ആദര്ശ് വിശ്വനാഥ് 'ബാഹുബലി' സിനിമയില് രാജഭരണകാലവും ഗ്രാഫിക്സില്തീര്ത്ത വിസ്മയനിര്മ്മിതികളും അതിലെ മനുഷ്യരുടെ അമാനുഷികപ്രകടനങ്ങളും കണ്ട് നാമോരോരുത്തരും അത്ഭുതപ്പെട്ടിട്ടുണ്ടാവാം. എന്നാല് അതില്പലതും തീര്ത്തും, അസംഭവ്യമെന്നും അമാനുഷികമെന്നും തള്ളിക്കളയാന് കഴിയില്ലെന്നുമനസ്സിലാവും തമിഴ്നാട്ടില് തഞ്ചാവൂരിലെ ബൃഹദീശ്വരക്ഷേത്രമെന്ന (Thanjavur Brihadisvara Temple) വിസ്മയനിര്മ്മിതിക്ക് ചുവട്ടില് നില്ക്കുമ്പോള്.. കൂടുതലറിയുമ്പോള് ഒരുപക്ഷേ ബാഹുബലികള് തന്നെ ജീവിച്ചിരുന്നിട്ടുണ്ടാവാം പുരാതനഭാരതത്തിലെന്ന് വിശ്വസിക്കേണ്ടിയും വന്നേക്കും.
ബൃഹദീശ്വരക്ഷേത്രം അഥവാ തഞ്ചാവൂര് പെരിയകോവില്.. രാജരാജേശ്വരക്ഷേത്രമെന്നും, പെരുവുടയോര് കോവിലെന്നും, ദക്ഷിണമേരുവെന്നുമൊക്കെ അറിയപ്പെടുന്നു. The GREAT Living Chola Temples ല് ഒന്നാണിത്. കാവേരിതടവും ചോളസാമ്രാജ്യവുമായി അഭേദ്യമായ ബന്ധമാണുള്ളത്. അടുത്തിറങ്ങിയ മണിരത്നത്തിന്റെ ചരിത്രസിനിമ 'പൊന്നിയിന് സെല്വന്' കണ്ടവര്ക്ക് ചോളരാജകഥകളേറെ അറിയാമായിരിക്കും. (തഞ്ചാവൂരിന് കാവേരി 'പൊന്നി' -യാണ്. സെല്വന് - പുത്രന്. പൊന്നിയിന് സെല്വനെന്നാല് 'കാവേരിയുടെ പുത്രന്' - അരുള്മൊഴിവര്മ്മനെന്ന രാജരാജചോളന്)
പതിനൊന്നാംനൂറ്റാണ്ടില് AD 1003-1015 -കാലത്ത് ചോളരാജവംശത്തിലെ ചക്രവര്ത്തി രാജരാജചോളന്, കാവേരിയുടെ തെക്കേക്കരയില് പണികഴിപ്പിച്ച് പരമശിവന് സമര്പ്പിച്ചതാണ് ഇന്ത്യയിലെത്തന്നെ ഏറ്റവും വലിയ ക്ഷേത്രനിര്മ്മിതികളിലൊന്നായ ഈ തമിഴ് വാസ്തുവിദ്യാവിസ്മയം. കുഞ്ചരമല്ലന് രാജരാമപെരുന്തച്ചനെന്ന വാസ്തുശില്പ്പിയത്രെ ഇത് രൂപകല്പ്പന ചെയ്തത്. ഏകദേശം 12 വര്ഷംകൊണ്ടാണ് നിര്മ്മാണം പൂര്ത്തിയായത്. പിന്നീട് ഒട്ടേറെ കൂട്ടിച്ചേര്ക്കലുകളുമുണ്ടായി. അനേകലക്ഷം മനുഷ്യാധ്വാനവും നൂറുകണക്കിന് ആനകളും കുതിരകളും ഇതിനായി രാപ്പകലില്ലാതെ പ്രവര്ത്തിച്ചത്രെ.
Also Read: Haunted Places | ദൈവത്തിന്റെ സ്വന്തം നാട്ടിലെ നിഗൂഢവും ഭീതിപ്പെടുത്തുന്നതുമായ ഇടങ്ങള്!
പുരാതനഭാരതത്തിലെ ഏറ്റവും ഉയരംകൂടിയ ക്ഷേത്രഗോപുരം ഇവിടെയാണ്. വിമാനമെന്നാണ് ഇതിനെ വിളിക്കുന്നത്. 66 മീറ്റര് (208 അടി) ഉയരമുള്ള ഗോപുരം 16 നിലകളിലാണ്. ഇതിനുള്ളിലാണ് രണ്ടുനില പൊക്കത്തില് ഏറ്റവുംവലിയ ഒറ്റക്കല്ശിവലിംഗം (29 അടി) പ്രതിഷ്ഠിച്ചിരിക്കുന്നത്. ബൃഹദീശ്വരക്ഷേത്ര സമുച്ചയത്തിന് അഞ്ച് പ്രധാനഭാഗങ്ങളുണ്ട്. ശ്രീവിമാനത്തോടുകൂടിയ, ശിവലിംഗപ്രതിഷ്ഠയുള്ള ശ്രീകോവില് (ഗര്ഭഗൃഹം), അതിനുമുന്വശത്ത് നന്ദിമണ്ഡപം. അതിലാണ് ഒറ്റക്കല്ലിലെ ഭീമാകാരമായ ശിവവാഹനപ്രതിഷ്ഠ (നന്ദി).
ശ്രീകോവിലിനും നന്ദിമണ്ഡപത്തിനും ഇടയില് സ്ഥിതിചെയ്യുന്ന മുഖമണ്ഡപവും തുടര്ന്ന് മഹാസദസ്സായ മഹാമണ്ഡപവും. അവസാനം ശ്രീകോവിലിനെയും മഹാമണ്ഡപത്തെയും ബന്ധിപ്പിക്കുന്ന അന്തരാളം എന്നഭാഗവും. പരിക്രമചടങ്ങുകള്ക്കായി, മുറ്റത്തിന് 450 മീറ്റര് ചുറ്റളവുള്ള തൂണുകളുള്ള വരാന്തയുമുണ്ട്. സമുച്ചയത്തില് നന്ദി, പാര്വതി, മുരുകന്, വിനായഗര്, സഭാപതി, ദക്ഷിണാമൂര്ത്തി, ചണ്ഡികേശ്വര്, വരാഹി എന്നീങ്ങനെ അനേകം ഉപദേവാലയങ്ങളും 108 ശിവലിംഗങ്ങളും ഉള്പ്പെടുന്നു.
ക്ഷേത്രത്തിലേക്കുള്ള പ്രധാനകവാടങ്ങള് കിഴക്ക്ഭാഗത്താണ്. ആദ്യത്തേതിനെ കേരളതങ്കന് തിരുവാസല് എന്നുവിളിക്കുന്നു. കേരളത്തിലെ ചേരസാമ്രാജ്യത്തെ പരാജയപ്പെടുത്തിയതിന്റെ ഓര്മ്മക്കാണിത്. അതിനുമുന്നിലാണ് രാജരാജന് തിരുവാസല് എന്നറിയപ്പെടുന്ന അകത്തെമുറ്റത്തെ ഗോപുരം. മനോഹരമായ കൊത്തുപണികളാല് സമ്പന്നമാണ് ഇവിടത്തെ ഓരോശിലയും.
മുകള്നിലയിലെ ഇടനാഴിയുടെ ഭിത്തിയില് നാട്യശാസ്ത്രത്തിന്റെ 108 നൃത്തകരണങ്ങളില് 81എണ്ണം കൊത്തിവച്ചിട്ടുണ്ട്. ഇവയത്രെ ഭരതനാട്യത്തിന്റെ അടിസ്ഥാനം! ബാക്കി 27 നൃത്തകരണങ്ങള് ശൂന്യമായ കല്ലുകളാണ്. എന്തുകൊണ്ടാണ് ഇവ കൊത്തിയെടുക്കാത്തതെന്ന് വ്യക്തമല്ല. ക്ഷേത്രചുവരുകളില് തമിഴ്, സംസ്കൃതലിപികളില് നിരവധി ലിഖിതങ്ങളുണ്ട്. അകത്തളങ്ങളില് പ്രകൃതിദത്തനിറങ്ങളിലുള്ള ഏറെ ചുമര്ചിത്രങ്ങളും.
ഒട്ടേറെ അവിശ്വസനീയമായ കാര്യങ്ങള് ഈ ക്ഷേത്രത്തിലുണ്ട്. ഇത്രയുംവലിയ ഗോപുരംനിര്മ്മിക്കാന് പാറക്കല്ലുകള്മാത്രമാണ് ഉപയോഗിച്ചിരിക്കുന്നത്. സിമന്റ്/പശ/മണല് തുടങ്ങിയൊന്നും കല്ലുകളെ ബന്ധിപ്പിക്കാന് ഉപയോഗിച്ചിട്ടില്ല. പകരം ഇന്റര്ലോക്ക് - പസില് ടെക്നിക്കാണ് ഉപയോഗിച്ചിട്ടുള്ളത്. ഇത്രയും ഉയരമുള്ള ഗോപുരത്തിന്റെ മുകളിലെ കുംഭം (Cap-stone) 80 ടണ് - 80,000 കിലോ ഭാരമുള്ള ഒറ്റക്കല്ലില് കൊത്തിയെടുത്തതാണ്. പീഠം മറ്റൊരു 25 ടണ്. ഇതെങ്ങനെ ഉയര്ത്തി അവിടെയെത്തിച്ചുവെന്നത് ഇന്നും അജ്ഞാതമാണ്. അതും ക്രെയിനും സാങ്കേതികവിദ്യയും, വൈദ്യുതിയുമൊന്നുമില്ലാത്ത അക്കാലത്ത്!
ക്ഷേത്രപ്രവേശന കവാടത്തിലെ നന്ദിപ്രതിമയും ഒറ്റപ്പാറയില് കൊത്തിയെടുത്തതാണ്. ഇതിന് 20 ടണ് ഭാരമുണ്ട്. ക്ഷേത്രത്തിലെ തൂണുകളോരോന്നും ടണ്കണക്കിന് ഭാരമുള്ളതും അണുവിടതെറ്റാതെ കൃത്യമായി മുറിച്ചെടുത്തതുമാണ്. 1,30,000 ടണ് കരിങ്കല്ല് ക്ഷേത്രനിര്മ്മാണത്തിന് ഉപയോഗിച്ചതായി കണക്കുകൂട്ടിയിരിക്കുന്നു. അത്ഭുതമെന്തെന്താല്, ഇത്തരം കരിങ്കല്ലിന്റെ ഒരു ക്വാറിപോലും ക്ഷേത്രത്തിന്റെ നൂറുകിലോമീറ്റര് ചുറ്റളവിലില്ല.
Also Read: 'മരണത്തിലേക്കുള്ള ചുവടുവയ്പ്പുകള്', ലോകത്തിലെ ഏറ്റവും ഡെഡ്ലി ഡെയിഞ്ചറസ് സ്പോട്ടുകള്!
മാത്രമല്ല ഇത്രയും നിര്മ്മാണം നടക്കുമ്പോഴുണ്ടാവുന്ന വേസ്റ്റ് കല്ലുകള് എവിടെയെന്ന് ഇനിയും കണ്ടെത്തിയിട്ടില്ല. ശിവലിംഗവും നന്ദിയും നിര്മ്മിച്ചതിനു സമാനസ്വഭാവമുള്ള ഗ്രാനൈറ്റ്കല്ലുകള് ഗുജറാത്തിലെ സൗരാഷ്ട്രമേഖലയിലാണ് കാണപ്പെടുന്നതത്രെ. 2100km അകലെ. വാഹനങ്ങളില്ലാതിരുന്ന കാലത്ത് ഇത്രഭാരമുള്ള കല്ലുകള് എങ്ങിനെയാവും എത്തിച്ചിരിക്കുക? ഉത്തരമില്ല. ഇത്രവലിയ നിര്മ്മിതിക്ക് കാര്യമായ അടിത്തറയില്ല എന്നതാണ് മറ്റൊരത്ഭുതം.
ഇത് സാധാരണപ്രതലത്തില് ഉറപ്പിച്ചിരിക്കുകയാണ്. നിര്മ്മിതിയുടെ ആകെഭാരവും കോണളവുകളും നല്കുന്ന ഗ്രാവിറ്റി തന്നെയാണ് ഇതിന് ഉറപ്പുനല്കുന്നത്. 1000 വര്ഷമായിട്ടും പേമാരിക്കും കൊടുങ്കാറ്റിനും ഭൂകമ്പങ്ങള്ക്കും കീഴ്പ്പെടുത്താനാവാത്ത വാസ്തുവിദ്യാ വൈദഗ്ദ്ധ്യം (Architectural Brilliance). ഇത് നിര്മ്മിച്ച് 1000 വര്ഷത്തിനുശേഷവും ഈ നിര്മ്മിതിക്ക് '0' ഡിഗ്രി ചരിവാണ് രേഖപ്പെടുത്തിയിട്ടുള്ളത്. പാശ്ചാത്യലോകത്തെ പ്രമുഖനിര്മ്മിതികള്ക്കൊന്നും അവകാശപ്പെടാനില്ലാത്ത നേട്ടം.
ക്ഷേത്രത്തിന്റെ നിഴലുമായി ബന്ധപ്പെട്ടാണ് മറ്റൊരു രസകരമായ കാര്യം. നിഴല്വീഴാത്ത ക്ഷേത്രമെന്നാണ് വിശ്വാസം. സൂര്യന് മുകളിലെത്തുന്ന നേരത്ത് ക്ഷേത്രത്തിന് നിഴല് ഉണ്ടാവില്ല. കിഴക്കോട്ട് ദര്ശനമായ ക്ഷേത്രത്തിന്റെ മുകളിലേക്ക് ചെറുതാവുന്ന ചരിവ് കാരണം നിഴല് ക്ഷേത്രചത്വരത്തിനുള്ളില് ഒതുങ്ങുന്നതാണ് കാരണം.
ഈ അത്ഭുതങ്ങള് കാരണം ഇതിന്റെ നിര്മ്മാണത്തിനുപിന്നില് അന്യഗ്രഹജീവികളാണെന്നുവരെ ചിലര് വിശ്വസിക്കുന്നു. എന്തായാലും 80 ടണ്ണിന്റെ ഒറ്റപാറ കൊത്തിയെടുത്ത് മുകളിലെത്തിച്ചത് അത്ഭുതമല്ലാതെ മറ്റൊന്നല്ല. 45 ഡിഗ്രി ചരിവില് 5 കിലോമീറ്റര്നീളത്തില് റാംപ് നിര്മ്മിച്ച് അനേകം ആനകളാല് കല്ലുകള് വലിച്ചുകയറ്റിയതാകാമെന്നൊക്കെ ഗവേഷകര് പറയുന്നു.
യുനെസ്കോ ലോകപൈതൃകപട്ടികയില് ഉള്പ്പെടുത്തിയിട്ടുള്ള ഈ വിസ്മയം ഇന്ന് ആര്ക്കിയോളജിക്കല് സര്വ്വെ ഒഫ് ഇന്ത്യയുടെ കീഴില് സംരക്ഷിതസ്മാരകമാണ്. ഇത്രയൊക്കെയായിട്ടും ഏഴ് ലോകാത്ഭുതങ്ങളില് ബൃഹദീശ്വരക്ഷേത്രം എങ്ങിനെ ഉള്പ്പെടാതെപോയെന്നത് മറ്റൊരത്ഭുതമാണ്.
നമുക്ക് നമ്മുടെ ദ്രാവിഡപൈതൃകത്തില് അഭിമാനംതോന്നാന് അല്പനേരം ഇതിനുമുന്നില് ഇരുന്നാല്മതി. അതിനാല് നിശ്ചയമായും കണ്ടിരിക്കേണ്ട ഒന്നാണീക്ഷേത്രം. വെറുതെ ഫോട്ടോയെടുത്ത് കണ്ടുപോവുകയല്ല, അതെപ്പറ്റി മനസ്സിലാക്കുകയും വേണം. താജ്മഹലും കുത്തബ്മിനാറുമൊക്കെ നിശ്ചയമായും ഇതിനുകീഴെയേവരൂ എന്ന് മനസ്സിലാവും.
ഇവിടെ നിന്ന 80 km അകലെയുള്ള ഗംഗൈകൊണ്ടചോളപുരം ക്ഷേത്രവും ഏകദേശം തഞ്ചാവൂര്ക്ഷേത്രത്തോട് കിടപിടിക്കുന്ന നിര്മ്മിതിയാണ്. ഇത് തഞ്ചാവൂര് ക്ഷേത്രത്തിന്റെ സ്ത്രീലിംഗമായി കണക്കാക്കുന്നു. 60 km അപ്പുറം കുഭകോണത്തടുത്ത് ദാരാസുരത്ത് ഒരു ഐരാവതേശ്വരക്ഷേത്രമുണ്ട്. അതും അതിഗംഭീരമാണ്. പിന്നെ ശ്രീരംഗംക്ഷേത്രവും, ചിദംബരം തില്ലെനടരാജക്ഷേത്രവും മനോഹരനിര്മ്മിതികളാണ്. ക്ഷേത്ര വാസ്തുവിദ്യകളില് (Temple Architecture) താല്പ്പര്യമുള്ളവര്ക്ക് പോയാല് എനന്തുക്കൊണ്ടും അുയോജ്യമായയിടമാണ്.
തഞ്ചാവൂര് യാത്ര സംബന്ധമായി ചില കാര്യങ്ങള്
ഞാന് തിരുവനന്തപുരത്ത് നിന്നാണ് യാത്രതിരിച്ചത്. കാറില് നടത്തിയ യാത്രിയില് വണ്സൈഡില് 515 കി.മീ എടുത്തു. സമാധാനമായി ഡ്രൈവ് ചെയ്താല് 12 മണിക്കൂറെടുക്കും. അതിനാല് ഇടക്കൊരു താമസം നല്ലതാണ്. ഞങ്ങള് മധുരയില് താമസിച്ചു. അവിടെയും ധാരാളം കാണാനുണ്ട്. ട്രെയിനിലോ ബസിലോ പോയാലും സുഖമായെത്താം.
തിരുവനന്തപുരം ഭാഗത്തുനിന്ന് പോകാന് തിരുനെല്വേലിറൂട്ടാണ് നല്ലത്. 4 ലൈന് ഹൈവേയാണ് മുഴുവന്. പക്ഷേ മൊത്തം ടോള് ഗേറ്റുകളാണ്. ടോളിന് മാത്രം, മടക്കയാത്രയടക്കം ഏകദേശം 1200/ രൂപയായി. കാറില് പോകുന്നവര് ഫാസ്റ്റാഗ് 1500/ എങ്കിലും ചാര്ജ്ചെയ്യുക. പിന്നെ രാത്രിയായാല് വിജനമായ വഴികളാണ് ഇതെന്ന് ഓര്ക്കുക.
Also Read: Adults Only Hotels | മുതിര്ന്നവര്ക്ക് മാത്രമുള്ള ഇന്ത്യന് ഹോട്ടലുകള്, കുട്ടികളെ കൂടെ കൂട്ടാന് പറ്റില്ല!
സമയവും താല്പ്പര്യവുമുണ്ടെങ്കില് ഇടക്ക്കയറികാണാന് ഒരുപാട് സ്ഥലങ്ങളുണ്ട്. തിരുനല്വേലി, മധുര, തിരുച്ചിറപള്ളി, ശ്രീരംഗം, ചിദംബരം, ശിവഗംഗ, കുംഭകോണം, അല്പം വഴിമാറിയാല് പോണ്ടിച്ചേരി, വേളാങ്കണ്ണി, രാമേശ്വരം അങ്ങനെ, അങ്ങനെ..
റൂമുകള് ഓണ്ലൈന് ബുക്ക്ചെയ്താല് നല്ലതാണ്. സ്വന്തം വാഹനമുണ്ടെങ്കില് ക്ഷേത്രത്തിനടുത്ത് തന്നെ റൂം എടുക്കണമെന്നില്ല. കാരണം ചാര്ജ് കൂടും. വേനക്കാലങ്ങളില് രാത്രിയും ചൂടായതിനാല് എസി റൂം എടുക്കുന്നതാവും അഭികാമ്യം (സീസണനുസരിച്ച്). തഞ്ചാവൂര് മറ്റു തമിഴ്നഗരങ്ങളെക്കാള് നല്ലവൃത്തിയുള്ള സിറ്റിയാണ്. യാത്രാസൗകര്യങ്ങളുമുണ്ട്.
ക്ഷേത്രത്തില് യാതൊരു ഡ്രസ്കോഡും ഇല്ല. ചെരുപ്പ്മാത്രം ഊരിവക്കണം. മൊബൈല് ഫോണ് അകത്തുകൊണ്ടുപോകാം. നടയിലൊഴികെ ഫോട്ടോയെടുക്കാന് നിയന്ത്രണമില്ല. ഗൈഡിന്റെ സേവനംകിട്ടും, പക്ഷേ ആദ്യമേ റേറ്റുപറഞ്ഞ് ഉറപ്പിക്കുക. ക്ഷേത്രത്തെപറ്റി ഒന്ന് വായിച്ചുപഠിച്ചിട്ടുപോയാല് കൂടുതല് ആസ്വദിക്കാം.
6.00 AM - 12.30 വരെയും 4.00 PM - 8.30 ആണ് സന്ദര്ശന സമയം. രാത്രി നല്ലലൈറ്റിംഗ് ഒക്കെ ചെയ്ത് അലങ്കരിച്ചരിക്കുന്നത് നല്ല കാഴ്ചയാണ്. കഴിവതും ഇവിടെ രണ്ടുനേരം കയറാന് നോക്കണം. ഒരുദിവസം സന്ധ്യക്ക് ചെന്ന് ലൈറ്റിങ്ങിലും കാണണം, പിന്നെ പിറ്റേന്നു രാവിലെ പകല്വെളിച്ചത്തിലും. രണ്ടും രണ്ട് വൈബാണ്. ഏതാണ് കിടിലമെന്ന് പറയാന്പറ്റുന്നില്ല. എന്തായാലും ഉച്ചക്ക് പോയാല് നല്ലചൂടാണ്. കല്നടപ്പാതകള് വെയിലത്ത് ചുട്ടുപഴുത്ത് കിടക്കുകയാവും. നടന്നാല് കാലുപൊള്ളും.
തഞ്ചാവൂര് സന്ദര്ശനത്തില് ക്ഷേത്രംകൂടാതെ മറാത്തപാലസെന്ന രാജകൊട്ടാരവും, സരസ്വതിമഹല് ലൈബ്രറിയും ഉള്പ്പെടുത്തുക. പറ്റിയാല് കാവേരിനദിയും കാണുക.
തഞ്ചാവൂര് രുചിപ്പെരുമ പ്രശസ്തമാണ്. തനതു തമിഴ് വെജ് വിഭവങ്ങള് സ്വാദിഷ്ടമാണ്. കൂടാതെ അവിടത്തെ ചെട്ടിനാട് നോണ്-വെജ് കിടിലനാണ്. ടൗണില് പട്ടുക്കോട്ടെ കാമാച്ചിമെസ്സിലെ എട്ടുപത്ത് നോണ്വെജ് കറികള്ചേര്ന്ന ചെട്ടിനാട് മീല്സ് ഒരൊന്നൊന്നര സംഭവമാണ്. പിന്നെ കണ്ണപ്പാ ഹൈക്ലാസ് ഹോട്ടലും ചെട്ടിനാടന് വിഭവങ്ങള്ക്ക് അടിപൊളിയാണ്.
തഞ്ചാവൂര് പെയിന്റിങ്ങുകള് ലോകപ്രശസ്തമാണ്. മറ്റൊന്ന് തഞ്ചാവൂര്പാവകളാണ് (Dancing Doll). സംഗീതോപകരണങ്ങള്, തമിഴ്സ്റ്റെല് തഞ്ചാവൂര് സാരികള് എന്നിവയൊക്കെ സുവനീറായി വാങ്ങി സൂക്ഷിക്കാം.
തിരികെവരുമ്പോള് കഴിയുന്നത്ര സ്ഥലങ്ങള് കാണാന് ശ്രമിക്കുക. സന്ധ്യാനേരം തിരുനല്വേലിവഴി പാസ്ചെയ്താല് പ്രശസ്തമായ 'ഇരുട്ടുകടൈ ഹല്വാ' കടയില് പോയിനോക്കണം. അരണ്ടവെളിച്ചത്തില് (അതാണ് ഇരുട്ടുകട) 'വെറും ഒരുകപ്പ് ചൂട് ഹല്വ' ഊതിയൂതി കഴിക്കാന് ക്ഷമയോടെ ക്യൂനില്ക്കുന്ന എന്നെപ്പോലുള്ള പ്രാന്തന്മാരെ കാണാം.
ഈ ഹല്വപോലെ ഒരേയൊരു ജീവിതം ക്ഷമയോടെ വരിനിന്ന് ആസ്വദിക്കാം.. രുചിയറിയാം..!
അപ്പോ കാണാക്കാഴ്ചകള് കാണാന് വിട്ടോളൂ!
*Photos - Adarsh Viswanath
(തിരുവനന്തപുരം ജഗതി സ്വദേശിയായ ആദര്ശ് വിശ്വനാഥ്, ആരോഗ്യവകുപ്പില് ഹെല്ത്ത് ഇന്സ്പെക്ടറായി ജോലി ചെയ്യുന്നു)
ബൃഹദീശ്വരക്ഷേത്രം അഥവാ തഞ്ചാവൂര് പെരിയകോവില്.. രാജരാജേശ്വരക്ഷേത്രമെന്നും, പെരുവുടയോര് കോവിലെന്നും, ദക്ഷിണമേരുവെന്നുമൊക്കെ അറിയപ്പെടുന്നു. The GREAT Living Chola Temples ല് ഒന്നാണിത്. കാവേരിതടവും ചോളസാമ്രാജ്യവുമായി അഭേദ്യമായ ബന്ധമാണുള്ളത്. അടുത്തിറങ്ങിയ മണിരത്നത്തിന്റെ ചരിത്രസിനിമ 'പൊന്നിയിന് സെല്വന്' കണ്ടവര്ക്ക് ചോളരാജകഥകളേറെ അറിയാമായിരിക്കും. (തഞ്ചാവൂരിന് കാവേരി 'പൊന്നി' -യാണ്. സെല്വന് - പുത്രന്. പൊന്നിയിന് സെല്വനെന്നാല് 'കാവേരിയുടെ പുത്രന്' - അരുള്മൊഴിവര്മ്മനെന്ന രാജരാജചോളന്)
പതിനൊന്നാംനൂറ്റാണ്ടില് AD 1003-1015 -കാലത്ത് ചോളരാജവംശത്തിലെ ചക്രവര്ത്തി രാജരാജചോളന്, കാവേരിയുടെ തെക്കേക്കരയില് പണികഴിപ്പിച്ച് പരമശിവന് സമര്പ്പിച്ചതാണ് ഇന്ത്യയിലെത്തന്നെ ഏറ്റവും വലിയ ക്ഷേത്രനിര്മ്മിതികളിലൊന്നായ ഈ തമിഴ് വാസ്തുവിദ്യാവിസ്മയം. കുഞ്ചരമല്ലന് രാജരാമപെരുന്തച്ചനെന്ന വാസ്തുശില്പ്പിയത്രെ ഇത് രൂപകല്പ്പന ചെയ്തത്. ഏകദേശം 12 വര്ഷംകൊണ്ടാണ് നിര്മ്മാണം പൂര്ത്തിയായത്. പിന്നീട് ഒട്ടേറെ കൂട്ടിച്ചേര്ക്കലുകളുമുണ്ടായി. അനേകലക്ഷം മനുഷ്യാധ്വാനവും നൂറുകണക്കിന് ആനകളും കുതിരകളും ഇതിനായി രാപ്പകലില്ലാതെ പ്രവര്ത്തിച്ചത്രെ.
Also Read: Haunted Places | ദൈവത്തിന്റെ സ്വന്തം നാട്ടിലെ നിഗൂഢവും ഭീതിപ്പെടുത്തുന്നതുമായ ഇടങ്ങള്!
പുരാതനഭാരതത്തിലെ ഏറ്റവും ഉയരംകൂടിയ ക്ഷേത്രഗോപുരം ഇവിടെയാണ്. വിമാനമെന്നാണ് ഇതിനെ വിളിക്കുന്നത്. 66 മീറ്റര് (208 അടി) ഉയരമുള്ള ഗോപുരം 16 നിലകളിലാണ്. ഇതിനുള്ളിലാണ് രണ്ടുനില പൊക്കത്തില് ഏറ്റവുംവലിയ ഒറ്റക്കല്ശിവലിംഗം (29 അടി) പ്രതിഷ്ഠിച്ചിരിക്കുന്നത്. ബൃഹദീശ്വരക്ഷേത്ര സമുച്ചയത്തിന് അഞ്ച് പ്രധാനഭാഗങ്ങളുണ്ട്. ശ്രീവിമാനത്തോടുകൂടിയ, ശിവലിംഗപ്രതിഷ്ഠയുള്ള ശ്രീകോവില് (ഗര്ഭഗൃഹം), അതിനുമുന്വശത്ത് നന്ദിമണ്ഡപം. അതിലാണ് ഒറ്റക്കല്ലിലെ ഭീമാകാരമായ ശിവവാഹനപ്രതിഷ്ഠ (നന്ദി).
ശ്രീകോവിലിനും നന്ദിമണ്ഡപത്തിനും ഇടയില് സ്ഥിതിചെയ്യുന്ന മുഖമണ്ഡപവും തുടര്ന്ന് മഹാസദസ്സായ മഹാമണ്ഡപവും. അവസാനം ശ്രീകോവിലിനെയും മഹാമണ്ഡപത്തെയും ബന്ധിപ്പിക്കുന്ന അന്തരാളം എന്നഭാഗവും. പരിക്രമചടങ്ങുകള്ക്കായി, മുറ്റത്തിന് 450 മീറ്റര് ചുറ്റളവുള്ള തൂണുകളുള്ള വരാന്തയുമുണ്ട്. സമുച്ചയത്തില് നന്ദി, പാര്വതി, മുരുകന്, വിനായഗര്, സഭാപതി, ദക്ഷിണാമൂര്ത്തി, ചണ്ഡികേശ്വര്, വരാഹി എന്നീങ്ങനെ അനേകം ഉപദേവാലയങ്ങളും 108 ശിവലിംഗങ്ങളും ഉള്പ്പെടുന്നു.
ക്ഷേത്രത്തിലേക്കുള്ള പ്രധാനകവാടങ്ങള് കിഴക്ക്ഭാഗത്താണ്. ആദ്യത്തേതിനെ കേരളതങ്കന് തിരുവാസല് എന്നുവിളിക്കുന്നു. കേരളത്തിലെ ചേരസാമ്രാജ്യത്തെ പരാജയപ്പെടുത്തിയതിന്റെ ഓര്മ്മക്കാണിത്. അതിനുമുന്നിലാണ് രാജരാജന് തിരുവാസല് എന്നറിയപ്പെടുന്ന അകത്തെമുറ്റത്തെ ഗോപുരം. മനോഹരമായ കൊത്തുപണികളാല് സമ്പന്നമാണ് ഇവിടത്തെ ഓരോശിലയും.
മുകള്നിലയിലെ ഇടനാഴിയുടെ ഭിത്തിയില് നാട്യശാസ്ത്രത്തിന്റെ 108 നൃത്തകരണങ്ങളില് 81എണ്ണം കൊത്തിവച്ചിട്ടുണ്ട്. ഇവയത്രെ ഭരതനാട്യത്തിന്റെ അടിസ്ഥാനം! ബാക്കി 27 നൃത്തകരണങ്ങള് ശൂന്യമായ കല്ലുകളാണ്. എന്തുകൊണ്ടാണ് ഇവ കൊത്തിയെടുക്കാത്തതെന്ന് വ്യക്തമല്ല. ക്ഷേത്രചുവരുകളില് തമിഴ്, സംസ്കൃതലിപികളില് നിരവധി ലിഖിതങ്ങളുണ്ട്. അകത്തളങ്ങളില് പ്രകൃതിദത്തനിറങ്ങളിലുള്ള ഏറെ ചുമര്ചിത്രങ്ങളും.
ഒട്ടേറെ അവിശ്വസനീയമായ കാര്യങ്ങള് ഈ ക്ഷേത്രത്തിലുണ്ട്. ഇത്രയുംവലിയ ഗോപുരംനിര്മ്മിക്കാന് പാറക്കല്ലുകള്മാത്രമാണ് ഉപയോഗിച്ചിരിക്കുന്നത്. സിമന്റ്/പശ/മണല് തുടങ്ങിയൊന്നും കല്ലുകളെ ബന്ധിപ്പിക്കാന് ഉപയോഗിച്ചിട്ടില്ല. പകരം ഇന്റര്ലോക്ക് - പസില് ടെക്നിക്കാണ് ഉപയോഗിച്ചിട്ടുള്ളത്. ഇത്രയും ഉയരമുള്ള ഗോപുരത്തിന്റെ മുകളിലെ കുംഭം (Cap-stone) 80 ടണ് - 80,000 കിലോ ഭാരമുള്ള ഒറ്റക്കല്ലില് കൊത്തിയെടുത്തതാണ്. പീഠം മറ്റൊരു 25 ടണ്. ഇതെങ്ങനെ ഉയര്ത്തി അവിടെയെത്തിച്ചുവെന്നത് ഇന്നും അജ്ഞാതമാണ്. അതും ക്രെയിനും സാങ്കേതികവിദ്യയും, വൈദ്യുതിയുമൊന്നുമില്ലാത്ത അക്കാലത്ത്!
ക്ഷേത്രപ്രവേശന കവാടത്തിലെ നന്ദിപ്രതിമയും ഒറ്റപ്പാറയില് കൊത്തിയെടുത്തതാണ്. ഇതിന് 20 ടണ് ഭാരമുണ്ട്. ക്ഷേത്രത്തിലെ തൂണുകളോരോന്നും ടണ്കണക്കിന് ഭാരമുള്ളതും അണുവിടതെറ്റാതെ കൃത്യമായി മുറിച്ചെടുത്തതുമാണ്. 1,30,000 ടണ് കരിങ്കല്ല് ക്ഷേത്രനിര്മ്മാണത്തിന് ഉപയോഗിച്ചതായി കണക്കുകൂട്ടിയിരിക്കുന്നു. അത്ഭുതമെന്തെന്താല്, ഇത്തരം കരിങ്കല്ലിന്റെ ഒരു ക്വാറിപോലും ക്ഷേത്രത്തിന്റെ നൂറുകിലോമീറ്റര് ചുറ്റളവിലില്ല.
Also Read: 'മരണത്തിലേക്കുള്ള ചുവടുവയ്പ്പുകള്', ലോകത്തിലെ ഏറ്റവും ഡെഡ്ലി ഡെയിഞ്ചറസ് സ്പോട്ടുകള്!
മാത്രമല്ല ഇത്രയും നിര്മ്മാണം നടക്കുമ്പോഴുണ്ടാവുന്ന വേസ്റ്റ് കല്ലുകള് എവിടെയെന്ന് ഇനിയും കണ്ടെത്തിയിട്ടില്ല. ശിവലിംഗവും നന്ദിയും നിര്മ്മിച്ചതിനു സമാനസ്വഭാവമുള്ള ഗ്രാനൈറ്റ്കല്ലുകള് ഗുജറാത്തിലെ സൗരാഷ്ട്രമേഖലയിലാണ് കാണപ്പെടുന്നതത്രെ. 2100km അകലെ. വാഹനങ്ങളില്ലാതിരുന്ന കാലത്ത് ഇത്രഭാരമുള്ള കല്ലുകള് എങ്ങിനെയാവും എത്തിച്ചിരിക്കുക? ഉത്തരമില്ല. ഇത്രവലിയ നിര്മ്മിതിക്ക് കാര്യമായ അടിത്തറയില്ല എന്നതാണ് മറ്റൊരത്ഭുതം.
ഇത് സാധാരണപ്രതലത്തില് ഉറപ്പിച്ചിരിക്കുകയാണ്. നിര്മ്മിതിയുടെ ആകെഭാരവും കോണളവുകളും നല്കുന്ന ഗ്രാവിറ്റി തന്നെയാണ് ഇതിന് ഉറപ്പുനല്കുന്നത്. 1000 വര്ഷമായിട്ടും പേമാരിക്കും കൊടുങ്കാറ്റിനും ഭൂകമ്പങ്ങള്ക്കും കീഴ്പ്പെടുത്താനാവാത്ത വാസ്തുവിദ്യാ വൈദഗ്ദ്ധ്യം (Architectural Brilliance). ഇത് നിര്മ്മിച്ച് 1000 വര്ഷത്തിനുശേഷവും ഈ നിര്മ്മിതിക്ക് '0' ഡിഗ്രി ചരിവാണ് രേഖപ്പെടുത്തിയിട്ടുള്ളത്. പാശ്ചാത്യലോകത്തെ പ്രമുഖനിര്മ്മിതികള്ക്കൊന്നും അവകാശപ്പെടാനില്ലാത്ത നേട്ടം.
ക്ഷേത്രത്തിന്റെ നിഴലുമായി ബന്ധപ്പെട്ടാണ് മറ്റൊരു രസകരമായ കാര്യം. നിഴല്വീഴാത്ത ക്ഷേത്രമെന്നാണ് വിശ്വാസം. സൂര്യന് മുകളിലെത്തുന്ന നേരത്ത് ക്ഷേത്രത്തിന് നിഴല് ഉണ്ടാവില്ല. കിഴക്കോട്ട് ദര്ശനമായ ക്ഷേത്രത്തിന്റെ മുകളിലേക്ക് ചെറുതാവുന്ന ചരിവ് കാരണം നിഴല് ക്ഷേത്രചത്വരത്തിനുള്ളില് ഒതുങ്ങുന്നതാണ് കാരണം.
ഈ അത്ഭുതങ്ങള് കാരണം ഇതിന്റെ നിര്മ്മാണത്തിനുപിന്നില് അന്യഗ്രഹജീവികളാണെന്നുവരെ ചിലര് വിശ്വസിക്കുന്നു. എന്തായാലും 80 ടണ്ണിന്റെ ഒറ്റപാറ കൊത്തിയെടുത്ത് മുകളിലെത്തിച്ചത് അത്ഭുതമല്ലാതെ മറ്റൊന്നല്ല. 45 ഡിഗ്രി ചരിവില് 5 കിലോമീറ്റര്നീളത്തില് റാംപ് നിര്മ്മിച്ച് അനേകം ആനകളാല് കല്ലുകള് വലിച്ചുകയറ്റിയതാകാമെന്നൊക്കെ ഗവേഷകര് പറയുന്നു.
യുനെസ്കോ ലോകപൈതൃകപട്ടികയില് ഉള്പ്പെടുത്തിയിട്ടുള്ള ഈ വിസ്മയം ഇന്ന് ആര്ക്കിയോളജിക്കല് സര്വ്വെ ഒഫ് ഇന്ത്യയുടെ കീഴില് സംരക്ഷിതസ്മാരകമാണ്. ഇത്രയൊക്കെയായിട്ടും ഏഴ് ലോകാത്ഭുതങ്ങളില് ബൃഹദീശ്വരക്ഷേത്രം എങ്ങിനെ ഉള്പ്പെടാതെപോയെന്നത് മറ്റൊരത്ഭുതമാണ്.
നമുക്ക് നമ്മുടെ ദ്രാവിഡപൈതൃകത്തില് അഭിമാനംതോന്നാന് അല്പനേരം ഇതിനുമുന്നില് ഇരുന്നാല്മതി. അതിനാല് നിശ്ചയമായും കണ്ടിരിക്കേണ്ട ഒന്നാണീക്ഷേത്രം. വെറുതെ ഫോട്ടോയെടുത്ത് കണ്ടുപോവുകയല്ല, അതെപ്പറ്റി മനസ്സിലാക്കുകയും വേണം. താജ്മഹലും കുത്തബ്മിനാറുമൊക്കെ നിശ്ചയമായും ഇതിനുകീഴെയേവരൂ എന്ന് മനസ്സിലാവും.
ഇവിടെ നിന്ന 80 km അകലെയുള്ള ഗംഗൈകൊണ്ടചോളപുരം ക്ഷേത്രവും ഏകദേശം തഞ്ചാവൂര്ക്ഷേത്രത്തോട് കിടപിടിക്കുന്ന നിര്മ്മിതിയാണ്. ഇത് തഞ്ചാവൂര് ക്ഷേത്രത്തിന്റെ സ്ത്രീലിംഗമായി കണക്കാക്കുന്നു. 60 km അപ്പുറം കുഭകോണത്തടുത്ത് ദാരാസുരത്ത് ഒരു ഐരാവതേശ്വരക്ഷേത്രമുണ്ട്. അതും അതിഗംഭീരമാണ്. പിന്നെ ശ്രീരംഗംക്ഷേത്രവും, ചിദംബരം തില്ലെനടരാജക്ഷേത്രവും മനോഹരനിര്മ്മിതികളാണ്. ക്ഷേത്ര വാസ്തുവിദ്യകളില് (Temple Architecture) താല്പ്പര്യമുള്ളവര്ക്ക് പോയാല് എനന്തുക്കൊണ്ടും അുയോജ്യമായയിടമാണ്.
തഞ്ചാവൂര് യാത്ര സംബന്ധമായി ചില കാര്യങ്ങള്
ഞാന് തിരുവനന്തപുരത്ത് നിന്നാണ് യാത്രതിരിച്ചത്. കാറില് നടത്തിയ യാത്രിയില് വണ്സൈഡില് 515 കി.മീ എടുത്തു. സമാധാനമായി ഡ്രൈവ് ചെയ്താല് 12 മണിക്കൂറെടുക്കും. അതിനാല് ഇടക്കൊരു താമസം നല്ലതാണ്. ഞങ്ങള് മധുരയില് താമസിച്ചു. അവിടെയും ധാരാളം കാണാനുണ്ട്. ട്രെയിനിലോ ബസിലോ പോയാലും സുഖമായെത്താം.
തിരുവനന്തപുരം ഭാഗത്തുനിന്ന് പോകാന് തിരുനെല്വേലിറൂട്ടാണ് നല്ലത്. 4 ലൈന് ഹൈവേയാണ് മുഴുവന്. പക്ഷേ മൊത്തം ടോള് ഗേറ്റുകളാണ്. ടോളിന് മാത്രം, മടക്കയാത്രയടക്കം ഏകദേശം 1200/ രൂപയായി. കാറില് പോകുന്നവര് ഫാസ്റ്റാഗ് 1500/ എങ്കിലും ചാര്ജ്ചെയ്യുക. പിന്നെ രാത്രിയായാല് വിജനമായ വഴികളാണ് ഇതെന്ന് ഓര്ക്കുക.
Also Read: Adults Only Hotels | മുതിര്ന്നവര്ക്ക് മാത്രമുള്ള ഇന്ത്യന് ഹോട്ടലുകള്, കുട്ടികളെ കൂടെ കൂട്ടാന് പറ്റില്ല!
സമയവും താല്പ്പര്യവുമുണ്ടെങ്കില് ഇടക്ക്കയറികാണാന് ഒരുപാട് സ്ഥലങ്ങളുണ്ട്. തിരുനല്വേലി, മധുര, തിരുച്ചിറപള്ളി, ശ്രീരംഗം, ചിദംബരം, ശിവഗംഗ, കുംഭകോണം, അല്പം വഴിമാറിയാല് പോണ്ടിച്ചേരി, വേളാങ്കണ്ണി, രാമേശ്വരം അങ്ങനെ, അങ്ങനെ..
റൂമുകള് ഓണ്ലൈന് ബുക്ക്ചെയ്താല് നല്ലതാണ്. സ്വന്തം വാഹനമുണ്ടെങ്കില് ക്ഷേത്രത്തിനടുത്ത് തന്നെ റൂം എടുക്കണമെന്നില്ല. കാരണം ചാര്ജ് കൂടും. വേനക്കാലങ്ങളില് രാത്രിയും ചൂടായതിനാല് എസി റൂം എടുക്കുന്നതാവും അഭികാമ്യം (സീസണനുസരിച്ച്). തഞ്ചാവൂര് മറ്റു തമിഴ്നഗരങ്ങളെക്കാള് നല്ലവൃത്തിയുള്ള സിറ്റിയാണ്. യാത്രാസൗകര്യങ്ങളുമുണ്ട്.
ക്ഷേത്രത്തില് യാതൊരു ഡ്രസ്കോഡും ഇല്ല. ചെരുപ്പ്മാത്രം ഊരിവക്കണം. മൊബൈല് ഫോണ് അകത്തുകൊണ്ടുപോകാം. നടയിലൊഴികെ ഫോട്ടോയെടുക്കാന് നിയന്ത്രണമില്ല. ഗൈഡിന്റെ സേവനംകിട്ടും, പക്ഷേ ആദ്യമേ റേറ്റുപറഞ്ഞ് ഉറപ്പിക്കുക. ക്ഷേത്രത്തെപറ്റി ഒന്ന് വായിച്ചുപഠിച്ചിട്ടുപോയാല് കൂടുതല് ആസ്വദിക്കാം.
6.00 AM - 12.30 വരെയും 4.00 PM - 8.30 ആണ് സന്ദര്ശന സമയം. രാത്രി നല്ലലൈറ്റിംഗ് ഒക്കെ ചെയ്ത് അലങ്കരിച്ചരിക്കുന്നത് നല്ല കാഴ്ചയാണ്. കഴിവതും ഇവിടെ രണ്ടുനേരം കയറാന് നോക്കണം. ഒരുദിവസം സന്ധ്യക്ക് ചെന്ന് ലൈറ്റിങ്ങിലും കാണണം, പിന്നെ പിറ്റേന്നു രാവിലെ പകല്വെളിച്ചത്തിലും. രണ്ടും രണ്ട് വൈബാണ്. ഏതാണ് കിടിലമെന്ന് പറയാന്പറ്റുന്നില്ല. എന്തായാലും ഉച്ചക്ക് പോയാല് നല്ലചൂടാണ്. കല്നടപ്പാതകള് വെയിലത്ത് ചുട്ടുപഴുത്ത് കിടക്കുകയാവും. നടന്നാല് കാലുപൊള്ളും.
തഞ്ചാവൂര് സന്ദര്ശനത്തില് ക്ഷേത്രംകൂടാതെ മറാത്തപാലസെന്ന രാജകൊട്ടാരവും, സരസ്വതിമഹല് ലൈബ്രറിയും ഉള്പ്പെടുത്തുക. പറ്റിയാല് കാവേരിനദിയും കാണുക.
തഞ്ചാവൂര് രുചിപ്പെരുമ പ്രശസ്തമാണ്. തനതു തമിഴ് വെജ് വിഭവങ്ങള് സ്വാദിഷ്ടമാണ്. കൂടാതെ അവിടത്തെ ചെട്ടിനാട് നോണ്-വെജ് കിടിലനാണ്. ടൗണില് പട്ടുക്കോട്ടെ കാമാച്ചിമെസ്സിലെ എട്ടുപത്ത് നോണ്വെജ് കറികള്ചേര്ന്ന ചെട്ടിനാട് മീല്സ് ഒരൊന്നൊന്നര സംഭവമാണ്. പിന്നെ കണ്ണപ്പാ ഹൈക്ലാസ് ഹോട്ടലും ചെട്ടിനാടന് വിഭവങ്ങള്ക്ക് അടിപൊളിയാണ്.
തഞ്ചാവൂര് പെയിന്റിങ്ങുകള് ലോകപ്രശസ്തമാണ്. മറ്റൊന്ന് തഞ്ചാവൂര്പാവകളാണ് (Dancing Doll). സംഗീതോപകരണങ്ങള്, തമിഴ്സ്റ്റെല് തഞ്ചാവൂര് സാരികള് എന്നിവയൊക്കെ സുവനീറായി വാങ്ങി സൂക്ഷിക്കാം.
തിരികെവരുമ്പോള് കഴിയുന്നത്ര സ്ഥലങ്ങള് കാണാന് ശ്രമിക്കുക. സന്ധ്യാനേരം തിരുനല്വേലിവഴി പാസ്ചെയ്താല് പ്രശസ്തമായ 'ഇരുട്ടുകടൈ ഹല്വാ' കടയില് പോയിനോക്കണം. അരണ്ടവെളിച്ചത്തില് (അതാണ് ഇരുട്ടുകട) 'വെറും ഒരുകപ്പ് ചൂട് ഹല്വ' ഊതിയൂതി കഴിക്കാന് ക്ഷമയോടെ ക്യൂനില്ക്കുന്ന എന്നെപ്പോലുള്ള പ്രാന്തന്മാരെ കാണാം.
ഈ ഹല്വപോലെ ഒരേയൊരു ജീവിതം ക്ഷമയോടെ വരിനിന്ന് ആസ്വദിക്കാം.. രുചിയറിയാം..!
അപ്പോ കാണാക്കാഴ്ചകള് കാണാന് വിട്ടോളൂ!
*Photos - Adarsh Viswanath
(തിരുവനന്തപുരം ജഗതി സ്വദേശിയായ ആദര്ശ് വിശ്വനാഥ്, ആരോഗ്യവകുപ്പില് ഹെല്ത്ത് ഇന്സ്പെക്ടറായി ജോലി ചെയ്യുന്നു)