കൊറോണ വൈറസ് പകര്ച്ചവ്യാധിയുടെ പശ്ചാത്തലത്തില് ഈ വേനല്ക്കാലത്ത് ന്യൂയോര്ക്ക് സിറ്റിയിലെ ബ്രോങ്സിലെ കോണ്കോഴ്സിലെ പ്രശസ്തമായ ബേസ്ബോള് പാര്ക്കായ യാങ്കി സ്റ്റേഡിയം ഡ്രൈവ് ഇന് മൂവി, മ്യൂസിക് കണ്സേര്ട്ട് വേദിയായി മാറ്റും. ലോക്ക്ഡൗണ് കാലത്ത് വെര്ച്വല് ടൂറുകള്, ഓണ്ലൈന് ഗെയിമുകള്, ഡ്രൈവ് ഇന് കണ്സര്ട്ടുകള്, തുടങ്ങിയ സംഭവങ്ങള്ക്ക് ഏറെ പ്രിയമേറിയിരുന്നു.
കഴിഞ്ഞ ഏതാനും ആഴ്ച്ചകളായി ഡ്രൈവ് ഇന്, ഡ്രൈവ് ത്രൂ ട്രെന്റുകള് ലോകമെമ്പാടും കാണാന് കഴിഞ്ഞതാണ്. ഈ ഒരു ട്രെന്റ് കണ്ടിട്ടാണ് പ്രശസ്തമായ യാങ്കീ സ്റ്റേഡിയം ഒരു ഡ്രൈവ് ഇന് ആഘോഷ വേദിയാക്കാന് തീരുമാനമായത്. സിനിമകള്, സംഗീതം ഡിന്നര് എന്നിവയുമായി ആള്ക്കാരെ സ്വാഗതം ചെയ്യാന് ഒരുങ്ങി നില്ക്കുകയാണ് യാങ്കീ സ്റ്റേഡിയം ഇപ്പോള്. ബ്രോങ്ക്സ് കമ്മ്യൂണിറ്റിയിലുള്ള ഒരു സംഘടനയാണ് യാങ്കീ സ്റ്റേഡിയത്തിലെ ആഘോഷങ്ങളുടെ നടത്തിപ്പിന്റെ ചുമത ഏറ്റെടുത്തിരിക്കുന്നത്. ഈ മാസത്തെ ആഘോഷങ്ങള് നേരത്തെ തന്നെ പ്ലാന് ചെയ്തിട്ടുണ്ട്.
വാരാന്ത്യങ്ങളിലായിരിക്കും ഡ്രൈവ് ഇന് ആഘോഷ പരിപാടികള് സംഘടിപ്പിക്കുക. സ്റ്റേഡിയത്തിന്റെ പാര്ക്കിംഗ് ഏരിയയായിരിക്കും പ്രധാന വേദിയവുക. ന്യൂ യോര്ക്ക് സിറ്റിയില് നിന്നുള്ള സംഗീതജ്ഞരുടെ സംഗീത വിരുന്ന് ഇവിടത്തെ ലോക്കല് റെസ്റ്ററന്റുകളില് നിന്നുള്ള ഭക്ഷണ വിഭവങ്ങളുടെ പ്രദര്ശനവും വില്പ്പനയും എന്നിവ കാണാന് കഴിയും. സന്ദര്ശകരെ ത്രില്ലടിപ്പിക്കാനായി വിവിധ തരം കലാപരിപാടികളും ഗെയിം ഷോകളും ഉള്പ്പെടുത്തിയിട്ടുണ്ട്. എല്ലാ ഇവന്റുകളും ലൈവായി ആള്ക്കാര്ക്ക് കാണാന് അവസരം ലഭിക്കും. ഉയര്ന്ന പ്ലാറ്റ്ഫോമില് നില്ക്കുന്ന സ്റ്റേജില് അരങ്ങേറുന്ന പരിപാടികള് സന്ദര്ശകര്ക്ക് നന്നായി ആസ്വദിക്കാന് കഴിയും. സന്ദര്ശകരുടെ കാറിനുള്ളില് പരിപാടിയുടെ ഓഡിയോ ലഭ്യമാകും. ഇതോടെ കാറിനുള്ളിലിരുന്ന് തന്നെ ഇവ ആസ്വദിക്കാന് കഴിയുന്നു എന്നതാണ് പ്രത്യേകത. ലോകത്തെ വിവിധ ഭാഗങ്ങളില് ഇത്തരം ഡ്രൈവ് ഇന് കലാപരിപാടികള് സംഘടിപ്പിക്കാനുള്ള തയ്യാറെടുപ്പുകള് വിവിധ സംഘടനകള് നടത്തുന്നുണ്ട്.
Also Read: 11 കോടി വര്ഷം പഴക്കമുള്ള പല്ലില്ലാത്ത അപൂർവയിനം ദിനോസർ
യാങ്കീ സ്റ്റേഡിയത്തിലെ പരിപാടികള് ടക്കുന്നതിന്റെ കൃത്യമായ തീയതികളും ടിക്കറ്റ് വിവരങ്ങളും ഇതുവരെ പുറത്തുവിട്ടിട്ടില്ല. അധികം വൈകാതെ തന്നെ ഔദ്യോഗിക അറിയിപ്പുണ്ടാകും.