ലോകാത്ഭുത കാഴ്ച്ചകളാല് സമ്പന്നമായ ഒരു അതിമനോഹരമായ നഗരമാണ് ദുബായ്. ലോകത്തിലെ ഏറ്റവും വലിയ കെട്ടിടമായ ഭുര്ജ് ഖലീഫ എന്ന അത്ഭുതത്തിന് ശേഷം മറ്റൊരു അത്ഭുതവുമായി സഞ്ചാരികളെ സ്വാഗതം ചെയ്യാന് ഒരുങ്ങുകയാണ് ദുബായ്. ഒക്ടോബര് 22 ന് ലോകത്തിലെ ഏറ്റവും വലിയ ജലധാര (പാം ഫൗണ്ടന് എന്നും അറിയപ്പെടുന്നു) നഗരത്തില് അനാച്ഛാദനം ചെയ്യാന് പോവുകയാണ്. അതേ ദിവസം ലോകത്തിലെ ഏറ്റവും വലിയ ജലധാരയുടെ ഗിന്നസ് റെക്കോര്ഡും പാം ഫൗണ്ടന് സ്വന്തമാകും.
ദുബായിലെ ആഡംബര ജീവിതത്തിനും വൈവിദ്യമാര്ന്ന ഭക്ഷണശാല ശൃംഖലകള്ക്കും പേരു കേട്ട പോയിന്റെ എന്ന സ്ഥലത്താണ് പാം ഫൗണ്ടന്. 14,000 ചതുരശ്ര അടി വിസ്തീര്ണ്ണമുള്ള ജലധാരയുടെ സൂപ്പര് ഷൂട്ടര് 105 മീറ്റര് ഉയരമുള്ളതായിരിക്കും. 3000 ലധികം എല്ഇഡി ലൈറ്റുകളില് ഇതിനെ രാത്രിയില് വര്ണ്ണാഭമാക്കും.
20 ആകര്ഷകമായ ഷോകളും അഞ്ച് വ്യത്യസ്ത ഷോകളും സൂര്യാസ്തമയത്തിനും അര്ദ്ധരാത്രിക്കും ഇടയില് ദിവസേന പ്രവര്ത്തിക്കും (വൈകുന്നേരം 7 മുതല് 12 വരെ). ഓരോ 30 മിനിറ്റിലും 3 മിനിറ്റ് പ്രകടനത്തോടെ ഖലീജി, പോപ്പ്, ക്ലാസിക്, ഇന്റര്നാഷണല് എന്നീ ശ്രേണികളില്പ്പെട്ട ജനപ്രിയ ഗാനങ്ങള്ക്കൊപ്പം ഈ ഫൗണ്ടന് പ്രവര്ത്തിക്കും.
ദി പോയിന്റിലെത്തുന്ന സഞ്ചാരികളെയും പാം ജുമൈറ നിവാസികളെയും ഇവിടത്തെ ചില്ലറ വ്യാപാരികളെയും ഒരുപോലെ പുതിയ ഫൗണ്ടന് ആകര്ഷിക്കുമെന്ന് നഖീല് മാളിലെ മാനേജിംഗ് ഡയറക്ടര് ഒമര് ഖൂരി അഭിപ്രായപ്പെട്ടു. പാം ഫൗണ്ടന്റെ രൂപകല്പ്പന, നിര്മ്മാണം, പ്രവര്ത്തനം എന്നിവയുടെ ഭാഗമാകുന്നതില് തങ്ങള്ക്ക് അഭിമാനമുണ്ടെന്നും ഇതൊരു അസാധാരണമായ നേട്ടമായിരിക്കുമെന്നും ബീജിംഗ് വാട്ടര് ഡിസൈന് ടെക്നോളജിയുടെ ചെയര്മാന് സിന് സു പറഞ്ഞു.
Also Read: ഈ രാജ്യങ്ങളില് നിന്നുള്ളവര്ക്ക് ജപ്പാനില് പ്രവേശിക്കാം
ദുബൈയുടെ ആഗോളപ്രശസ്ത ലാന്ഡ്മാര്ക്കുകളുടെ കൂട്ടത്തിലേക്ക് പാം ഫൗണ്ടന് ചേര്ക്കപ്പെടും. ഇത് ദുബായ് നിവാസികള്ക്കും സന്ദര്ശകര്ക്കും ഒരുപോലെ ആകര്ഷകമാകും.
Also Read: 'ഡെസ്റ്റിനേഷന് നോര്ത്ത് ഈസ്റ്റ് 2020': ഇനി വടക്കു കിഴക്കന് സംസ്ഥാനങ്ങളുടെ ഊഴം
കൊവിഡ് 19 ന്റെ പശ്ചാത്തലത്തില് അടച്ചിട്ടിരുന്നെങ്കിലും ദുബായ് ഇപ്പോള് അന്താരാഷ്ട്ര വിനോദ സഞ്ചാരികളെ സ്വാഗതം ചെയ്യാന് തുടങ്ങിയിട്ടുണ്ട്. ഐപിഎല് ക്രിക്കറ്റ് ചാമ്പ്യന്ഷിപ്പ് ഉള്പ്പെടെ നിരവധി കായിക മത്സരങ്ങള് ദുബായില് സംഘടിപ്പിക്കുന്നു.