ലോക്കഡൗണ് കഴിഞ്ഞ് തുറക്കുമ്പോള് പുത്തന് പദ്ധതികളാണ് പാരീസില് ആവിഷകരിക്കപ്പെടാന് പോകുന്നത്. നഗരത്തിന്റെ ഭാവിയുമായി ബന്ധപ്പെട്ട് നിരവധി പദ്ധതികള് അധികാരികള് ആസൂത്രണം ചെയ്യുന്നുണ്ട്. കൊവിഡ് 19 ന് ശേഷം നഗരം വീണ്ടും തുറക്കുമ്പോള് ഇക്കാര്യങ്ങളില് പ്രത്യേകം ശ്രദ്ധയൂന്നും. ഈ വൈറസ് പൊട്ടിപ്പുറപ്പെട്ടതോടെ നമ്മുടെ ലോകത്തെക്കുറിച്ച് മാനവികതയെ വളരെയധികം പഠിപ്പിച്ചിട്ടുണ്ട്. ലോകം മുഴുവന് ലോക്ക്ഡൗണിലേക്ക് പോയപ്പോള് അതിശയിപ്പിക്കുന്ന മാറ്റങ്ങളാണ് പ്രകൃതിയില് സംഭവിച്ചത്. വായു മലിനീകരണത്തിന്റെ തോത് നന്നായി കുറഞ്ഞു. വന്യ മൃഗങ്ങള്ക്ക് അവയുടെ ആവസവ്യവസ്ഥകളിലേക്ക് മടങ്ങിയെത്താന് കഴിഞ്ഞു. ഇങ്ങനെ പോകുന്നു കാര്യങ്ങള്.
പാരീസിന്റെ പദ്ധതികള്
വാഹനങ്ങള് കൂടുതലായി പുറത്തിറങ്ങി അന്തരീക്ഷത്തെ മലിനമാകുന്നത് നല്ലൊരു പരിധി വരെ ലോക്ക്ഡൗണ് കാലത്ത് കുറഞ്ഞിരുന്നു. പാരീസിലും സ്ഥിതി മറ്റൊന്നായിരുന്നില്ല. ലോക്ക്ഡൗണ് മാറ്റിയതിന് ശേഷം പാരീസ് ചില പദ്ധതികള് ആസൂത്രണം ചെയ്യുന്നുണ്ട്. ചില തീരുമാനങ്ങളും എടുത്തിട്ടുണ്ട്. കൂടുതല് കാല്നടയാത്രകളെയും സൈക്കിള് സവാരിയെയും പ്രോത്സാഹിപ്പിക്കുന്നതാണ് ഇതില് പ്രധാനമായ കാര്യം. ലോക്ക്ഡൗണ് സമയത്ത് അവര് അവതരിപ്പിച്ച മലിനീകരണ വിരുദ്ധ, തിരക്ക് വിരുദ്ധ നടപടികള് നിലനിര്ത്താന് പാരീസിലെ അധികാരികള്ക്ക് താല്പ്പര്യമുണ്ടെന്ന് മേയര് ആന് ഹിഡാല്ഗോ ഒരു പ്രസ്താവനയില് പറഞ്ഞിട്ടുണ്ട്. വരും ദിവസങ്ങളിലും ഇത് നിലനിര്ത്തേണ്ടത് പ്രധാനമാണെന്ന് മേയര് കരുതുന്നുണ്ട്.
Also Read: കേദാര്നാഥ് സന്ദര്ശിക്കാന് ഇപ്പോള് ആര്ക്കെക്കെ അനുവാദമുണ്ട്
ഇപ്പോള് ഭീതി പടര്ത്തുന്ന കൊവിഡ് 19നെക്കാള് മാരകമായ പ്രശ്നമാണ് നഗരങ്ങള് നേരിടുന്നത്. ആന്റീ കാര് പ്രോഗ്രാമിംഗ് അടക്കമുള്ള കാര്യങ്ങള് ലോക്ക്ഡൗണ് എടുത്തു മാറ്റിയാലും തുടരാനുള്ള ആലോചനകളുണ്ട്. വരും ദിവസങ്ങളില് നഗര വീതികളെ കൂടുതല് കാല്നട സൗഹൃദവും സൈക്കിള് സൗഹൃദവും ആക്കും. റിപ്പോര്ട്ടുകള് പ്രകാരം പാരീസിലെ രൂ ഡി റിവോലി എന്ന റോഡില് വേനല്ക്കാലത്ത് കാറുകള്ക്ക് പ്രവേശനമുണ്ടാവില്ല. മൂന്ന് കിലോമീറ്റര് നീളമുള്ള റോഡാണിത്. ആദ്യം പരീക്ഷണാടിസ്ഥാനില് നടപ്പിലാക്കും. വിജയം കണ്ടാല് സ്ഥിരമായി ഇങ്ങനെയായിരിക്കും.
ലോക്ക്ഡൗണ് കാലത്ത് വാഹനങ്ങള് പുറത്തിറങ്ങാത്ത്ത് അന്തരീക്ഷ മലിനീകരണം നന്നായി കുറച്ചിട്ടുണ്ട്. അതിനാല് വരും ദിവസങ്ങളില് സൈക്കിള് റൈഡുകള്ക്ക് പ്രാധാന്യം നല്കാനാണ് തീരുമാനം. ഇതിനായി പ്രത്യേകം റോഡുകള് സജ്ജീകരിക്കും. ഒപ്പം ആള്ക്കാരെ ബോധവാന്മാരാക്കാനും ശ്രമങ്ങള് നടത്തും.