള്ള മോയിസ്ച്ചറൈസിങ് ക്രീം ഉപയോഗിക്കുക. അല്ലെങ്കില്‍ ഫ്രെയിമിന്‍റെ ഭംഗി മുഴുവനായും കിട്ടില്ല. കൺസീലറുകള്‍ ഉപയോഗിച്ച് കുറയ്ക്കുകയുമാവാം.

*ലിപ്സ്റ്റിക്കുകള്‍ വാങ്ങുമ്പോൾ കണ്ണടയുടെ ഫ്രെയിമിന്‍റെ നിറം കൂടി മനസ്സില്‍ കാണുക. അതിനനുസരിച്ചുള്ള നിറങ്ങള്‍ തെരഞ്ഞെടുക്കുക. ബ്രൗൺ നിറത്തിലുള്ള ലിപ്സ്റ്റിക് ക്ലാസ്സിക് ലുക് തരും. എന്നാല്‍ അത് കണ്ണടയുടെ നിറത്തിന് ചേരുമോ എന്ന് പരിശോധിച്ചതിന് ശേഷം ഉപയോഗിക്കണേ..

*പുരികം ത്രെഡ് ചെയ്യുമ്പോള്‍ കണ്ണടയുടെ ഫ്രെയിമിന് കൂടി ഇണങ്ങുന്ന തരത്തില്‍ ചെയ്യാന്‍ ശ്രദ്ധിക്കുക.

*ഐലൈനറും ഐഷാഡോകളും കണ്ണടുടെ നിറവുമായി ചേര്‍ന്ന് പോകണം. കോൺട്രാസ്റ്റ് നിറങ്ങള്‍ ട്രൈ ചെയ്യേണ്ടവര്‍ക്ക് അതുമാവാം. പക്ഷേ അതിനൊരു ഗഡ്‍സ് വേണം.

*മസ്കാര കണ്ണടയുടെ ചില്ലില്‍ തട്ടി പടരാന്‍ സാധ്യതയുണ്ട്. അതിനാല്‍ വാട്ടര്‍പ്രൂഫ് ഉപയോഗിക്കുക, അല്ലെങ്കില്‍ മസ്കാര ഉണങ്ങുന്നത് വരെ കണ്ണട വെയ്ക്കാതിരിക്കുക.

*കൺപീലികള്‍ ചില്ലില്‍ തട്ടാതിരിക്കാന്‍ ഐലാഷ് കേളര്‍ ഉപയോഗിക്കുക

Tips to enhance beauty in specs:
Tips to take care of while wearing specs.