ടെക്സാസിന്റെ കടല് തീരത്ത് നില്ക്കുകയായിരുന്ന എഴു വയസുകാരനാണ് ആ ഭീകരനെ ആദ്യം കണ്ട്ത്. ബ്ലൂ ബട്ടണ് ജെല്ലിഫിഷ് ആണെന്നാണ് ഏവരും ആദ്യം കരുതിയത്. എന്നാല് അപകടകാരിയായ നീല ഡ്രാഗണ് എന്ന ജന്തുവായിരുന്നു അത്. ടെക്സാസിലെ പാദ്രെ ഐലന്റ് നാഷണല് സീ ഷോറിലാണ് ജീവിയെ കണ്ടെത്തിയത്. കടലില് നിന്ന് തിരമാലയ്ക്കൊപ്പം വന്ന് കരയിലടിയുകയായിരുന്നു. ഇതിന്റെ മുള്ള് വിഷം നിറഞ്ഞതാണ്.
ആദ്യം തെറ്റിദ്ധരിച്ചു
നീല ഗ്രാഗണിനെ ആദ്യം കണ്ടപ്പോള് ബ്ലൂ ബട്ടണ് ജെല്ലി ഫിഷ് ആണെന്ന് തെറ്റിദ്ധരിച്ചു. എന്നാല് സംഗതി അതല്ലെന്ന് പിന്നീട് മനസ്സിലായി. ജീവിയെ ആദ്യം കണ്ട് 7 വയസുകാരന് അതിനെ കൈയിലെടുത്ത് മാതാപിതാക്കളെ കാണിച്ചു. ഒരു പുതിയ ഇനം കടല് ജന്തുവിനെ താന് കണ്ടെത്തിയെന്നായിരുന്നു ബാലന് പറഞ്ഞത്. പേരു സൂചിപ്പുന്നത് പോലെ നീല നിറത്തിലുള്ള ആകര്ഷകമായ ഒരു കടല് ജന്തുവാണിത്. ഗ്ലൗക്കസ് അറ്റ്ലാന്റിക്കസ് എന്നാണ് ശാസ്ത്രീയ നാമം. ജെല്ലി ഫിഷുമായി അടുത്ത ബന്ധം പുലര്ത്തുന്ന പോര്ച്ച്യുഗീസ് മാന് ഓഫ് വാര്സ് എന്ന ജന്തുക്കളെയാണ് നീല ഡ്രാഗണുകള് പ്രധാനമായും വേട്ടയാടി ഭക്ഷിക്കുന്നത്.
Also Read: ഈ വിമാനത്താവളത്തിലെ വെന്ഡിംഗ് മെഷീനുകളില് കിട്ടും ഇപ്പോള് അത്യാവശ്യമുള്ള സാധനങ്ങള്
തീരെ കുഞ്ഞനാണെങ്കിലും അപകടകാരിയാണ് നീല ഡ്രാഗണുകള്. അതുകൊണ്ടു തന്നെ പാദ്രെ ഐലന്റ് നാഷണല് സീഷോര് ഇതുമായി ബന്ധപ്പെട്ട് ഫെയ്സ്ബുക്കില് പ്രസ്താവന നടത്തിയിട്ടുണ്ട്. വലിപ്പം കണ്ട് ഇതിനെ ചെറുതായി കാണരുത്. ഇവര് അപകടകാരികളാണ്. ഇവയുടെ മുള്ളിന് കൊടുംവിഷമാണ്. ചെറിയ വലിപ്പം കണ്ട് ഇവയെ വിലയിരുത്തിയാല് അപകടം വിളിച്ചു വരുത്തേണ്ടി വരും.