ബൈക്കിൽ രാത്രി വാഗമണിലേക്ക്...

വാഗമണിലേക്ക് രാത്രി ഒരു ബൈക്ക് റൈഡ്. രാത്രി വാഗമണില്‍ തങ്ങണം. ഹോട്ടല്‍ മുറിയില്‍ അല്ല, ഏതെങ്കിലും കുന്നിന് മുകളില്‍. അതാണ് പ്രകൃതിയെ അടുത്തറിയാനുള്ള ഏറ്റവും നല്ല വഴി. കൊച്ചിയില്‍ ഇന്‍റീരിയര്‍ ഡിസൈനറായ ഹരികൃഷ്‍ണന്‍ പറയുന്നു.



കൊച്ചിയില്‍ നിന്ന് രണ്ടര മണിക്കൂറിനുള്ളില്‍ വാഗമണ്‍ എത്താം. രാത്രിയാണെങ്കില്‍ ട്രാഫിക് കുറവാണ്.



ഇലവീഴാപൂഞ്ചിറ - വാഗമണ്‍ റൂട്ടിലാണ് ഒരുപാട് അത്ഭുതങ്ങളുള്ളത്. ഇവിടെ പ്രകൃതിക്ക് പ്രത്യേക സൗന്ദര്യമാണ്.



മലമുകളില്‍ വലിഞ്ഞുകയറിയാല്‍ രാത്രി നക്ഷത്രങ്ങള്‍ പൂത്തുനില്‍ക്കുന്ന ആകാശംകാണാം. നക്ഷത്രങ്ങള്‍ ക്യാമറയില്‍ പതിയാന്‍ പ്രയാസമാണ്. മനസില്‍ തന്നെ പതിപ്പിക്കണം. ​ നക്ഷത്രങ്ങളെപ്പോലെ മറ്റൊരു മോഹക്കാഴ്‍ച്ച മണ്ണിലാണ്. ദൂരെ, പട്ടണത്തില്‍ നിന്നുള്ള വെളിച്ചം. രാവെറെ ചെല്ലുമ്പോഴും ആ പ്രകാശം അങ്ങനെ തന്നെ നില്‍ക്കും.

​ വാഗമണ്ണിലെ കോടമഞ്ഞ് പ്രഭാതം... Video: Hari Krishnan #Wagamon #Vagamon #Travel #SamayamMalayalam pic.twitter.com/yhzST4l7hH — Samayam Malayalam (@SamayamM) September 11, 2017

രാവിലെ മയക്കം വിട്ട് പ്രകൃതിയും ഉണരും. ഒഴുകി അകലുന്ന കോടമഞ്ഞ്. തണുത്ത കാറ്റ്. ദൈവത്തിന്‍റെ ചിരിയുള്ള പൂക്കള്‍. ആകെ വിവരിക്കാനാകാത്ത ഭംഗി.



തിരികെ വരും വഴി മൂലമറ്റം കനാലില്‍ ഇറങ്ങിക്കുളിക്കാം. ഇടുക്കി ഡാമില്‍ നിന്ന് വരുന്ന തണുത്ത വെള്ളമാണ് കനാലില്‍.



മൂന്നിടങ്ങളില്‍ നിന്ന് ഒഴുകിയെത്തുന്ന വെള്ളം ഒന്നിക്കുന്നതും മൂലമറ്റം കനാലില്‍ തന്നെയാണ്. ഇടുക്കി ഡാമില്‍ നിന്ന് ഒഴുകുന്ന വെള്ളത്തിനൊപ്പം മലകളില്‍ നിന്നാണ് മറ്റു രണ്ടു നിര്‍ച്ചാലുകളും ഒഴുകുന്നത്.

Night Bike ride to Vagamon

Photos of night bike ride to Vagamon from Kochi.