പേടിപ്പെടുത്തുന്ന എന്നാൽ സുന്ദരിയായ വാൽപ്പാറ

എത്ര പോയാലും മതി വരാത്ത ഹരം പിടിപ്പിക്കുന്ന യാത്രയാണ് അതിരപ്പിള്ളി - വാഴച്ചാൽ വെള്ളച്ചാട്ടം. നിരവധി സിനിമകളാണ് എന്തിന് ബ്രഹമാണ്ഡ ചിത്രം 'ബാഹുബലി'യും അതിരപ്പിള്ളിയിൽ പിറന്നവയാണ്. വാഴച്ചാലിൽ ഫാമിലട്രിപ്പ് അവസാനിക്കുമെങ്കിലും ചെക്കപോസ്റ്റ് പിന്നിട്ടാൽ നല്ലൊരു യാത്രകൂടി ആസ്വദിക്കും. കുറച്ച് സാഹസികമാണ്. അതാണ് വാൽപ്പാറ-മലക്കപ്പാറ യാത്ര. ആനയും, മറ്റ് മൃഗങ്ങളും റോഡിലിറങ്ങാൻ സാധ്യതയുള്ള വനത്തിലൂടെയാണ് പോകേണ്ടത്.

പോകുന്ന വഴി കാട്ടുകോഴികളേയും സിംഹവാലൻ കുരങ്ങുകൾ, മാൻ, വേഴാമ്പൽ, ധാരാളം പക്ഷികളേയും കാണാം. മലക്കപ്പാറയിൽ എത്തിയാൽ ടീ ബ്രേക്കിനുള്ള സൗകര്യമുണ്ട്. ചെക്ക് പോസ്റ്റിൽ ഇൻഫോർമേഷൻ നൽകിയതിന് ശേഷം ഷോളയാർ ഡാം വിസിറ്റ് ചെയ്ത് തണുത്ത വെള്ളത്തിൽ കുളിയും പാസാക്കാം. മലക്കപ്പാറയിൽ നിന്നും 28 കി.മീറ്ററാണ് വാൽപ്പാറയിലേക്ക്.

അടുത്തത് ആളിയാർ ഡാമിലേക്കുള്ള രസകരമായ യാത്ര. ജൂൺ ജൂലായ് മാസങ്ങളാണ് പ്രധാന സീസൺ. ഈ മാസങ്ങളിൽ മലക്കപ്പാറ എപ്പോഴും കോടമഞ്ഞിനാൽ പൊതിഞ്ഞിരിക്കും. ആദിവാസി വിഭാഗങ്ങളുടെ ഉൽസവങ്ങളും ഈ മാസങ്ങളിലാണ് . ഇവരുടെ കലാപരിപാടികളും ഉണ്ടാവും. മലക്കപാറയിൽ ഹോം സ്റ്റേ ലഭ്യമാണ്.