ഇന്ത്യയിലെ ആദ്യത്തെ ഹിമപ്പുലി സംരക്ഷണ കേന്ദ്രം ഉത്തരാഖണ്ഡില് ഒരുങ്ങുന്നു. സംസ്ഥാനത്തെ ഉത്തര്കാശി വനങ്ങളില് വികസിപ്പിക്കാന് ഒരുങ്ങുകയാണ്. ഉത്തരാഖണ്ഡ് മുഖ്യമന്ത്രി ത്രിവേന്ദ്ര സിംഗ് റാവത്തും സംസ്ഥാന വനം മന്ത്രിയും ഉദ്യോഗസ്ഥരും സംരക്ഷണ കേന്ദ്രം സംബന്ധിച്ച് യോഗം ചേര്ന്നു. ഉത്തരാഖണ്ഡ് വനം വകുപ്പും യുഎന്ഡിപി യും ചേര്ന്നായിരിക്കും സംരക്ഷണ കേന്ദ്രം വികസിപ്പിക്കുന്നതെന്ന് അധികൃതര് അറിയിച്ചു.
ഹിമാലയന് പരിസ്ഥിതി വ്യവസ്ഥകളുടെ സംരക്ഷണമാണവും ഉപജീവനമാര്ഗ്ഗം സൃഷ്ടിക്കലുമാണ് പദ്ധതിയുടെ പ്രധാന ലക്ഷ്യങ്ങള്. ഹിമപ്പുലികളെയും വംശനാശഭീഷണി നേരിടുന്ന ഹിമാലയന് ജീവജാലങ്ങളെയും സംരക്ഷിക്കുകയെന്നതാണ് പദ്ധതിയിലൂടെ ഉദേശിക്കുന്നത്.
സംസ്ഥാനത്ത് മൊത്തം ഹിമപ്പുലികളുടെ എണ്ണം കണക്കാക്കണം. ഇത് തിട്ടപ്പെടുത്തി ഇവയെ സംരക്ഷിക്കുന്നതിനും വര്ദ്ധിപ്പിക്കുന്നതിനും പ്രത്യേക ശ്രമങ്ങള് നടത്തും. കഴിഞ്ഞ കുറച്ച് വര്ഷങ്ങളായി ഹിമപ്പുലികളെ കണ്ടെത്തിയ പ്രദേശങ്ങള് തിരിച്ചറിയേണ്ടതുണ്ട്. പ്രദേശവാസികളുടെയും സൈനികരുടെയും സഹകരണത്തോടെ വനംവകുപ്പ് ഗ്രിഡുകള് നിര്മ്മിച്ച് ഈ പ്രദേശങ്ങള് കണക്കാക്കും.
ഹിമപ്പുലിയുടെ സംരക്ഷണം ഉത്തരാഖണ്ഡിലെ ശൈത്യകാല ടൂറിസത്തെ പ്രോത്സാഹിപ്പിക്കുമെന്നും വനംവകുപ്പ് അധികൃതര് പറയുന്നു. ഉത്തരാഖണ്ഡിലെ പര്വതപ്രദേശങ്ങള് വിനോദസഞ്ചാരികളെ ആകര്ഷിക്കുന്ന വിവിധതരം വന്യജീവികളുടെ ആവാസ കേന്ദ്രമാണ്. അതിനാല്, വംശനാശം സംഭവിച്ച ഈ ജീവികളെ സംരക്ഷിക്കാനുള്ള ശ്രമങ്ങള് അത്യാവശ്യമാണെന്നാണ് വനംവകുപ്പിന്റെ അഭിപ്രായം.
Also Read: ഇന്ത്യയിലെത്തുന്ന അന്താരാഷ്ട്ര യാത്രക്കാര്ക്കുള്ള പുതിയ മാര്ഗനിര്ദേശങ്ങള്
ഉത്തര്കാശി പിത്തോര്ഗര് ജില്ലകളില് നിരവധി ഹിമപ്പുലികളെ കണ്ടതായി അധികൃതര് പറയുന്നുണ്ട്. എന്നാല് യഥാര്ത്ഥ കണക്കുകള് അജ്ഞാതമാണ്. നിരവധി ഗവേഷണങ്ങളുടെ അടിസ്ഥാനത്തില് നിലവില് 86 ഹിപ്പുലികളാണ് ഉത്തരാഖണ്ഡിലുള്ളതെന്നാണ് നിഗമനം.
Also Read: പൂക്കളുടെ താഴ്വര സഞ്ചാരികളെ സ്വാഗതം ചെയ്യുന്നു
സംരക്ഷണ കേന്ദ്രത്തിനുപുറമെ നഗരപ്രദേശങ്ങളില് ഹരിത പ്രദേശങ്ങള് വികസിപ്പിക്കുന്നതിനായി ആറ് നഗര സ്ഥലങ്ങള് വികസിപ്പിക്കാനുള്ള ശ്രമത്തിലാണ് ഉത്തരാഖണ്ഡ്. കുമയോണ് മേഖലയിലെ നഗര വനങ്ങള്, സമതലങ്ങളില് രണ്ടെണ്ണം, മലയോര ജില്ലകളില് നാലെണ്ണം എന്നിവ വികസിപ്പിക്കാനുള്ള പദ്ധതികള് ഉത്തരാഖണ്ഡ് വനംവകുപ്പ് പ്രഖ്യാപിച്ചു. നഗരങ്ങളില് വനവികസനം നടത്തുക, നഗരപ്രദേശങ്ങളില് ഹരിത സംരക്ഷണം വര്ദ്ധിപ്പിക്കുക, ജനങ്ങളെ ഹരിതവും ശുദ്ധവുമായ അന്തരീക്ഷവുമായി ബന്ധിപ്പിക്കുക എന്നിവയാണ് ലക്ഷ്യമെന്ന് ഉദ്യോഗസ്ഥര് പറയുന്നു. ഡെറാഡൂണ്, നൈനിറ്റാള്, അല്മോറ, ബാഗേശ്വര്, പിത്തോര്ഗര്, ചമ്പാവത്ത് എന്നിവയാണ് പ്രദേശങ്ങള്.