കൊട്ടാരവും വൃ‌ന്ദാവനവും മാത്രമല്ല മൈസൂ‍ർ

നവരാത്രി അവധി ദിനങ്ങൾ എത്തുകയാണ്. ഇൗ ദിവസങ്ങളിൽ മുൻകൂട്ടി താമസ സൗകര്യവും മറ്റും ഒരുക്കിയാൽ യാത്ര ചെയ്യാവുന്ന സ്ഥലമാണ് മൈസൂ‍ർ. മൈസൂർ ദസറയും മറ്റ് വിനോദ സഞ്ചാര സ്ഥലങ്ങളും ഇൗ യാത്രയിൽ ആസ്വദിക്കാം.

സഞ്ചാരികളെ അത്ഭുതപ്പെടുത്തുന്ന നിരവധി കൊട്ടാരങ്ങളാണ് മൈസൂരിലെ പ്രധാന ആകര്‍ഷണം. ചാമുണ്ഡി മല, ബൃന്ദാവന്‍ ഗാര്‍ഡന്‍, മൈസൂര്‍ മൃഗശാല, ആര്‍ട്ട് ഗാലറി, ലളിതമഹല്‍ കൊട്ടാരം, സെന്റ് ഫിലോമിനാസ് ചര്‍ച്ച്, കാരഞ്ചി തടാകം, രംഗനതിട്ടു പക്ഷിസങ്കേതം, ജയലക്ഷ്മി കൊട്ടാരം, റെയില്‍ മ്യൂസിയം, കുക്കരഹള്ളി തടാകം എന്നിവയാണ് മൈസൂരിലെ മറ്റ് പ്രധാന കാഴ്ചകള്‍.

മൈസൂര്‍ നഗരത്തില്‍ നിന്നും ഏകദേശം എട്ട് കിലോമീറ്റര്‍ ദൂരെയായാണ് ചാമുണ്ഡി ഹില്‍സ് സ്ഥിതി ചെയ്യുന്നത്. ടിബറ്റുകാരുടെ കുടിയേറ്റസ്ഥലമാണ് ബൈലക്കുപ്പയും ഒരു ടൂറിസ്റ്റ് കേന്ദ്രമാണ്. തലക്കാവേരി പോലെ തന്നെ പ്രശസ്തമായ ഒരു ടൂറിസ്റ്റ്കേന്ദ്രമാണ് ഭാഗമണ്ഡല. മൂന്ന് നദികളുടെ സംഗമമാണ് ത്രിവേണി സംഗമം ഇവിടെയാണ്. മൈസൂ‌രില്‍ നിന്ന് 78 കിലോമീറ്റര്‍ അകലെയായാണ് ശിവാന സമുദ്രയെന്ന പിക് നിക് സ്പോട്ട്. കാവേരിയുടെ തീരങ്ങളില്‍ നിന്നുള്ള പ്രകൃതി ദൃശ്യങ്ങളാൽ മനോഹരമാണ് തലക്കാട്. ഇങ്ങനെ നിരവധി സ്ഥലങ്ങൾ നിങ്ങൾക്ക് മൈസൂർ യാത്രയിൽ കൂട്ടിച്ചേർക്കാവുന്നതാണ്